(Kehopidewasaon Delom Jemaat) ¹ Hambok, dolor-dolor, ake hopi depot boek ngankowe upah ngan mendesio nyo rohani,meloenko upah nyo mendesio duniawi,yaitu upah nyo bayi-bayi delom Kristus. ² Ake mbori kowe minom susu,bukon makonon, ulehnyo kowe bolom pacok,bahkan kinie kowe jugo bolom pacok. ⁴ Sabab tekalo seseurang beik "Ake de pihak Paulus," ngan nyo loen, "Ake depihak Apolos," bukonkoh iye bearti kowe adolah mendesio ?. ⁵ Lalu, siapekah Apolos iye ? ngan, siaokoh Paulus iye ? hambo-hambo nyo ulehnye kowe menjedi pecayo upah nyo Tuhan karuniakoh ngan maseng-maseng. ⁶ Ake menandor,Apolos meyiram, hamboh Allah nyo menambohkoh. ⁷ Jedi, bukon nyo menandor, bukon jugo nyo nyiram, meloenkoh Allah nyo menambohko. ⁸ Urang nyo menandor ngan nyo meyiram adolah sikok, ngan maseng-maseng ngan menerimo upahnye dewek sesuoi ngan usahanyo dewek. ⁹ Sabab kami adolah kanti sepekerejo Allh: kowe adolah humah Allah, bengunon Allah. ¹⁰ Sesuoi ngan anugerah Allah nyo dekaruniako ngan, upah seurang ahli bengunon nyo terampel,ake moteko pendasi ngan nyo loen memperhatiko upah mone enye membengun de pocok nye. ¹¹ Sabab,hopi ado seurang pon nyo depot motekoh pendasi nyo loen seloennyo sodah depotekoh, yaitu Kristus Yesus. ¹² Munye ado urang nyo memebengun de pocok pendasi nie ngan emas, perak, betu-betu berega,kayu, rompot, jerami, ¹³ Pekerjaon nyo delakuko setiap uran ngan jelas ulehnyo ari iye ngan meyatokohnye ngan api,ngan api iye dewek ngan menguji upahmone jenis penggaweon setiap urang. ¹⁴ Jiko penggaweon nyo elah seseurang bengun iye betahan,enye ngan menerimo upah. ¹⁵ Jiko penggaweon urang iye tetunuh habes, nye ngan menderita kerugion, meskipun upahiyo enye dewek ngan deselamatkoh, ulehnyo keadoonnye upah melewati api. ¹⁶ Hopi tahukoh kowe behawa kowe adolah baik Allah. ¹⁷ Jiko ado urang nyo mehehosak baik Allah, Allah ngan menghancurkoh enye ngoleh bait Allah adolah kodos, yaitu kowe. ¹⁸ Jengon ado urang nyo menipu dirinyo dewek. jiko ado urang de antarome mengiro behewo enye bijaksano ngan jaman nie,biarlah enye menjedi bodoh supayo enye depot menjedi bijaksano. ¹⁹ Sabab,hikmat deniah nie adolah kebodohn de hadopon Allah. Sabab, ado tetules, " Enyelah nyo menangkop urang bijaksano delom kelicikon mika, ²⁰ Ngan lagi, "Tuhan mengetahui pekeron-pekeron urang nyo bijaksano, segelonye adolah sio-sio." ²¹ Ulehnyo nye, jengon ado seurang pon nyo bemegah delom mendesio. Sabab, segelo sesuatu adolah milikme, ²² Beik Paulus, Apolos, maupun Kefas, beik denia, beik hidop maupun kemation, beik hal-hal nyo kinie maupon hal-hal nyo ngan jongok: segelonye adolah milikme. ²³ Ngan, kowe adolah melek Kristus, ngan Kristus adolah melek Allah.