¹ Sebolom Hari Rayo Paskah, Yesus tahu bahwa saat-Nye sampoi bahwa Enye nak meninggalko denia nie kepodo Bapa, sesodah mengasehi melek-Nyo dewek de denia, Enye mengasehi mike sampoi akher. ? ² Selamo makon malom belangsong, beles lah memasoko delom hati Yudas Iskariot, anak Simon, untok menghianati Yesus. ³ Yesus, tekalo tahuko behwo Bepak lah menyerahko segelo sesuatu ke delom tangon-Nye, ngan behwo Enye njongok deri Allah, ngan bakal belek kenempat Allah, ⁴ Enye togok deri jamuon makon malom ngan melapasko jubah-Nye, sereta mengambek koin linen ngan mengobotkonye pado pinggang-Nye. ⁵ Mengka, Enye menuangko aek ke sebuah baskom ngan mulakih membesuh kaki murid-murid-Nye sereta mengorengko kaki mike dengan koin nyo kobot pado pinggang-Nye. ⁶ Mengka, Enye sampoi kenempat Simon Petrus ngan enye buik kenempat Yesus, " Tuhan, Kowe membesuh kakike?" ⁷ Yesus nyimbot ngan buit kenempatnye, " Ape nyo Ake lakuko, kowe hopi memahaminye kinie, hambuk todo kowe bakal tereti." ⁸ Petrus buik, " Kowe hopi bakal perenah membesuh kakike!" ⁹ Simon Petrus buik kenempat-Nye, " Munya upaiye Tuhan, jengon hanyo kakike bae, hambuk jugo tangon ngan kepaloke!" ¹⁰ Yesus buik kenempatnye, " Urang nyo sodah mandi hanyo perelu membesuk kakinye, hambuk sodah reseh segelonye. Kowe sodah reseh, hambuk hopi segelo deri mike reseh." ¹¹ Ulehnyo Yesus tahuko siape nyo bakal menghianati Enye, iye sababnye Enye buik," Hopi segelo deri mike reseh." ¹² Jedi, lah Yesus selesai membesuh kaki murid-murid-Nye, mamakoi belek jubah-Nye, ngan belek ke tempat-Nye, Enye buik kenempat mike, " Ibo mike tereti ape nyo Ake lakuko kenempat mike? ¹³ Mike menyobut Ake Guru ngan jugo Tuhan. Iye tepat ulehnyo Ake bonor Guru ngan Tuhan. ¹⁴ Munye Ake nyo adolah Tuhan ngan Gurume, lah membesuh kakime, kowe pun harus saleng membesuh kakime. ¹⁵ Sabab, Ake lah memboriko contoh kenempatme enggakkonyo kowe jugo melakuko upa nyo Ake lakuko kenempatme. ¹⁶ Dengan sebonornye, Ake ngehatoko kenempatme, seurang hambo hopi lobeh godong deripado tuannye, ataupun seurang utuson hopi lobeh godong deripado urang nyo mengotosnye. ¹⁷ Munye kowe sodah tahuko segelonye nie, kowe de berkati munye kowe melakukonye. ¹⁸ Ake hopi bekehato mengenai mike segelo. Ake tahuko siape bae nyo lah ke pileh, hambuk nas nie harus de genapi,' Urang nyo makon roti-Ke lah mengangkot tumitnye terhadop Ake.' ¹⁹ Ake memberitahukome kinie, sebolum hal iye terjedi enggakkonyo tekalo hal iye terjedi, kowe bakal pecayo behwo Akelah Enye. ²⁰ Dengan sebonornye, Ake ngehatoko kenempatme, setiap urang nyo menerimo urang nyo Ke utus, menerimo Ake; ngan urang nyo menerimo Ake, menerimo Enye nyo mengutos Ake." ²¹ Lah Yesus buik upanio, Enye de gelisahko delom Roh ngan besaksi, " Sebonor-bonornye Ake ngehatoko kenempatme, saloh sikuk deri mike bakal menghianati Ake." ²² Murid-murid saleng koleh seurang kenempat nyo loin ngan menjedi bingung mengenai siape nyo Enye buikko. ²³ Saloh seurang murid-Nye duduk besandor pado dado Yesus. Enyelah murid nyo sajo de kasehi ule Yesus. ²⁴ Mengka, Simon Petrus membori isyarat kenempatnye untok betanyo kenempat Yesus tentang siape nyo Enye maksudko. ²⁵ Jedi, murid nyo besandor pado dado Yesus iye betanyo kenempat-Nye," Tuhan, ibo urang iye?" ²⁶ Yesus nyimbot, " urang iye adolah enye nyo kenempatnye Ake memboriko totokon roti nie lah Ake mencelupkonnye." Mengka lah mencelupko totokon roti iye, Yesus memborikonye kenempat Yudas, anak Simon Iskariot. ²⁷ Ngan, lah Yudas menerimo totokon roti iye, Beles merasukinye. Ulehnyo iye, Yesus buik kenempatnye," Ape nyo bakal kowe perbuat lakuko enggakkonyo !" ²⁸ Hopi seurang pun deri mike nyo sedang makon iye tereti mengka Yesus ngehatoko upanio kenempat Yudas. ²⁹ Beberape deri mike menyangka ulehnyo Yudas lah nyo memogong kotak duit singgo Yesus buik kenempatnye, " Bolilah hal-hal nyo kite butuhko untok perayaon," atau enggakkonyo enye memboriko sesuatu kenempat urang misken. ³⁰ Jedi, lah menerimo totokon roti, Yudas pogi ke luor tekalo iye jugo; ngan tekalo iye sodah malom. ³¹ Sesodah Yudas pogi, Yesus buik," Kinielah saatnye Anak Mendesio de muliako ngan Allah de muliako melalui Enye. ³² Munye Allah de permuliako de delom Enye, Allah jugo bakal memuliako Enye de delom badan-Nye, ngan bakal memuliako Enye dengan enggakkonyo. ³³ Anak-anak-Ke, Ake ado serompok kowe hanyo tinggal setegal lage. Kowe bakal mendalak Ake, ngan upa nyo lah Kehatoko kenempat urang-urang Yahudi, kinie Ake kehatoko jugo kenempatme,' Ke mone Ake pogi, kowe hopi depot njongok.' ³⁴ Sikuk perentah beheru Ake boriko kenempatme, yaitu enggakkonyo kowe saleng mengasehi, samo upa Ake lah mengasehi mike, upanielah kowe jugo saleng mengasehi. ³⁵ Ngan upanie, segelo urang bakal tahuko behwo kowe adolah murid-murid-Ke, yaitu munye kowe saleng mengasehi." ³⁶ Simon Petrus betanyo kenempat Yesus," Tuhan, kemone Kowe bakal pogi?" ³⁷ Petrus betanyo kenempat-Nye," Tuhan mengka ake hopi depot mehilui Kowe kinie? Ake bakal menyerahko nyawoke demi Kowe!" ³⁸ Yesus nyimboti," Kowe bakal menyerahko nyawome bage-Ke? dengan sebonornye Ake ngehatoko kenempatme, hayom hopi bakal bekukuk sebolum kowe menyangkol Ake 3 kali."