¹ Kinie, menganai kedetongan Tuhan kite, Yesus Kristus, ngan saat desatukonye kite besamo ngan Enye, kamie memintakme, dolor-dolor, ² empoknyo kowe jengon cepat bingung delom pikiranme atau gelisah saat mendongor behwo hari Tuhan sodah detong, beik jak roh apo poson apo surat nyo seolah-olah deri kamie. ³ Jengon biarko seurang pon menyosotkome ngan caro ape pon. Sabab, hari iye hopi kan detong sebolum kekaferon detong ngan si mendesio jahat denyatoko, nyo iye si anak kebinasaon, ⁴ nyo melawon ngan meninggiko dirinyo terhadop segelo nyo desebut allah cuma nyo desembah urang; ngan iye kan ngambek tempat duduk de Bait Allah nganmenyatoko dirinye sebagoi Allah ⁵ Pi teringotko kowe behwo ketiko ake maseh besamome, ake nggerako hal nie kepodome? ⁶ Kinie, kowe tahuko apo nyo menahan nye empoknyo beheru pado saatnye todo, enye akon denyatako. ⁷ Sabab, resio kedurhakaon sodah kinie begawe, hanyo nye nyo kinie menahonnye sampoi enye desingkirko. ⁸ Kemudion, mendesio jahat iye nak denyatoko. mengka, Tuhan akan membunuhnye ngan napas mulut-Nye ngan melenyapkonye ngan kedetongon-Nye. ⁹ Kedetongon si mendesio jahat iye akan serasi ngan pekerjaon belis, desertai ngan segelo macam kuaso, tando-tando ajaib, ngan mukjizat-mukjizat pelsu; ¹⁰ ngan dengan segelo muslihat jahat bage nye nyo akan benaso kereno enye menolak ontok mengasehi kebonoron sehingga deselamatko ¹¹ ule kereno iye, Allah mengirem kesosoton nyo hebat atas enye supayo enye pecayo podo kebohongan, ¹² sehinggo enye segelo depot dehakimi, nyo itu enye nyo hopi pecayo kepodo kebonoron ngan senang ngan kejehoton. Kowe Depilih ontok Deselamatko ¹³ Dolor-dolor nyoh dekasehi Tuhan, kami haros selalu besokor kepodo Allah ontok kowe. sabab Allah lah memileh kowe sejak semula ontok deselamatko melolui penguduson uleh Roh ngan iman delom kebonoron. ¹⁴ Ontok iyelah Allah memantau kowe melolui Injil nyo kami beritako supayo kowe mendepotko kemuliaon Tuhan kite, Yesus Kristus. ¹⁵ Jedi, Dolor-dolor, betogoklah teguh ngan pogonglah ajaro-ajaron nyo lah deajarko kepodome, beik melalui kato-kato maupon melalui surat kami. ¹⁶ Kinie, kironye Tuhan kite, Yesus Kristus, dedewek ngan Allah Bepa kite, nyoh lah mengasehi kite ngan membori kite penghiburon kekal ngan pengharapon nyo indah melolui anugerah, ¹⁷ menghibor ngan menguatko hatime delom setiap pegaweon ngan penghaton nyoh beik.