³ (Kite adolah Anak-Anak Allah) ¹ Perhatikolah alangkah godongnyo kaseh nyo Bepa karoniako kepado kite sehinggo kite desobot anak-anak Allah, ngan memang kite adolah anak-anak Allah. Ule nya iye, denia hopi mengenal kite sabab denia hopi mengenal Enye. ² Dolor-dolor nyo ku kasehi, kinie kite adolah anak-anak Allah, hambok upa ape keadaon kite todo bolom lah tampak. Namun kite tahuko bahwa ketiko Nye jongok, kite haros menjedi upa Nye ule nyo kite nak ngole Enye delom keadaon-Nye nyo sebonornye. Setiap urang nyo mempunyai pengharopon niye de delom Kristus, enye membersehko badannye, samo upa Kristus adolah suci. ⁴ Setiap urang nyo melakuko doso jugo melanggar hukum ule nyo doso adolah pelanggrn terhadop hukum. ⁵ kowe tahuko bahwa Kristus denyatoko untuk menghapus doso ngan de delom Enye hopi berbuat doso. ⁶ Setiap urang nyo tinggal de delom Enye hopi bebuat doso ; piseurangpun nyo bedoso lah ngole atau kenal Enye. ⁷ Anak-anakke, jengonlah biarko seurangpun menyosotko kowe. Urang nyo melakuko kebonoron adolah urang bonor, samo upa Kristus adolah bonor. ⁸ Urang nyo bebuat doso berasal deri beles ulenyo beles lah bedoso jak tekaloe. Anak Allah njongok untuk tujuan nie : menghancorko perbuatan-perbuatan beles. ⁹ Hopi seurangpun nyo teado deri Allah bebuat doso ule nyo bebet Allah tinggal de delom badannye; ngan nye hopi depot bebuat doso ule nyo enyelah de ado ko deri Allah. ¹⁰ dengan memunye lah , siapelah anak-anak Allah ngan siapelah anak-anak beles menjedi jelas. Urang nyo hopi melakuko kebonoran hopi berasal deri Allah, upa iye lah jugo urng nyo hopi mengasehi dolor-dolornye (Saling Mengasehi) ¹¹ Sabab, niyelah kabar nyo sodah kowe dongor jak tekaloe nyo, iye kite harus saling mengasehi. ¹² Jengon menjedi Kain, nye berasal deri nyo pi beik ngan nyo membuno adeknye. Ngan, mengape Kain membuno adeknye? Sabab, perbuatan Kain pi beik ngan perbuatan adeknye bonor. ¹³ Dolor-dolorke, jengon tegelou kalu denia niye luat kowe. ¹⁴ Kite tahuko bahwa kite sodah keluor deri kemation menuju kehidupon ule nyo kite mengasehi dolor-dolor. Urang nyo hopi mengasehi dolornyo tinggal de delom kemation. ¹⁵ Setiap urang nyo meluat ko dolornye adolah urang pemuno, ngan kowe tahuko bahwa piyado pemuno nyo mempunyoi hidup kekal delom dirinye. ¹⁶ Upa iyelah kite mengenal kaseh; Yesus Kristus telah menyerahko hidupnye untuk kite. Jedi kite jugo harus menyerahko hidup kite untuk dolor-dolor kite. Namun, apobila urang memeleki reto duniawi ngan ngole kantinye nyo sedang membutoko, cuma menutup hatinye terhadap dolornye iye upamone mungkin Kaseh Allah ado dedelom hatinye? ¹⁸ Anak-anakku, marolah kite mengasehi bukon dengan kato-kato atau lidah, meloinko dengan perbuatan ngan kebonoron. ¹⁹ Dengan niye, kite akan tahuko bahwa kite berasal deri kebonoron ngan kite akan menegohko hati kite di hadopon Allah. ²⁰ Sabab, munye hati kite menyalohko kite, Allah lobeh godong deripodo hati kite, ngan Nye mengetahui segelo sesuatu. ²¹ Dolor-dolorku yang kukasehi, munye hati kite hopi menyalohko kite, kite memeleki keyakinon diri di hadopon Allah. ²² Apepun nyo kito pintak, kite menerimonye deri Allah ulenyo kite menuruti perentah-perentahNye ngan melakuko ape nyo berkenan kepodo-Nye. ²³ Ngan, niyelah perentah Allah, yaitu enggakko nyo kite percao delom namo Anak-Nye, Yesus Kristus, ngan kite saling mengasehi upa Nye tlah perentahko dengan kite. ²⁴ Urang nyo menati perrentah-perentah Allah tinggal de delom nye. Ngan Allah tinggal de delom nye. Dengan niye kite tahuko bahwa Allah tinggal de delom diri kite, ule Roh nye karuniako dengan kite.