¹ Anak-anakku, ake nak nulisko hal-hal nie dengan me empuknyo mike jengon berbuat doso. Namun, munye ado nyo berbuat doso, kite ado Pembela di hadopon Bepa, yaitu Kristus Yesus, Nyo Bonor iye. ² Iyelah korban pendamaione bagi doso-doso kite ngan bukon untuk doso-doso kito bae meloinko doso-doso denia. ³ Upa iyela kite tahuko bahwa kite mengenal Allah, yaitu munye kite menaati perentah-perentah-Nye. ⁴ Orang nye bekehato, "Ake mengenal Allah" cuma hopi menaati perentah-perentahNye, iye adolah pelato ngan kebonoron hopi ado de delom nye. ⁵ Cuma, siape nyo menaati firman-Nye, kaseh Allah ke bonor-bonor sampurno de delom diri me. upa iyelah kite tahuko bahwa kite de delom Nye. ⁶ Urang nye mengehatokoh bahwa nye tinggal de delom Allah, nye harus hidup sama upa Yesus hidup. ( Mengasehi Sesamo dengan melakukoh keamaton Allah) ⁷ Dulur-dulurku nyo kukasehi, ake hopi menulisko perentah beheru dengan me, meloinko perentah lamo nyo sodah kou miliki sejejak sememula. Perentah lamo iye adolah Firman nyo sodah kou dongor sesejak sememula. ⁸ Namun, ake jugo sedang menulisko perentah beheru untuk me, nyo adolah bonor de delom Nye ngan de delom kowe ulenyo kokoloman sedang belalu ngan tarang nyo bonore kinie bersinar. ⁹ Urangnya bekehato bahwa nye ado de delom tarang, cuma membenci dulurnye mangko nye lagi berado de delom kekolomon sampoi kinie. ¹⁰ Urang nyo mengasehi dulurnyo tinggal de delom tarang dengan hopi ado sikokpun nyo mbuatnye menjedi tesihan. ¹¹ Cuma sebonornye nye nyo membenci dulurnyo berado delom kekoloman ngan bejelon delom kekoloman. Nye hopi tahuko kemone nye bejelon ulenyo kekolomon sodah membutuko matonye. ¹² Ake menulis dengan me, hai anak-anak, sabab doso-doso me sodah diampuni demi namo-Nye. ¹³ Aku menulis dengan me, hai bepak-bepak, ulenyo kowe lah mengenal Nye sejejak deri semula. Aku menulis dengan me, hai urang-urang muda, ulenyo kowe sodah mengaloko si jahat. Ake menulis dengan me, hai anak-anak, ulenyo kowe lah mengenal Bepa. ¹⁴ Ake menulis dengan me, hai bepak-bepak, ulenyo kowe lah mengenal Nye sejejak deri semula. Ake menulis dengan me, hai urang -urang muda, ulenyo kowe kuat, dengan firman Allah tinggal de delom kowe, ngan kowe sodah mengaloko si jahat. ¹⁵ Jengonlah mencintai denia nie atau hal-hal nye ado di delom denia. Munye urang mencintai denia, kaseh Bepa hopi ado de delom nye. ¹⁶ Sabab, segelonyo ado de delom denia, enye keamaton deging, keamaton mato, ngan kesombongan hidup hopi berasal deri Bepa meloinko deri denia. Denie nie sedang lenyap berado delom keamatonnye. ¹⁷ Cuma urang nyo melakuko kehendak Allah nak hidup selamo-lamonye. (Jengon Menuruti Anti-Kristus) Anak-anakku, kinie nie zaman aher; ngan upa nyo sodah kou dongor bahwa anti-Kristus akan detong, bahkan kinie lobot anti-Kristus nak jongok. Upa iyela kite tahuko bahwa kinie adolah jaman aher. ¹⁹ Enye detong daeri antaro kite, cuma enye bukon bagion deri kite. Sabab, munye enye bagion deri kite, enye akan tetep bersamo kite. Namun, nye meninggalko kite sehinggo nyato bahwa enye bukon bagion deri kite. ²⁰ Cuma munye kowe la memiliki pengurapan deri Yang Kudus, ngan kowe ngetahui segelonye. ²¹ Ake nak menulis dengan kowe bukon kerana kowe bolum ngetahui kebonoron, meloinko kerana kowe mengetahuinye ngan kerana hopi ado kepelatohon nyo berasal deri kebonoron. ²² Siapolah pelato iye munye bukon enye tong menyangkal bahwa Yesuslah Sang Kristus? enyelah anti Kristus, orang nyo menyangkal Bepa maupun Anak. ²³ Siapepun nyo menyangkal Anak hopi mempunyoi Bepa. Cuma setiap urang nye mengakui Anak, nye jugo memiliki Bepa. . ²⁴ Biarlah ape nyo sodah kou dongor sejak lamo tetap tinggal de delomme. Munye ape nyo sodah kou dongor deri lamo tetap tinggal de delomme, kowe jugo akan tetap tinggal de delom Anak ngan Bepa. ²⁵ Ngan nielah jenjinyo Dia boriko ngan kite, nyo iye hidup kekal. ²⁶ segelo hal nyo telah ku tulisko denganme nie bekoiton dengan nye nyo berusaha menyosotkome. ²⁷ Namun urapon nyo la kou terimo deri Enyo tetap tinggal de delomme, ngan kowe hopi memereluko urang loin untuk mengajorme. Cuma, ulenyo pengurapon-Nye iye mengajori kowe tentang segelo sesuatu-- ngan hal iye adolah bonor bukon lato -- upamone nyo telah mengajori kowe tetaplah tinggal de delom Dia. ²⁸ Kinie, anak-anakku, tinggallah de delom Dia, empukkonya ketika Enye menyatokan diri, kite memiliki keyakinan diri ngan hopi malu do hadopon Dia podo saat kedetongon-Nye. ²⁹ Munye kowe tahuko bahwa Enye adolah bonor, kowe jugo tahuko bahwa setiap urang nyo melakuko kebonoran, laher deri Dia.