¹ Deri Simon Petrus, hamba ngan rasul Yesus Kristus, ngan kowe iyo telah menerimo iman ngan samo ngan nyo kami ado miliki melewati kobonoron Allah ngan Juru Selamat kite, Yesus Kristus. ² Kiranye anugerah ngan damai sejahtera melempar ngan kowe de delom pertomuan akan Allah ngan Yesus, Tuhan kite. (Urang ngan Dipanggil ngan Dipilih ule Allah) ³ Kuaso-Nye ngan ilahi lah menganugerahko ngan kite segelo sesuatu nyo berkenaan ngan hidup ngan kesalehan, melewati pengetahuon akan Nye ngan memantouko kite menuju kepado kemuliaon ngan kebeikon-Nye. ⁴ Melewatinye, Iye elah menganugerahko dengan kite jenji-jenjiNye nyo sajo godong ngan berega empuknyo ngan jenji-jenji tesobut kowe depot ngambik mehalow bageon delom keilahion-Nye, ngan terhindar deri kerosakon nyo terjedi de denia, nyo de timbulko ule berbagai hawo nafsu. ⁵ Untuk tujuan iye, berusahalah ngan sungguh-sunggguh untuk menambohko iman me nga kebajikon, kebajikon ngan pengetahuon, ⁶ ngan pengetahuon ngan penguasohon diri ngan ketabahan, ketabahan ngan kesalehan, ⁷ kesalehan ngan kaseh bedoloron, kaseh bedoloron ngan kaseh nyo hopi mementingko diri dewek. ⁸ Sabab, munye segelonyo nie ado delom dirime ngan terus bertamboh-tamboh, empok kowe hopi mongken menjedi sio-sio atau hopi berbuah delom pengetahuon nak Tuhan kite, Yesus Kristus. ⁹ Cuma munye, urang nyo piyado memiliki segelo iye adolah urang nyo piyado depot ngoleh ngan jelas ngan buta ule nyo pi teringot bahwa nye elah debersehko deri doso-dosonye nyo lamo. ¹⁰ Ule kerana iye, dolor-dolorke, berusaha lobeh kuat lagi untuk memastiko bahwa kite bonor-bonor depantou ngan depileh; sabab munye kowe melakukonnye, kowe hopi akan titek. ¹¹ Ngan upa iyelah pintu ke delom kerajaan kekal Tuhan ngan Juru Selamat kita, Yesus Kristus, nak terbuka lebor bagime. ¹² Iyelah sabab nye, ake bermaksud untuk selalu mengingatko kowe akan segelo hal niye sekalipun kowe elah mengetahuinye ngan elah debengun ngan kokoh delom kebonoron nyo kinie kowe miliki. ¹³ Selamo ake lagi hidup delom kemah duniawi niye, ake menganggap perlu untuk menulakko kowe dengan cara mengingotko kowe, ¹⁴ Sabab ake tahuko bahwa ake nak secepatnyo meninggalko kemah niye upa nyolah sodah ditunjukko dengan ake ule Kristus Yesus. ¹⁵ Ngan, ake nak berusaha dengan segenap kepacokkonke untuk membuatme tetap mengingot segelo niye sesodah kepergianke (Saksi Mato Kemuliaon Kristus) ¹⁶ Sabab kamie hopi mehalowi pelato-pelato dekarong ngan calak ketiko memperkenalkoh kepadome kuaso ngan kedetongan Tuhan kite, Yesus Kristus , cuma ulenyo kamie adolah saksi-saksi mato nak kemuliaon-Nye. ¹⁷ Sabab ketiko Yesus menerimo hormat ngan kemuliaon deri Allah Bepa, upa saat dipelabehkoh dengan-Nye ule Yang Mahamulio,"Niyelah Anak-Ku Kukasehi, ngan Enyelah Ake berkenan," ¹⁸ kamipun mendongor suaro iye njongok deri surga ketiko kamie besamo-samo dengan-Nye de pucuk gunung suci. ¹⁹ Kamie jugo semaken deyakinko ule perkataon nubuat, nyo sebeiknyo jogo kowe perhatiko dengan teliti, upa memperhatiko lampu nyo becahayo de tempat nyo kolom, sampoi pagi detong ngan bintang fajar terbit delom hatime. ²⁰ Cuma sebeleknye, hal terutamo nyo harus kowe pahami adolah bahwa piyado nubuat delom Kitab Suci nyo berasal deri penafsiron seurang mendesio, ²¹ sabab piyado sikokpun nubuat nyo muncul deri kemauon mendesio; sebeleknye, urang-urang boek deatas namo Allah berdasarko pimpinan Roh Kudus.