¹ Ngan,ketiko ake jongok kepadome, dolor-dolor,ake hopi jongok ngan kehebaton kato-kato atou hikmat untok memberitakoh resio Allah kepadome. ² Sabab,ake memotoskoh untok hopi mengetahui ape pon de antaro kowe seloin mengenai Kristus Yesus,yaitu ao nyo de salibko. ³ Ake besamo ngan me delom kelamahon,ngan sajo gentaar. ⁴ Perkatonke maupun pemberitaonke bukon delom kato-kato hikmat nyo meakenko,hambok ngan bukti Roh ngan kuaso. ⁵ Empoknyo iman me hopi berdasar pado hikmat mendesio,meloenkoh pado kuado Allah. ⁶ Kami mempelabekoh hikmat de antaro rombongon gede hambok bukon hikmat zaman nie atou deri penguaso-penguaso zaman nie nya akan de bebasko. ⁷ Meloenko kami mempelabekoh hikmat Allah delom resio,hikmat nyo tekerawo,nyo Allah teapkoh sebolom permulaoon zaman bage kemuliaon kite. ⁸ Hopi ado penguaso-penguaso zaman nie nyo mengenalnye. rombongon hopi kan pernah meyalibkoh Tuhan nyo muia. ⁹ Mengka,upah nyo tetoles,''Ape nyo mato bolom pernah ngoleh,ngab telinga bolom pernah dongori,ngan bolom timbol delom hati mendesio,segelo iye Allah elah sedioko bage rombongon nyo mengasehiNye. ¹⁰ Hambok,Allah elah meyatoko hal-hal nie kepado kite melalui Roh karena Roh menyeledeki segelo hal,bahkan kedelom Allah. ¹¹ Sabab,siapekah de antaro nyo mengetahui hal-hal deri mendesio seloen Roh mendesio nyo ado de delomnye ? Demikion jugo,hopi ado seurang pon nyo mengetahi hal -hal deri Allah seloin Roh Allah. ¹² Kinie, kite telah menerimo, bukon roh deri denia,meloenkoh roh nyo deri Allah supayo kite depot mengetahui hal- hal nyo deanugrakoh Allah kepado kite. ¹³ Hal-hal nyo jugo kami ucapkoh nie,bukon delom kato-kato nyo ajorkoh uleh hikmat mendeso,meloenko nyo de ajorkoh uleh Roh ngan membandengkoh hal-hal nyo rohani ngan nyo rohani. ¹⁴ Hambok,mendesio nyo hopi rohani hopi menerimo hal-hal nyo berasal jak Roh Allah karena hal-hal iye merupakoh kebodohon bagenye. Nye hopi depot memahaminye ulenyo hal-hal iye hanyo depot denilai secaro rohani. ¹⁵ Mendesio nyo rohani menilai segelo hal,ulenyo enye dewek hopi denilai uleh siapo pon. ¹⁶ Sabab ''siapokoh nyo mengahui pekeron Tuhan empoknyo depot menasehati Nye ?''