Mangonai Sara Biar ¹ Habis inyan, Yesus maningalan tempat nantae lalu pogi ka daerah yudea, agan ka saborang sungai yordan, lalu bala urang banya bakumpul mangarumi inya. Dan uba biasanya, Yesus mangajar sia lagi. ² . Habis tae bala farisi mandatangi inya, dan aky mancuba ae, sia batanya , ” apa dibonaran lalaki manyara bini nya ?” ³ Yesus manjawab sia, “la’apa yang musa parintahan ko kolay ?”  ⁴ Sia bapanir “musa maizin an ma, lalaki ulih ma mabuat surat saya’a lalu manyara inya” ⁵ Tapi Yesus bapanir ka sia “obay ka korasan hati hunin nam, musa manulisan parintah ka kolay. ⁶ tapi, awal pancipta an, allah manciptan sia lalaki agan batina. ⁷ Obay nya saurang lalaki nan paca’an maningalan ompay agan inday nya. ⁸ Lalu sia badua tae manjadi sabuti daging, pas nian sia bila lagi dua malain an suti daging. ⁹ Jadi lapo yang udah allah satuan tae, bila ada mansia ulih mamisahan nya. ¹⁰ . Habis inyan, di dalam rumah, bala murid nya batanya ka inya la’apa nantae. ? ¹¹ . Lalu inya bapanir ka sia, “sopa pan yang manyra bini nya lalu manikah agan urang lain, maka inya bazinah an bini nya. ¹² Lalu bila bini nya manyara lalakinya lalu manikah agan urang lain, inya nan bazinah. Yesus Mambarkat ay Bala Bia ¹³ . Lalu sia mambawa bala bia kocit ka Yesus oca inya manyantuh bala bia, tapi bala murid tae mangur sia. ¹⁴ . Lalu Yesus maniat, inya manjadi godi lalu bapanir ka bala murid nya, “biar ja bala bia kocit tae datank ka aku, dan jangan merege-rege sia obay nya karajaan allah umpun bala urang uba sia nan. ¹⁵ . Aku bapanir sabonar nya ka kolay sopa pan yang entah manyamut karajaan allah uba saurang bia, entah nya mansu ka dalam.” ¹⁶ . Lalu, Yesus mongoluar bala bia tae, inya mambarkat ae sia lalu malotaan tangannya di pucu sia. Urang Dampu Manula Jumpat Yesus ¹⁷ Lalu pas Yesus tongahan mamparsiapan pajalat nya, ada siku urang bangidian ka inya lalu manyomah ka mukanya dan batanya, “guru yang bai uba apa aku mandapatan warisan hidup yang kokal.” ¹⁸ . Lalu Yesus bapanir ka sia, “ma’apa kolay manyobut aku bai.? Bila ada urang yang bai, kecuali allah siku.” ¹⁹ . Kolay tahu parintah : bila ulih mambunuh, bila ulih bazinah, bila ulih mangolit, bila ulih mangonji pandir pambula an, bila ulih mambula’an, hormat tam ka ompay agan uma kolay. ²⁰ . Habis tae urang nantae bapanir ka inya, “guru aku udah manuruti nantae ija aku muda,” ²¹ . Lalu, Yesus maniat ka pamuda tae lalu maonje kasih ka inya, dan bapanir ka inay, “sabuti hal yang kurang agai kolay tula’a tam lalu bajualan tam samua harta yang kolay umpun dan konji’i ka urang jara, maka kolay dapat harta di sorga, lalu hincam umpat aku.” ²² .  Lalu panir nantae mambuat inya maraju dan iya hingkas agan sedih obay nya inya banya harta. ²³ . Pas nantae Yesus maniat ka sakaliling dan bapanir ka bala murid nya, “hiba uyuh bala urang dampu pakai mansu karajaan allah !” ²⁴ . Bala murid takonyat mandinga panir nya, tapi Yesus bapanir lagi ka sia, “hai bala bia la’apa uyuhnya pakai mansu karajaan allah.!” ²⁵ . Lebih mudah angai saiku unta mansu angai lubang jarum dari pada urang dampu mansu ka karajaan allah.” ²⁶ . Bala murid lobih takajut lagi dan bapanir suti agan bala yang lain nuya, lalu sopa yang ulih di salamat an ?” ²⁷ Yesus maniat ka sia dan bapanir “bagi nasia au nya mungkin tapi entah bagi allah, obay nya sagala samuanya mungkin bagi allah.” Upah Jumpat Yesus ²⁸ Petrus mamulai bapanir ka Yesus , “tiat kami udah maningalan samuan nya, lalu maumpat kolay.” ²⁹ . Yesus pananir,” aku mamaniran yang sabonarnya ka kolay. Bila ada saurang pan yang maningalan rumah, atau samadingan lalaki, atu samadingan batina, atau uma, atu ompay, atu bala bia, atau huma nya, obay aku agan bala injil.  ³⁰ Pas nintae entah manarima saratus kali lipat bala rumah, dan samadingan lalaki; dan samadingan batina dan bala uma, dan bala bia, dan bala huma, agan kakoran, dan ada ma waktunya, hidup yang kekal. ³¹ . Tapi urang yang pertama nan manjadi tadudi dan yang tadudi manjadi pertama. Yesus Bapanir Lagi Mangona ay Kamatian nya ³² Sia lagi di pajalat nai ka yerusalem, dan Yesus bajalat di muka sia, dan sia tahiran. Habis tae bala urang yang umpat nya tae gola’a  dan Yesus bali lagi mambawa bala muridnya, dan iya mulai mambori tahu ka sia, apa paca’an yang tajadi ka inya. ³³ Uji nya tae, “tiat, kita nie tongahan nai ka yerusalem. Dan paca’an anaa’a mansia paca’an di sorahan ka bala imam dan bala Ahli Taurat, sia paca’an mahukum –nya sampai mati dan paca’an manyorahan nya, ka bala urang entah yahudi. ³⁴ Sia pac’an mahina dan maigahi nya dan mahajar nya dan mambunuh nya, tapi paca’an sojadi tiga hari, inya paca’an angkat. Paminta an Yakobus dan Yohanes ³⁵ .pas nantae yakobus agan Yohanes, ana’a zebedeus datank ka Yesus lalu bapanir, “kami nie hona duan malakuan yang kami hona ae.” ³⁶ Lalu Yesus bapanir ka sia, “ apa yang hona ku lakuan pakai kolay ?” ³⁷ Sia bapanir ka inya lagi, “izin an kami siku urang dudu di sabolah kanan duan dan siku dusu disabolah kiba duan, dalam kamulian inya. ³⁸ Lalu Yesus bapanir ka sia,”kolay entah tahu macam apa yang kolay hona’i nan, sangup ma kolay minum angai cawan yang harus ku minum atau di baptis agan baptisan yang di baptisan ka kolay.?” ³⁹ Sia bapanir ka inya “kami sangup ma !” lalu Yesus bapanir ka sia, “cawan yang aku minum harus kolay minum, dan kolay paca’an dibaptis agan yang dibaptisan ka kolay. ⁴⁰ tapi paca’an dudu di sabolah kanan aku atau pan di sabolah kiba ku, bila nya hak aku akay mamborian nya, tapi paca’an tampat nantae pakai sia yang udah dipasiapan.” ⁴¹ Mandinga nantae ka sapuluh murid lae manjadi godi ka yakobus dan Yohanes. ⁴² Lalu Yesus maningkau sia lalu bapanir “kolay tahu sia yang diangap sabagai pamarintah bala urang entah yahudi babuat so bakuasa di pucu sia dan bala patingi nantae mangunaan kakuasaan tae di pucu sia” ⁴³ Tapi entah saharus nya diantara kolay, sabalinya sopa yang hona manjadi bosar diantara kolay, ⁴⁴ .dan sopa yang hona manjadi pertamma di antara kain harus manjadi palayan angai samuanya. ⁴⁵ . Obay, ana’an mansia pan datank bila dilayani, tapi pakai malayani, dan mangonyuan nyawa nya akai tobusan bagi banya urang. Yesus Maubat ay Bartimeus yang Buto ⁴⁶ Habis tae, sia sampai am ka yerikho, pas Yesus maningalan yerikho sasama agan bala murid dan bala urang banya, ada saurang pangamis buta banama bartimeus, ana’a timues, tongahan dudu di pingiranjalat. ⁴⁷ Pas inya mandinga ada Yesus angai nazaret, inya pan mulai bapanir, “Yesus , ana’a daut kasihi aku nie!” ⁴⁸ Dan, banyak orang menegurnya dan menyuruhnya diam. Namun, ia semakin berteriak, “Anak Daud, kasihanilah aku!” ⁴⁹ Lalu Yesus bahonti lalu bapanir ”tingkau inya,” lalu sia maningkau urang buta dan bapanir ka inya, “kuat an tam hati kolay ! badiri tam, inya tae maningkau kolay.” ⁵⁰ Samil malopasan jubah nya tae, urang buta tae badirin lalu datnk ka Yesus . ⁵¹ Lalu Yesus bapanir ka inya, apa yang hona aku lakuan pakai kolay ? “lalu urang buta tae manjawab “rabi biar an aku maniat”  ⁵² Lalu Yesus bapanir ka inya, “tula’a tam iman kolay udah manyambuhan kolay” pas nantae jam, inya tae mandapat an paniat an nya tae, lalu inya umpat Yesus sapanjang jalat.