¹ Sesodah iye, Yesus yemberangi denou Galilea, nyoiye denou Tiberias. ² Lobot urang mehilui Nye ulenyo mike ngole tando-tando ajaib nyo Enye lakuko tehadop urang-urang saket. ³ Kemudion, Yesus noek kepucuk buket ngan dodok de sane besamo mured-mured-Nye. ⁴ Saat iye, perayaaon Paskah urang Yahudi lah parok. ⁵ Sambel mandong ke sekelileng-Nye ngan ngole urang neman jongok kepado-Nye, Yesus buek kepado Filipus, Demoneka kito depot mboli roti empok urang-urang iye depot makon?" ⁶ Yesus gerako hal iye untok menguji Filipus ulehnyo sebonornye Nye dewek tahuko ape nyo nak Nyo lakuko. ⁷ Filipus menjawab, "Roti serega 200 dinar hopi akan cokop untok mike, sekalipon maseng-maseng hanyo mendepot sekorot kecik bae." ⁸ Salah seurang mured-Nye, yaitu Andreas, dolor Simon Petrus, bekehato kepado Yesus, ⁹ "De sie ado seurang anak nyo mempunyoi lima roti jelai ngan dua ikan, hambok ape artinye iye untok urang selobot nie?" ¹⁰ Yesus buek, "surulah segelo urang untok dodok." De tempat iye neman rompot, jedi urang-urang iye dodok kiro-kiro lima ribu jenton jumblahnye. ¹¹ Kemudion, Yesus ngambek roti-roti iye ngan setelah mengucap sokor, Nye membageko roti-roti iye kepado mike nyo dodok; dmikian jugo delakuko-Nye terhqadop ikan-ikan iye seneman nyo mika ingnko. ¹² ketika segelo urang lah konyong, Yesus bekehato kepado mured-mured-Nye, "Kompolkolah potongon-potongon nyo tesisa empok hopi ado nyo terhobong." ¹³ Ulenyo iye, para mured mengompolkonye ngan mengisi dua belas keranjang dengan potongon-potongon jak lima roti jelai nyo detinggalko mike nyo sodah makon. ¹⁴ ketika urang-urang iye ngoleh tando ajaib nyo delakuko Yesus, mike bekehato, "Nyo nie pasti Nabi nyo dejenjiko nak jongok ke denia." ¹⁵ Ulenyo mengetahui bahwa uraqng neman iye berencana jongok ngan memakso Nye menjedi Rajo pucuk mike, Yesus menyingker lagi ke buket dedewekon. ¹⁶ Tekalo ari mulai malom,para mured toron menuju ke denou ¹⁷ Ngan setelah noek ke bidok, mike mulai menyemberangi denou menuju Kapernaum. Ari lah mulai kolom,hambok Yesus bolom jugo jongok nomui mike. ¹⁸ Denou mulai begelora ulenyo angen nyo sajo kuat betiup. ¹⁹ Kemudion, tekalo mike la ,mendayong bidok sejouh sekitar 25 atau 30 stadia, mike ngoleh Yesus bejelon de pocok denou ngan maroki bidok sehingo mike ketetakoton. ²⁰ Hambok, Yesus buek kepado mike, "Nielah Ake, jengon takot!" ²¹ Setelah iye, mike endok menoeko Nye ke delom bidok ngan tiba-tiba bidok iye lah sampoi ke tempat nyo mika tuju. ²² Kepagi ari nye, urang neman nyo lagi togok de seberang denou ngoleh bahwa hopi ado bidok loen de sane,kecuali sikok bidok bae nyo mured-mured lah masok kedelomnye. Hambok, Yesus hopi mehilu masok ke delom bidok iye besamo dengan para mured-mured-Nyo nye lah bejelon dewek. ²³ Jongok lah bidok-bidok loen jak Tiberias ke parok tempat urang-urang iye makon roti,setelah Tuhan mengucap sokor. ²⁴ Tekalo urang neman ngole bahwa Yesus ngan para murid-Nye hopi ado lagi de sane,mike noek ke bidok-bidok iye ngan bejelon ke Kapernaum untok delok Yesus. (Yesus adolah Roti Hidop) ²⁵ Sewaktu urang neman iye menomuko Yesus de seberang denou, mike betanyo kepado-Nye, "Rabi, kapan Kou tiba de sie?" ²⁶ Yesus nyimboti mike ngan buek, "Sesonggonye , Ake bekehato kepadome, kowe delok Aku bukon ulenyo kowe la ngole tando-tando ajaib,meloenko ulenyo kowe la makon roti sampoi konyong. ²⁷ Jengon begawe untok delok makonon nyo depot binaso, meloenko untok makonon nyo depot betahan sampoy hidop nyo kekal, nyo Anak Mendesio nak boriko kepadome ulenyo kepado Anak Mendesio iye, Bepa,yaitu Allah,lah memboriko pengasehon-Nye." ²⁸ Mengka,urang neman iye betanyo kepado Yesus, "Ape nyo haros kami lakuko empok kami mengajorko pekerjaon nyo dikehendaki Allah?" ²⁹ Yesus menjawab ngan buek kepado mika, "Nielah pekerjaon nyo de ingenko Allah: pecayolah kepado Nye nye sodah deutus Allah." ³⁰ Mike betanyo kepado-Nye, "muye memuye, tando ajaib apokah nyo nak kou lakuko empok kami ngoleh ngan pecayo kepado-Me? pekerjaon ape nyo Kou lakukoe? ³¹ Nenek puyang kami makon manna de padang belantara, Upa nyo tertules, 'Nye bori mike roti jak surga untok demakon."' ³² Yesus buek kepado mike, "Sesungguhnye, Ake bekehato kepadome, bukon Musa nyo memborimu roti jak surga, meloenko Bepa-Kelah nyo memborime roti nyo sejati jak surga. ³³ Sabab, Roti jak Allah adolah Nye nyo toron jak surga ngan membori hidop kepado denia." ³⁴ Mike buek kepado-Nye, "Tuhan, borilah kami roti iye senantiaso." ³⁵ Ujo Yesus kepado mike, "Akulah roti hidop; urang nyo jongok kepado-Ku hopi akan kelaporon lagi, ngan urang nyo pecayo kepado-Ku hopi akan raus lagi. ³⁶ Cuma hambok, Ake lah gerako kepadomu bahwa sekalipon kowe lah tekoleh Aku, kowe tetap hopi pecayo. ³⁷ Segelo nyo deboriko Bepa kepado-Ku nak jongok kepado-Ku, ngan nyo jongok kepado-Ku hopi akan pernah Aku user. ³⁸ Sabab, Ake toron jak sorga bukon untok melakuko kehendak-ku dewek, meloenko kehendak Nye nyo mengotos Ake. ³⁹ Ngan, nielah kehendak Nye nyo mengotos Ake: empoknyo segelo nyo lah deboriko Nye kepado-Ku iye hopi ado nyo sayau, hambok Aku bangketko pado aher zaman. ⁴⁰ Sabab, nielah kehendak Bepa-Ku, bahwa setiap urang nyo ngoleh Anak ngan pecayo kepado-Nye nak mendepotko hidop kekal, ngan Ake nak membangketko nye pado aher zaman." ⁴¹ Ulehnyo iye, beberapo urang Yahudi mulai menggerutu tentang Nye ulehnyo Nye bekehato, "Akelah roti nyo lah toron jak sorga iye," ⁴² Mike buek, "Bukonkah Nyo nie Yesus,anak Yusuf, nyo bepak ngan indoknye kite kenal? Upamone mungken Nye depot buek, 'Ake lah toron jak sorga?"' ⁴³ Yesus nyimboti mike ngan buek, "Jengon menggerrutu de antaro mike dewek. ⁴⁴ Hopi seurang pon depot jongok kepado-Ke, kecuali Bepa nyo mengutus Ake menareknye, ngan Ake nak membangketkonye pado aher zaman. ⁴⁵ Ado tetules delom kitab para nabi: 'Ngan, mike segelo nak deajor uleh Allah.' setiap urang nyo lah mendongor ngan belajor jak Bepa nak detong kepado-Ke. ⁴⁶ Hal iye bukon bearti ado urang nyo sodah pernah ngole Bepa, kecuali Nye nyo jongok jak Allah; Nyelah nyo lah ngoleh Bepa. ⁴⁷ Ake buek kepadome, 'Sesonggohnye, setiap urang nyo pecayo memeleki hidop kekal.' ⁴⁸ Akelah roti hidop. ⁴⁹ Nenek puyangme lah makon manna de padang belantara, hambok nye mati. ⁵⁰ Nielah roti nyo toron jak surga, empoknyo setiap urang memakonnye ngan hopi mati. ⁵¹ Akelah roti hidop iye nyo lah toron jak surga. Muye urang makon roti nie, nye nak hidop selamonye; ngan roti nyo nak Keboriko demi kehidopon denia iye adolah badan-Ke." ⁵² Urang-urang Yahudi mulai bedebat satu samo loen, mike bekehato, "Upamone pacok Urang nie memboriko badan-Nye untok demakon?" ⁵³ Yesus bekehato kepado mike, "Ake buek kepadome, sesonggohnye muye kowe hopi makon badan Anak Mendesio ngan minom deroh-Nye, kowe hopi memeleki hidop de delom dirime. ⁵⁴ Setiap urang nyo makon degeng-Ke ngan minom deroh-Ke memeleki hidop kekal, ngan Ake nak membangketko nye pado aher zaman. ⁵⁵ Sabab, degeng-Ke adolah makonon nyo sejati ngan deroh-Ke adolah minomon nyo sejati. ⁵⁶ Siape nyo makon degeng-Ke ngan minom deroh-Ke tinggal de delom Aku ngan Ake de delom nye. ⁵⁷ Upa Bepa nyo hidop mengutus Aku, ngan Aku hidop uleh karna Bepa, demikian jugo nye nyo memakon Aku, nye nak hidop uleh Aku, ⁵⁸ Nielah roti nyo toron jak sorga, bukon roti upa nyo lah demakon nenek puyangmu ngan mike mati, urang nyo makon roti nie nak hidop selamo-lamonye." ⁵⁹ Yesus gerako segelonye nie de Kapernaum saat Nye mengajor de sinagoge. ⁶⁰ Sesodah neman jak murid-murid dongoor hal nie, mike buek, "Ajoron nie terlalu karas. Siape nyo sanggop menerimonye?" ⁶¹ Ulenyo mengetahui bahwa para pengikot-Nye menggerutu tentang hal iye, Yesus buek kepado mike, "Apokah pembuekon-Ku nie membuatmu tersinggong? ⁶² Muye memuye, upamone muye kowe ngoleh Anak Mendesio noek kembali ke tempat asal-Nye? ⁶³ Rohlah nyo membori hidop, sedangko degeng hopi beguna samo sekali. pembuekon-pembuekon nyo kugerako kepadome adolah roh ngan hidop. ⁶⁴ Cuma hambok, ado beberape de antaro kowe nyo hopi pecayo." Sabab, jak semula, Yesus tahuko siape nyo hopi pecayo ngan siape nyo nak menghianati Nye. ⁶⁵ Yesus buek, "Iyelah sebabnye Ake gerako kepadome bahwa hopi seurang pon depot detong kepado-Ku, kecuali hal iye dekaruniako kepadonye uleh Bepa." ⁶⁶ Sejak saat iye, neman pengikot-Nye memondorko diri ngan berenti mehilui Nye. ⁶⁷ Ulenyo iye, Yesus buek kepado kedua belas mured-Nye, "Apokah kowe jugo amat lari?" ⁶⁸ Simon Petrus menjawab Nye, "Tuhan, kepado siape kami nak larie? Koulah nyo memeleki perkataon kehidopon kekal. ⁶⁹ Kami lah pecayo ngan mengenal Kou, bahwa Koulah nyo kudus deri Allah." ⁷⁰ Yesus menjawab mike, "Bukonkah Aku dewek nyo memileh kowe, dua belas urang nie? Meski demikian, salah satu jak kowe adolah setan." ⁷¹ Nyo Nye maksud adolah Yudas, anak Simon Iskariot, sabab Yudas adolah sala satu jak kedua belas mured iye, hambok nye nak menghianati Yesus.