(Salam jak Paulus) ¹ Paulus,de pantou sebagai rasul Yesus Kristos uleh kehendok Allah,ngan sostenes,dolor kite. ² Kepado jemaat Allah nyo ado de korintus,untuk rombongonnyo de kodoskoh delom Kristus Yesus,nyo de pantou untok menjedi urang-urang kudus besamo segelo urang de setiap tempat nyo memantou namo Tuhan keti Yesus Kristus, beik de tempat mike maupun kite. ³ Anugrah untuk me ngan damai sejahtera deri Allah Bepak kite ngan Tuhan Yesus Kristus. ⁴ Ake terus mengucap syokor kepado Allah ke mengenai kowe ulenyo anugerah Allah nyo de borikoh ke pado me delom Yesus Kristus, ⁵ Behwoh delom segelo hal,kowe de pesogeh delom enye delom segelo perkatoon,ngan segelo pengetahuon. ⁶ Samo upah kesaksion mengenai Kristus soda de togohkoh delom kowe. ⁷ Ngan demikian,kowe hopi akan kekurangon delom suatu karunia pon sementaro kowe menantiko peyataon Tuhan kite Yesus Kristus. ⁸ Nyo jugo menogohkoh kowe sampoi pado akhernye empoknyo kowe hopi bercela pado hari Tuhan kite Yesus Kristus. ⁹ Allah iye setio, ngan ulenyo kowe de pantou ke delom persekutuon ngan Anak-Nye,Kristus Yesus Tuhan kite. ¹⁰ Kinie,ake menasehatime, dolor-dolor demi namo Tuhan kite Yesus Kistus empok kowe segelo bekehato hal nyo samo empoknyo hopi ado pepecahon-pepecahon de antoro kowe ngan delom pendepot nyo samo. ¹¹ Sabab, lah de hari tahukoh kepadoke mengenai kowe, dolor-dolorke, keluargo kloe, behewo ado pertengkaron de antaro kowe. ¹² Maksodke kinie adolah kowe maseng-maseng bekehato,'' Ake deri Paulus,'' ngan,'' Ake deri Apolos,'' ngan ''Ake deri Kefas,'' ngan ''Ake deri Kristus.'' ¹³ Apokoh Kristus tebage-bage ? Apokoh Paulus de salibkoh untuk me ? apo apokoh kowe de baptes delom namo Paulus?. ¹⁴ Ake besyokor kepado Allah behewo ake hopi membaptis seurang pon deri kowe,kecuali Kristus ngan Gayus,. ¹⁵ Empok jengon ado sikok pon nyo depot mboeko behewo kowe de baptes delom namo Ke. ¹⁶ Ake jugo membaptesko seisi rumah Stefanus; selobehnye,ake hopi tahu apokoh ake lah membaptes urang nyo loennye. ¹⁷ Sebab,Kristus hopi mengutus ake untok membaptes,hambok untuk memberitakoh Injil bukon delom hikmat kato-kato,supayo saleb Kristus hopi debuat sio-sio. ¹⁸ Sabab, pekataon tentang saleb adolah kebodohon bage mike nyo sedang binaso,hambok bage kite nyo deselamatko,hal iye adolah kekuaton Allah. ¹⁹ Sabab ,ado tetoles,''Ake nak menghancorkoh hikmat urang nyo bijaksana,ngan kecalakon urang nyo calak , Ake kan menoloknye.'' ²⁰ De monekah urang nyo bijak ? de monekoh ahli Taurat ? de monekoh ahli bebento zaman nie ? Bukonkoh Allah elah bodoh hikmat denia nie ?. ²¹ Ulenyo delom hikmat Allah, mengkah Allah bekenan melewati kebodohon nyo mempercayoinye. ²² Sabab,urang-urang Yahudi minta tando-tando ngan urang-urang Yunani delok hikmat. ²³ Ulenyo hambok,kamie memberitakoh Krstus nyo desalebkoh bage urang-urang Yahudi sebuah betu sandongon,ngan bage urang-urang bukon Yahudi,kebodohan. ²⁴ Cuma untok mike nyo depantou,beik urang-urang Yahudi maupon urang -urang Yunani ,Kristus adolah kekuaton Allah ngan hikmat. ²⁵ Ulenyo nyo bodoh deri Allah adolah lobeh calak deri pado mendesio, ngan nyo lamoh deri Allah adolah lobeh kuat deri pado mendesio. ²⁶ Kolehlah keadoonme ketiko kowe de pantou,dolor-dolor,hopi neman nyo bijaksano menurut degeng,hopi neman nyo bekuaso hopi neman nyo tepandong. ²⁷ Hambok Allah sodah milehnyo bodoh deri denia untok mempermalukoh nyo calak ,ngan Allah memileh ape nyo lemah deri denia untok mempermalukoh nyo kuat. ²⁸ Ngan, Allah memilehnyo hopi tepandong deri denia ngan depandong rendah,bahkon hal-hal nyo hopi bearti,untok meniadoko hal-hal nyo bearti. ²⁹ Supayo setiap mendesio hopi depat bermegah de hadopon Allah. ³⁰ Uleh,kan enye,kowe ado delom Yesus Kristus,nyo untok kite de jediko hikmat,kebonoron,kekudoson,ngan penoboson seri Allah. ³¹ Supayo seperti nyo tetulis,'' biarlah urang nyo memegahkoh diri,bemegah delom Tuhan''.