¹ Ado seurang jenton nyo edang saket, namonye Lazarus deri Betania, kampong Maria ngan dolornye, Marta. ² Maria nielah nyo perenah meminyaki kaki Yesus ngan minyak horom ngan menyeka kaki-Nye ngan rambotnye, nyo dolor jentonnye, Lazarus, saat iye saket. ³ Sabab iye, kedua bedolor nie mengiremko kabar kepodo-Nye, nyo boek, "Tuhan, urang nyo Kou kasehi edang saket." ⁴ Hambok, ketiko Yesus mendongor kabar iye, Enye boek, "Penyaket iye hopi nak menyebabko kemation, cuma nak menyatoko kemuliaon Allah empoknyo Anak Allah demuliako melaluinye." ⁵ Yesus memang mengasehi Marta, ngan dolor betinanye, ngan Lazarus. ⁶ Jedi, ketiko Yesus mendongor bahwa Lazarus saket, Enye sngajo tinggal 2 hari lagi de tempat Enya berada. ⁷ Sesodah iye, Yesus boek kepodo mured-mured-Nye, "Maro kite lari lagi ke Yudea." ⁸ Para mured boek kepodo-Nye, "Guru, urang-urang Yahudi belom lamo nie beusaha nohok Kowe ngan betu, apekah Kowe tetap nak ke sane lagi?" ⁹ Yesus menjawab, "Bukonkah ado 12 jam delom sehari? Munye seseurang bejelon podo siang hari, enye hopi tesandong ulehyo enye ngelek tarang denia nie. ¹⁰ Cuma hambok, munye seseurang bejelon pado malom hari, enye tesandong ulenyo tarang iye hopi ado padonye." ¹¹ Sesodah Yesus boek demikion, Enye boek kepodo mike, "kanti kite, Lazarus, lah tidor, cuma Ake nak lari untok jegoko enye." ¹² mured-mured boek kepodo-Nye, "Tuhan, munye enye lah tetidor, enye nak sehat." ¹³ Yesus sebonornye boek tentang kemation Lazarus, cuma mored-mored mengiro Enye boek tentang tetidor elom arti istrirahat. ¹⁴ Ulenyo iye, Yesus kemudion boek ngan teros terang kepodo mike, "Lazarus lah mati, ¹⁵ ngan ake senang demi kepentengonme, ake hopi ado desane empoknyo kowe pacok pecayo. Jedi, maro lah kite lari kepodonye." ¹⁶ Kemudion, Tomas, nyo desobot Didimus, boek kepodo mured-mured nyo loen, "Maro kite jugo lari empoknyo kite depot mati besamo-Nye." ¹⁷ Ketiko Yesus sampoi, Enye mendepoti Lazarus lah ado de delom koboron selamo 4 hari. ¹⁸ Adopon Betania tepotek lima belas stadia jouhnye deri Yerusalem. ¹⁹ Lobot urangb Yahudi lah jongok menomui Maria ngan Marta, untok menghibor mike bekoeton ngan dolornyo iye. ²⁰ Ketiko mendongor bahwa Yesus lah jongok, Marta lari ngan menyambot-Nye, cuma Maria tetap tinggal de rumah. ²¹ Marta boek kepodo Yesus, "Tuhan, seandainye4 waktu iye Kowe ado de sie, dolorke pasti hopi akan mati. ²² Cuma hambok, kinie ake tahu bahwa ape pon nyo Kou mintak deri Allah, Allah nak memborikonye kepodo-Me." ²³ Yesus boek kepodonye, "Dolorme nak bangket." ²⁴ Marta menjawab Enye, "ake tahu enye nak bangket podo hari kebangketon pado akher zaman." ²⁵ Yesus boek kepodonye, "Akelah kebangketon ngan kehidopon; siape pon nyo pecayo kepodo-Ke, enye nak hidop bego enye nak mati, ²⁶ ngan setiap urang nyo hidop ngan pecayo kepodo-Ke hopi nak perenah mati. Apekah kowe pecayo akan hal nie?" ²⁷ Marta boek kepodo-Nye, "Ao Tuhan, ake pecayo bahwa Kowelah Kristus, Anak Allah, nyo jongokke denia." (Yesus Meratop) ²⁸ sesodah gerako hal iye, Marta lari ngan mantou Maria, dolornye, ngan boek secaro pribadi, "Guru ado de sie ngan Enye mantoume." ²⁹ Mendongor ha iye, Maria langsong togok ngan menomui Yesus. ³⁰ Saat iye, Yesus bolom sampoi ke desa iye, cuma lagi de tempat Marta menomui-Nye. ³¹ Urang-urang Yahudi nyo besamo Maria de rumah iye, nyo edang menghibor enye, ngelek Maria be gegas togok ngan larin keluor; mike mehilui enye ulenyo enye mengiro enye nak lari ke kobor untok meratop de sane. ³² Ketiko Maria sampoi ke tempat Yesus berada, enye ngelek Yesus ngan tesungkor de kaki-Nye, serta boek kepodo-Nye, "Tuhan, seandainye Kowe ado de sie waktu iye, dolorke hopi akan teelek." ³³ Ketiko Yesus ngelek Maria meratop, ngan urang-urang Yahudi nyo besamonye jugo milu meratop, mengeranglah Yesus delom Roh ngan sajo teganggu. ³⁴ Yesus betanyo, "De mone Lazarus kou koborko?" ³⁵ Yesus pon meratop. ³⁶ Mengkah, urang-urang Yahudi boek, "Keleklah! Betapa Enye sajo mengasehi Lazarus!" ³⁷ Cuma hambok, beberape urang de antaro mike boek, "Hopi pacokkah Enye nyo lah membuka mato urang buta nie jugo membuat Lazarus hopi mati?" ³⁸ Yesus, nyo sekali lagi mengerang delom diri-Nye, lari ke koboron. Koboron iye adolah sebuah gua, ngan sebuah betu depotekko menotopinye. ³⁹ Yesus boek, "Campoki betu iye!" ⁴⁰ Yesus menjawab enye, "Bukonkah Ake lah gerako ngan kowe bahwa munye kowe pecayo, kowe nak ngelek kemuliaon Allah?" ⁴¹ Jedi, mike mengangket betu iye. Kemudion, Yesus menengadah ngan boek, "Bepa, Ake besyukor kepodo-Me ulenyo Kowe lah mendongorko Ake. ⁴² Ake tahu bahwa Kowe selalu mendongorko Ake, cuma ulenyo urang-urang nyo togok de sekelileng-Ke, Ake gerako hal nie empoknyo mike pecayo bahwa Kowelah nyo lah mengutos Ake." ⁴³ Sesodah gerako iye, Yesus beseru ngan suaro kuat, "Lazarus, keluorlah!" ⁴⁴ Urang nyo lah mati iye keluor tangon ngan kakinye lagi tekobot tali kafan, ngan mokanye lagi tetotop koen kafan. Yesus boek kepodo mike, "Lapaskolah koen-koen iye derinye ngan biarko enye lari." ⁴⁵ Urang-urang Yahudi nyo jongok mengunjongi Maria, ngan ngelek ape nyo lah Yesus lakuko, menjedi pecayo kepodo-Nye. ⁴⁶ Cuma hambok, beberape deri mike jongoki urang-urang Farisi ngan memboritahu mike ape nyo lah delakuko Yesus. ⁴⁷ Maka, imam-imam kepalo ngan urang-urang Farisi mengadoko pertomuon Sanhedrin ngan boek, "Ape nyo nak kite lakuko? Sabab, Urang nie melakuko lobot tando ajaib. ⁴⁸ Munye kite membiarko Enye teros upa nie, segelo urang nak pecayo kepodo-Nye ngan urang-urang Roma nak jongok untok merobot tempat nie ngan bangsa kite." ⁴⁹ Cuma hambok, seurang deri mike nyo benamo Kayafas, nyo menjedi imam godong pado tahon iye, boekn kepodo mike, "Mike hopi tahu ape-ape, ⁵⁰ ataupon mempertimbangko bahwa lobeh beik sikok urang mati untok segelo bangsa, deripado seluruh bangsa binaso." ⁵¹ Enye hopi gerakonye deri dirinyo dewek, cuma sebagai Imam Godong tahon nie, enye benubuat bahwa Yesus nak mati untok bangsa iye. ⁵² Ngan, bukon hanyo untok bangsa Yahudi bae, meloenko jugo untok mengompolko menjedi sikok anak-anak Allah nyo tesebar. ⁵³ Maka, sejaki sari iye, mike sepakat untok membunoh Yesus. ⁵⁴ Ulenyo iye, Yesus hopi lagi bejelon secaro terang-terangon de antaro urang Yahudi, cuma Enye lari ke sane kewilayah parok padang belantara ke sebuah kota benamo Efraim ; ngan Enye tinggal de sane besamo mured-mured-Nye. ⁵⁵ Saat iye, Paskahy urang Yahudi lah parok, ngan lobot urang deri wilayah iye lari ke Yerusalem sebolo9m Paskah untok menyuciko diri mike. ⁵⁶ Lalu, mike delok Yesus ngan boek sikok kepodo nyo loen sementaro mike togok delom bait Allah, mike saleng betanyo, "Upamone menorotme? Apekah Enye samo sekali hopi nak jongok ke perayaon nie?" ⁵⁷ adopon imam-imam kepalo ngan urang-urang Farisi lah mengeluorko perintah bahwa munye seseurang tahu de mone Enye berada, urang iye haros melaporkonye empoknyo mike depot menangkop-Nye.