¹ Kamaru'k-kamaru'k nang kekasih,nyian udah surat nang ka dua nang kunulis kakao. Kadaapm dua surat koa aku barusaha ngidupatn paratiatn nang murni di paringatan-paringatan, ² Supaya kao ngingat aku pakataatn nang dee udah dingataatn di nabi-nabi kudus nang ingat ka parintah Jubata ba Juruselamat nang udah dinyampeatn di rasul-rasulnyu kakao. ³ Nang tarutama nang harus kao nahui'k yakoa,kade'k pada ari-ari Zaman pasti muok panyaci-panyaci kakoa sampe langsung nyaci, yakoa urakng- urakng nang idup nuruti'k hawa nafsue. ⁴ Mereka bakata:"Dimaege'k janji kesah ka atangan-Ne koa? Sabab mulai'k apa'k enek moyang diri'k mati, saganap jukut tatap aya samula, pada waktu dunia dinyiptaatn." ⁵ Mereka singaja bai' mao' nauan, kade'k di firman Allah angit udah ada samenjak dee, dan uga'k bumi nang barasal dari ai'k, ⁶ Dan kade'k di ai'k koa, bumi nang dee udah binasa/rapot,dingarapotatn di ai'k bah. ⁷ Tapi di firman koa uga'k angit ba bumi nang angkitn dimihara dari api ba dinyimpan untuk ari panghakiman ba ka ancuratn urakng-urakng fasik. ⁸ Tapi , kamaru'k-kamaru'k nang dingasihi'k, nang sote'k nyian ina'k muih kao kopaatni'k, yakoa , kade'k kaadapatn Jubata saari sama ba aya saribu tahutn ba saribu tahutn sama ba aya saari. ⁹ Tuhan ina'k lalai nepati'k janji-E, sakaipun ada urakng nang nganggapia sabagai kalalaiatn, tapi Ia sabar kakao, soale iya ngahendaki'k biar ame ada nang binasa, tapi malainkan biar samua urakng batobat. ¹⁰ Tapi ati Jubata ana atakng aya parampok. pada ari koa angit pasti ilang ba gemuruh nang dahsyat ba unsur-unsur dunia pasti angus kadaapm nyala api, ba bumi ba sagala nang ada ka atase pasti ilang lanyap. ¹¹ Jaji, kade'k sagala ahe pun akan ancur aya koa, batapa suci ba taate kao harus idup ¹² Yakoa kao nang ngantiatn ba ngacehi'k kaatangan ari Allah. pada ari koa angit pasti binasa kadaapm api ba unsur-unsur dunia pasti ancur karna di nyalae koa. ¹³ Tapi sasuai ba janji-E, diri'k ngantiatn angit nang barahu ba bumi nang barahu, dimae ada kabanarat. ¹⁴ Sabab koa, kamaru'k-kamaru'k nang dingasihi'k, sambil ngantiatn samuae nyian,kao harus barusaha, biar kao ditamui'k ina'k cacat ba ina'k jahat ka adapatn-Ne, badamai ba Ia. ¹⁵ Anggaplah kasabaratn Jubata diri'k sabagai kasempatan untuknyu biar bisa salamat, tolen Paulus, kamaru'k diri'k nang dingasihi'k, udah nulis kakao nuruti'k hikmat nang dingaruniaatn kaia. ¹⁶ Hal koa ia minjawat daapm samua surate, kade'k ia bakata tentang pakara-pakara nyian. daapm surat-surate koa ada hal nang susah dipahami'k, ahire urakng-urakng nang ina'k mahami'k ia ba ina'k kuat imane,mutar balikatn jaji kabinasaatn mereka sandiri'k, sama uga'k tolen mereka minjawat ba tulisan-tulisan nang lain. ¹⁷ Tapi kita'k, kamaru'k-kamaru'k ku nang dingasihi'k, kita'k udah nuhui'k hal nang sanape'k.karna koa waspadalah, supaya kita'k ame taseret kadaapm kasalahatn urakng-urakng nang inak nauan hukum, ba ame sampe kailangan pegangan nang teguh. ¹⁸ Tapi batumbuhlah daapm kasih karunia ba kanalah akan Jubata ba Juruselamat diri'k, Yesus Kristus. Bagie kamuliaatn, angkitn ba salama-lamae.