¹ Umpatn Paulus, da jadi rasul Yesus Kristus oleh kahendak Allah, ge umpatn Timotius age ite seiman. ² Ka ayo sok kudus ge ayo age seiman da setia ka sadatn Kristus ka Kolose. Anugrah bagimu'k ge damai sejahtera umpatn Allah Bapa ite. Doa ge Ucapan Syukur Paulus. ³ Waktu bado'a untukmu'k, kai slalu mangucap syukur ka Allah, Bapa umpatn Tuhan ite Kristus Yesus, ⁴ karna kai dangah tentang iman kupm sadatn Yesus Kristus ge kasih da akupm miliki untuk samaan sok kudus. ⁵ Iman ge kasih dakoh muncul karna pengharapan da dinyedia bagi kupm ka saruga, da laka akupm dangah sadatn firman kebenaran, dakoh ta Injil. ⁶ Injil dakoh nga sampe ka kupm bahkan ka seluruh dunia ge Injil diah terus menghasil buah ge berkembang , samu ulah da terjadi ka antaramu'k, mulei ano akupm dangah'a ge memahami anugrah Allah sadatn kebenaran. ⁷ Akupm nga laka belajar hal diah umpatn Epafras, kawan sepelayanan kai nyayang, da laka jadi pelayan Kristus da setia bagi kupm. ⁸ Ini'k talah da laka muji'k ka kai tentang kasihkupm sadatn Roh. ⁹ Karna dakoh, mulei ano kai dangah'a, kai kati suah berenti bedo'a bagi kupm ge mahi supaya Tuhan menuhi ate kupm nige pengetahuan akan kehendak-A sadatn sagala hikmat ge pengertian rohani. ¹⁰ Nige dakoh, kupm kaat idup nige cara da layak ka hadapan Tuhan, nyenang Inik sadatn sagala hal, menghasil buah sadatn tiap karaje da bait, ge batumbuh sadatn pengetahuan akan Allah. ¹¹ Semoga kupm da'k nguat nige kemuliaan Kuasa'a supaya kupm kaatn sagala ketekunan ge kesabaran nige suka cita. ¹² Basyukurlah ka Bapa da laka umas kupm ngaphanu syarat untuk bagian umpatn warisan ayo sok kudus ka sadatn tarakng. ¹³ Inik laka ngrapas itek umpatn kuasa da gelap ge mindahkan ite'k ka Kerajaan anak-A da terkasih. ¹⁴ Ka sadatn Inik, itek memiliki penebusan , dakohlah pengampunan atas duse-duse ite. Kristus da Terutama sadatn Segala Hal ¹⁵ Ini'k diahlah gambaran umpatn Allah da kati tilek, da sulung atas samaan ciptaan. ¹⁶ Sabab, oleh Ini'k , sagala jai pun da ani ka saruga ge bumi nanyipta, da tilek ge da kati'k tilek , bait tahta, kakuasaan, pamarintah maupun panguasa. Sagala jai pun laka nanyipta lewat Ini'k ge untuk Ini'k. ¹⁷ Ini'k nga ani sebelum sagala jai pun, ge sagala jai pun dinopang samu-samu kasadatn Ini'k. ¹⁸ Ini'k talah abak umpat ungan, dakohlah jemaat. Ini'k uga talah da paling uru, da sulung ka antara sok kabis, supaya Ini'k menjadi da utama umpatn sagala jai pun. ¹⁹ Sabab, Allah berkenan agar samaan kapanuhan-Na madi'k kasadatn Ini'k. ²⁰ Melalui Ini'k sagala jai pun na'k mendamai'a nige adup-A, bait da ka bumi atopun ka saruga, dakohlah perdamaian lewat dayak-A da bara'k ka kayu salib. ²¹ Imu'k iduk terasing, bamusuh ge Allah kasadatn pamikirmu'k, ge ngelaku tindakan-tindakan da jahe'k, ²² mati'k imu'k laka kat damai nige ungan jasmani Kristus melewat pangkabis-A untuk mempersembahkan akupm sabagai persembahan da kudus, kati'k cacat, ge kati bacela ka hadapan Allah. ²³ Jadi, tataplah akupm madi'k sadatn iman, kokoh, ge tagap. kati digoyahkan umpatn pengharan Injil da kupm dangah, da laka dingabar ka samaan ciptaan ka saroh rangit, da oleh'a iko, Paulus, jadi pelayan. Pelayana Paulus ka Jemaat. ²⁴ Mati'k iko basukacita sadatn penderitaanko demi akupm karna ka sadatn unganko iko melengkap jai da kurang sadatn penderitaan Kristus, demi tubuh-A, yaitu jemaat. ²⁵ Iko jadi pelayan jemaat sasuai nige tugas penatalayanan umpatn Allah da gaat nyerah ka iko bagi kupm supaya iko kaat ngabar firman Allah nige sepanhu'a. ²⁶ Diahlah rahasia da gaat nyukat umpatn zaman ka zaman ge generasi ka generasi, tapi da mati'k laka gaat nyata ka ayo sok kudus-A. ²⁷ Allah ngate nyata'a ka ayo'a rahasia da mulia diah ka antara bangsa-bangsa lait'n, bahwa Kristus ani ka sadatn kupm, dakohlah pengharapan umpatn kemuliaan. ²⁸ Kai mangkatn kabar tentang Ini'k nige nagor ge ngajar tiap sok nige sagala hikmat sehingga kai kaat minsak setiap sok jadi dewasa kasadatn Kristus. ²⁹ Untuk diahlah, iko uga basusah payah bajuang sesuai nige kuasa-A da bakaraje nige kuat kasadatn iko.