¹ Deri Paulus ngan Timotius, hambo Yesus Kristus, kepodo segelo urang kudus dlom Kristus Yesus nyo ado di Filipi ngan kepodo para penilik jemaat beserta majelis jemaat : ² Anugerah ngan damai sejahtera deri Allah, Bepak kite, ngan Tuhan Yesus Kristus menyertai kowe! ( Ucapan Syukur ngan Doa Paulus untuk Jemaat de Kota Filipi) ³ Ake bersyukur dengan Allahke setiap kali ake ngingot kowe. ⁴ Delom doake untuk kowe segelo,ake selalu berdoa ngan sukacita ⁵ ulenyo gawe samo ngan kowe boriko delom pemberitaon Injil sejak ari pertamo sampoi kinie. ⁶ Ake sajo yakin bahwa Nye elah memulai pekerjaan beik de antaro kowe, Nye jugo nak menyempurnako sampai ari Yesus Kristus. ⁷ Lah seharusnye ake merasoko upa niye terhadop kowe ulenyo kowe segelo ado de hatike. beik ketiko ake de penjara ataupun ketiko ake memboriko pembelahon ngan penoguhon akan Injil, kowe lah menjedi kanti besamoke delom anugerah Allah. ⁸ Allah adolah saksike, betapa ake ndelok i kowe segelo delom kaseh Yesus Kristus ⁹ Niyelah doake: Kironye kasoihme semaken betamboh-tamboh, ngan pengetahuon ngan segelo hikmat ; ¹⁰ empuknyo kowe depot memileh apo nye beik; empuknyo dirime tulus ngan pi bercacat kepodo ari Kristus; ¹¹ ngan deponohi ngan buah-buah kebonoron nyo detong melalui Kristus Yesus untuk kemuliaon ngan pujian bagi Allah. ( Penderitaon Paulus Memajuko penyebaron Injil) ¹² Dolor-dolorke, ake amat kowe tahuko bahwa ape nyo sodah terjedi denganke justru lah ngunda kemajuon bagi Injil, ¹³ sehinggo segelo pengawal istana ngan segelo urang loin tahuko bahwa ake depenjara bagi Kristus. ¹⁴ Sebagion godong dolor seiman nyo semaken yakin kepodo Tuhan ulenyo pemenjaraonke niye, menjedi lobih berani memberitako Firman Allah hopi raso takut. ¹⁵ Memang, ado urang-urang nyo memberitako Kristus ulenyo hiri hati ngan persaingon, cuma ado jugo nyo ulenyo tujuon beik. ¹⁶ Nye nyo bermaksud beik melakukonyo ulenyo kaseh sabab nye tahuko bahwa ake detempatko de sie bagi pembelahon Injil. ¹⁷ sedangko nye bermaksud pi beik, nye melakukonyo ulenyo ambisi egois, pi tulus ngan berpeker nye depot menamboh kesuliton untukke selamo ake depenjara. ¹⁸ Lalu ape haselnye/ nyo penting adolah dengan caro ape pun, beik ngan maksud eicaon ataupun maksud bonor, Kristus diberitako, ngan untuknye ake bersukacita. Yo, ngan ake nak terus bersukacita, ¹⁹ sabab ake tahuko bahwa melalui doa-doake ngan pertolungon Roh Kristus, ape nyo lah terjedi denganke justru nak menjedi pembebasonke. ²⁰ Harapon nyo kuyakini adolah ake samo sekali pi pacok mendepot malu. sebeleknye, ake mendepot keberanion ponuh enggakkonyo Kristus, upamone kinie ngan selalu, demuliako delom tubuhke, beik delom keadaon hidup atau mati. ²¹ Ulenyo bagike, hidup adolah Kristus ngan mati adolah keuntungon. ²² Cuma sebeleknye, munye ake harus hidup delom badan niye, berarti ake nak gawe menghaselko buah. Lalu, mone nyo harus ku pileh, ake hopi tahuko. ²³ ake tekopet de antaro dua pilehan iye. Kemauonke adolah meninggalko hidup niye ngan besamo Kristus, olenyo jouh lobeh beik. ²⁴ Cuma sebeleknye, untuk kowe, akan lobeh beguna munye ake tetap hidup delom badan niye. ²⁵ dengan keyakinan niye, ake tahuko ake nak tinggal besamo kowe segelo demi kemajuon ngan sukacitame delom iman. ²⁶ Munye ake belek lagi dengan kowe, mangko kebanggaonme nak betamboh delom Yesus Kristus ulenyo ake. ( Bersatulah ngan Tetaplah Berjuang) . Cuma upaiyelah, hiduplah ngan caro nyo layak bagi Injil Kristus empuknyo munuye ake njongok ngan betemu denganme atau munye pi njongok ake bule ndongor bahwa kowe tetap togok teguh delom sikok roh, ngan sikok pikiron, untuk berjuangn besam-samo bagi iman deri Injil ²⁹ Sabab demi Kristus kowe lah dikaruniako bukon hanyo untuk percayo dengan-Nye, cuma jugo untuk menderita bagi Nye. ³⁰ Iyelah sebabnye kowe menghadopi pergumulon-pergumulon nyo samo upa iye kowe koleh ake hadopi, ngan nyo kinie kowe dongor ake lagi sedang mengalami.