¹ Suatu nyo sodah ado sejak tekaloe, nyo sodah kami dongor, nyo sodah kami koleh dan mato kamie, nyo kami sodah kami perhatikoh dan pigongkoh dengan tangan kami, nyoie Firman kehidupon. ² Kehidupon iye elah dinyatokoh ngan kamie mengoleh-Nye. Kami bercerito ngan neh nelahko dengan kowe tentang kehidupon kekal iye, nyo sodah ado besamo-samo Bepa ngan telah dinyatokoh dengan kamie. ³ Hal nye sodah kami koleh dengan dongor iye, kami ceritokoh jugo dengan kowe empoknyo kowe jugo depot persekutuan ngan kami. sebonornye, persekutuan kami iye adolah besamo Allah Bepa dengan Anak-Nye, Kristus Yesus. ⁴ Segelo hal niye kami tuliskoh dengan kowe supayo sukacitame menjedi ponoh. ⁵ Nielah kabar nyo sodah kami dongor tentang Nye engan kamie iye sampoykoh engan kowe yaitu Allah adolah tarang ngan di delom Nyo samo sekali hopi ado kekolomon. ⁶ Munye kite nenelaahkoh bahwa kite mempunyoi perkompolon ngan Nye, cuma kite hidup delom kekolomon, kite pelato dan pindok melakukoh kebonoron. ⁷ Cuma munye kite bejelon delom tarang, samo upa Nye de delom tarang, kite mempunyoi perkompolan sikok ngan nyo loin, ngan deroh Yesus, Anak-Nye, membersehkoh kite deri segelo doso ⁸ Munye kite mengehatokoh bahwa kite hopi bedoso, kite menipu diri kite dewek dengan kebonoron hopi ado di delom kite. ⁹ Munye kite mengakui doso-doso kite, Nye adolah setio ngan adel untuk mengampuni doso-doso kite ngan untuk membersehkoh kite deri segelo kejahaton. ¹⁰ Munye kite mengehatokoh bahwa kite bolum pernah mbuat doso, kite mbuat Nye menjedi pelato ngan firman-Nye hopi ado de delom kite.