¹ Akhernye, Dolor-dolor, berdoalah ontok kami, empoknyo firman Tuhan depot tersebar dengan cepat ngan demuliako, upa nyo terjedi de antaro kowe, ² ngan empoknyo kowe delepasko deri urang-urang nyo kejam ngan jahat kereno hopi segelo urang memiliki iman. ³ Namon, Tuhan iye setia. Nye akan menguatko ngan melindungi kowe deri nyo jahat ⁴ Kami ado keyakinan delom Tuhan mengenai kowe behwo kowe sedang melakuko ngan kan terus melakuko ape nyo kami perentahko. ⁵ Kironye Tuhan mengarahko hatime kepodo kaseh Allah ngan kepodo ketabahon Kristus. Kewajepon ontok Begawe ⁶ Dolor-dolor, kinie kami perentahko kepodome, delom namo Tuhan kite, Yesus Kristus, empoknyo kowe menjeuhko diri deri dolor-dolor nyo hidup bemalas-malason ngan pi sesuoi ngan ajaron nyo kowe terimo deri kami. ⁷ Kowe dewek tahuko upamone kowe haros meneladani kami kereno kami pi bemalas-malason tekela kami bersamome. ⁸ Kami Jugo hopi makon makonon urang loin tanpo membayarnye. Sebeleknye, kami berusaha ngan begawe nenihan siang ngan malom empoknye kami hopi menjedi bobon bage siapo pun de antarome. ⁹ Bukon kareno kami hopi mempunyoi hak ontok iye, meloinko ontok memboriko diri kami dedewekon sebagoi contoh bagime ontok kowe ikuti. ¹⁰ Tekela kami maseh bersamome pun, kami memborime perintah nie: "Jika urang kepindok begawe, jengonlah nye makon." ¹¹ Sabab kami mendongor ado beberape de antarome nyo hidup besogon-sogonon, pindok begawe, hambok sibuk ngan hal-hal nyo pi beguna. ¹² Urang upa iye kami perentahko ngan kami nesehati delom namo Tuhan Yesus Kristus ontok begawe ngan tenang ngan makon rotinyo dedewek. ¹³ Sedangko kowe dolor-dolorke jengon litak bebuat beik. ¹⁴ Munye ado urang nyo pi menaati apo nyo kami buikko delom surat nie, tandoilah urang iye ngan jengon bekanti ngannye empok nyo menjedi malu. ¹⁵ Namon, jengon perlakuko enye sebagoi musuh, hambok tegorlah sebagoi seurang dolor. Kato-Kato Terakhir ¹⁶ Tuhan damoi sejahtera kironye memborime kedamoion setiap wektu ngan delom segelo keadaon. Tuhan menyertai kowe segelo. ¹⁷ Ake, Paulus, menoles salam nie ngan tangonke dewek sebagoi tando keaslion suratke. Begitulah ake menulisnye. ¹⁸ Anugerah deri Tuhan kite, Yesus Kristus, menyertai kowe segelo.