¹ Sabab, iko ngate akupm pane batapa bahat'a perjuangan da laka iko bulah untuk kupm, ge untuk ayoa da ani ka Laodikia, ge samaan sok da tinga suah badaput muka ge iko. ² Tujuanko adalah supaya ate ayo'a teribur ge gaat nyatu ka sadatn kasih sehingga ayo'a umpu sagala kakayaan da berasal umpatn jaminan nige pengertian ge pengetahuan umpatn rahasia Allah, dakohlah Kristus sadi'k. ³ Kasadatn Ini'k, gaat nyukatn samaan harta umpatn hikmat ge pengetahuan. ⁴ Iko muji hal diah supaya kati ani sok da akan nipumu'k nige perdebatan da gaatn dangah masok akal. ⁵ Sabab, biarpun ungan jasmani'ko kati ani kariketmu'k, tapi iko ani kariketmu'k sadatn roh, ge iko basukacita milek kedisiplinanmu'k da bait ge imanmu da teguh kasadatn Kristus. Teruslah nganang Kristus. ⁶ Jadi, karna akupm nga laka nyamut Yesus Kristus sebagai Tuhan, iduplah tatap kasadatn Ini'k, ⁷ ba uhat ge mambangun adup kupm sadatn Ini'k, nguatlah imanmu'k samu ge danga laka gaat ngajar ka ayo kupm. ⁸ Barati-atilah supaya yak ani yungan sok pun da menjerat imu'k nige filsafat da kusong ge da nyasat, da berasal umpatn tradisi talino ge aturan-aturan roh dunia, ge da inya prinsip-prinsip Kristus. ⁹ Sabab, kasadatn Ini'k madi'k samaan kapanhuan kailahian da idup kasadatn bantuk jasmani. ¹⁰ Imu nga laka panhu kasadatn Ini'k, dah paling samoo ge da bakuasa. ¹¹ Kasadatn Ini'k, imu'k uga gaat nurih , inya nige barek talino, tapi nige turih da Tuhan Yesus umas, yaitu nige nyantak dagin ungan da badosa. ¹² Kasadatn baptisan, imu'k dak ngubur samu-samu nige Kristus, ge uga gatn ngalumpat samu-samu ge'k Ini'k lewat imanmu'k kasadatn kuasa Allah da mambangkit ini'k ka antara sok kabis. ¹³ Walaupun idu imu'k kabis kasadatn samaan sara mu'k ge kasadatn daginmu'k da kati baturih, Allah umasmu'k idup samu-samu nige Ini'k sak Ini'k laka ngampun samaan saramu'k. ¹⁴ Ini laka ngabatal surat utang ge aturan-aturan tuntutan'a da menghalang hubungan antara Allah ge ite'k. Ini'k laka nangkap ge maku'a ka samoo kayu'k salib. ¹⁵ Ini'k mangkugakng ayo da memerintah ge da bakuasa , umas ayo'a jadi tuntonan da manyangun oleh karna kamanangan-A ka samoo kayu'k salib. Usahlah mu'k nganang aturan-aturan talino umas. ¹⁶ Karna dakoh, usah mambiar nyungan pun ngukummu'k nige soal pangkuman ge minuman ato ano raya kaagamaan, ano raya burat baru ato ano Sabat. ¹⁷ Samaan dakoh hanya bayangan tentang hal-hal da aok utukng, tatapi rupa sasungguh'a dakoh talah Kristus. ¹⁸ Usah mambiar sok da suka nige karendahan ate da palsu ge da nyambah ka malaikat-malaikat menghakimi imu'k . Ayo'a talah sok da suka nige pamilek da teliti da umas pikiran ayo'a sumbong karna pikiran da dunia. ¹⁹ Sok da samu dakoh kati bajintekuat ka Abak. Abak dakohtalah da nopang samaan ungan, ge samaan ungan gatnyatu nige raka-raka ge utot-utot, samaan makat nige pamakkat da berasal umpatn Allah. ²⁰ Jika bariuh nige Kristus imu'k laka kabis teradap aturan-aturan dunia, jai kupm ulah masih jadi milik dunia, patuh ka aturan-aturan da samu: ²¹ " Usah nyinte, usah misa, usah marap"? ²² Aturan-aturan diah aok binasa kalo laka gaat ngikut karna aturan-aturan diah gaatn umas ba dasar ka perintah ge ajaran talino. ²³ Aturan-aturan samu dakoh ulaha bijaksana nige nganampil ibadah da bapusat ka adup ge karendahan ate da palsu nige ungan da gaatn nyiksa. Tapi, samaan dakoh kati ani nilai'a selain untuk memuas dagin'a.