¹ Pado jaman tekaloe, ada nabi-nabi pelesu de antaro umat Allah, Upa kinie jugo ado guru-guru pelesu de antaro kowe, nyo dengan bekerawo-bekerawo mengajarko ajoran-ajoran nyo merosak bahkan menyangkal Tuhan nyo lah nobos kowe sehinggo mengjongok ko kehancoran nyo cepat di polok badan kowe dewek. ² Ngan akan adi neman urang nyo nak milu caro hidop kowe nyo hopi bermoral, ngan uleh nyo mikelah jelon kebonaran akan mahujat. ³ Dengan serakah nye akan ngambek untong dari me dengan kehehato nyo ponoh tipuan hukoman untok nye nyo sodah de siapko sejak tekaloe hopi akan de tunda-tunda, ngan kehancorannye pi akon terlelap. ⁴ Sebab, menye Allah sajo, hopi menahan diri waktu para malaekat berdoso, meloenko hohoko enye ke delom derako ngan menyerahki enye ke dalom rantoi kekoloman untok de tahan sampoi penghakemon, ⁵ ngan munye Allah jugo menyangongko dunia lamo kecuali Nih seurang pemberita kebonaran besamo tasoh urang loenye, lama mendetongko aek bah ke pocok dunia nyo hopi mengenal Allah; ⁶ ngan munye Allah menghukom kota Sodom ngan Gemora dengan cari mererosam kedua kota iye sehinggo menjadi habu, ngan menjadiko enye upa contoh tentong aponyo akan terjadi dengan urang-urang jahat nyo hidop de waktu maso berikotnyo; ⁷ Ngan munya Allah menyelamotkoh Lot, urang bonar iye, nyo mandarito karana caro hidup nyo najes deri urang-urangnyo hopi mengenal hokom, ⁸ ( Untok sementaro waktu, Lot hido de tangah-tangah nye setiap hari, ngan jiko nye nyo bonar menderita ulenyo ngole ngan mendangor perbuatan-perbuatan jahat yang nyo kole ngan dongari) ⁹ Mangko Allah mesti tahuko upo mone melaposko urang-urang bonar deri pencobaan ngan menahon urang-urang jahot antok de hokom todo hari penghakemon. ¹⁰ Hosusnye nyo memuaskan tobohnya delom ke amaton cemernye, ngan yo meremeko pemerintah dengan sajo gerenrantongan ngan sombong guru-guru pelesu iye hopi takot menghinoh mahlok nyo mulia. ¹¹ Padohal rombongan malikat nyo meskipun jouh lobeh kuat ngan lobeh bekuaso dari pado enye hopi mengucapkan todohannyo mengandong hujatan terhadop enye de depan Tuhan. ¹² Guru-guru palesu nie nie upa benatong nye hopi berakol nye delaherko untok de tangkop ngon debuhori enye menghujat ape nyo hopi nyo tereti mengka deberasoka dalom kehancoran nyo deweki; ¹³ nye akon detempa kejahatan sebagai upah pokok perbuatannyo jahat. Enye menganggap bermabak-mabak pado siang hari sebagai kesengon enye adolah hoda dan cela, bersukaria dalom meslihat enye ketiko makan bersamo-samo dengan me. ¹⁴ Enye memeleki mati nyo ponoh napsu perjinahan ngan nyo hapi berenti berbuat daso, enye mempengarohi urang-urangnyo lomah jiwonye ngan hatinye telah telateh dalom keserakoan enye adolah anak-anak nyo terkotok! ¹⁵ Enye meninggalko jelon nyo loros ngan mehilui jelon nyo sosat, yaitu jelon Bileam bin Beor, nyo galak nerimo upah untok perbuatannyo yang jahot. ¹⁶ Namon enye mendapotko tegorannyo karas depolok pelanggoranye dari seikok keledai nyo bisu, cuma nyo voek dengan suaro mendesio sehinggo dehen tiko perbuartan gila nabi itu. ¹⁷ Urang-urang nie upa mato aek nyo koreng ngan uoa kabot nyo desapu uleh badai, kekolomoh paleng pekatlah de sedioko ontok mike. ¹⁸ Dengan perkatoan nyo sombong cuma kosong, mike mensorot urang-urangnyolah telapos deri mike nyo hidop dalom kesosatan ngan kendok-kendok degeng ngan degen pencobaan. ¹⁹ Guru-guru pelesu iye menjediko kebebasan, padohal mika dewek adolah budak deri kebinasaan sabab, ape pon nyolah menakloko seseurang, kepado nyolah urang iye de perbudak. ²⁰ Sebab muye mike lah de lopasko deri pencemaron dunia nyo jahat melalui pengenalon akan Tuhan ngan Juru Selamat kite, Yesus Kristus cuma kemudion belek lagi kenempat denianyo jahat iye ngan de kuasoi ulehnye, mangko mike nak menjedi lobeh borok deri kepado sebalombye. ²¹ Akon lobeh beik jiko mike hoip perenoh mengenal jelon kebonaran iye, deri pado sesodah mengenalnye mike bebelek deri hukom sucinyo sodah de bariko kepado mike. ²² Mike adolah gamboran deri peribeheseso nyo bonar nie: " Anjing belek kepado mutahnye dewek" ngan " Babi nyo lah de bereseko, belek lagi bekubang de lompor".