¹ Yesus namak agik ke sinagoge, diau din bisik sikuk urang ti jarinya lumpoh sepiak. ² Sidak medakke Yesus ngau ngilauke apakah ia tauk nyembuhke urang nyak pas ari besai kakke sidak tauk nuduh nya. ³ Lalu, Yesus bejakuk ngusung urang ti lumpuh jari sepiak nyak, "Bedirime diau tengah-tengah." ⁴ Yesus pun bejakuk ngusung sidak, "Apakah tauk mulah pemaik atau mulah penyaik pas ari besai? nyelamatke nyawa atau munoh?" Tapi, sidak sunyik. ⁵ Udahnyak, Yesus medakke diau kelilingnya ngau ringat. Ia amat rungguk ngau pengerampak ati sidak. Yesus bejakuk ngusung urang ti jarieh lumpoh sepiak nyak, "Ulurkeh jarikau." Urangnyak ngulurke jarinya, jarinya nyadi semuh. ⁶ Karna nyak, urang-urang Farisi langsung angkat rari, mulai sekungkul ngau urang-urang Herodian ti ngelawan-Nya ngenai kati baka munoh-Nya. ⁷ Tapi, Yesus nyauhke dirik ari murid-murid-Nya ke danauke, ngau mayuh urang ari wilayah Galilea tamai nya, ari Yudea, ⁸ ari Yerusalem, Idumea, kampung seberang sungai Yordan, ugak ari sekitar Tirus, mayuh urang pas ninga semua utai ti Yesus pulah, datai ngusung-Nya. ⁹ Karna urang mayuh nyak, Yesus bejakuk ngusung murid-murid-Nya supaya nyiapke sutik perau untok-Nya hingga sidak ntai ndesak nya. ¹⁰ Karna Yesus udah nyembuhke urang mayuh, maka semua urang tik bisik pemedih bedesak-desak kakke tauk nyamahnya. ¹¹ Pas ro-roh najis medak Yesus, hidak ngunguk diau mua-Nya serta ngangau, "Ikau nyakme Anak Allah!" ¹² Tapi, Yesus ngelarang mat sidak madahkeh sapa Ia. ¹³ Lalu, Yesus naik ke bukit ngundang urang ti ia kehendaki sama-sama-nya, hidak pun datai ngusungnya. ¹⁴ Ia nunjuk duabelas urang hinga hidak tauk besama serta tauk ngutus sidak untok bekotbah, ¹⁵ ngau merik kuasa tik tauk ngusir antu-antu. ¹⁶ Yesus nentuke keduabelas urangnyak: Simon (ti ngusungnya Yesus merik nama Petrus), ¹⁷ Yakobus, anak Zebedeus, ngau Yohanes, menyadik Yakobus ( ti diberik Yesus nama ngusung sidak Boanerges, maksut'e "mbiak-mbiak Guruh"), ¹⁸ Andreas, Filipus, Bartolomeus, Matius, Tomas, Yakobus, anak Alfeus, Tadeus, Simon urang Zelot, ¹⁹ ngau Yudas Iskariot, ti ngianati Ia. ²⁰ Udahnyak, Yesus namak keawak sutik langkau, dikelingkung urang bekumpol diau din sampai Yesus ngau murid-murideh ntai tauk makai kui. ²¹ Pas keluarganya ninga utai nyak, sidak datai ngemaik Yesus ngalih karna sidak bejakuk kalau Ia udah ntai waras agik. ²² Ahli-alhi Taurat ti turun ari Yesrusalem madahkeh, "Ia ditamak antu Beelzebul!" "Ia ngusir antu ngau kuasa pemimpin antu." ²³ Lalu, Yesus ngumbai sidak datai nguang-Nya, nya bejakuk ngunake perumpamaan, "Kati baka Iblis tauk ngusir Iblis? ²⁴ Kalau sutik kerajaan teperuncai ngelawan diriknya kedirik, kerajaannyak ntai tauk betan. ²⁵ Tapi, kalau sutik langkau teperuncai ngelawan diriknya kedirik, langkau nyak ntai tauk betan ²⁶ Tapi kalau Iblis ambau ngelawan diriknya kedirik lalu teperuncai, ia ntai tauk betan, tapi ambisme riwatnya. ²⁷ Ntai bisik sikuk pun tauk namak ke langkau urang tik kuat ngau ncuri retabendanya, kecuali lebih dulau ia ngebat urang kuatnyak, maka barume ia tauk ncuri langkaunya." ²⁸ "Aku madahke ti pengamateh ngusung ikau, semua dusa mbiak-mbiak mensia tauk diampun, ngau keba hujatan ti hidak telahke. ²⁹ Amat piak, sapa ti menghujat Roh Kudus ntai akan diampun, ngelainke besalah karna dusa seumur idup." ³⁰ Sebab, ahli Taurat nyak bejakuk, "ia ditamak roh najis." ³¹ Udahnyak, indai ngau menyadik-menyadik Yesus datai serta bediri diau luar langkau. Sidak nyuruh urang ngusungnya ngau ngumbai-Nya. ³² Keba urang ti tengan duduk ngelingkung Yesus serta sidak bejakuk ngusung-Nya, "Pedak, indai-kau ngau menyadik-menyadik kau bisik diau luar tengan ngegak Ikau." ³³ Yesus nyaut sidak ngau bejakuk, "Sapame indai-ku ngau menyadik-menyadik-Ku?" ³⁴ Dahnyak, Ia medakke urang-urang ti duduk ngelingkung-Nya samil bejakuk, "Pedakkeh, tuk indai-ku ngau nyadikku! ³⁵ sebab, barang saapa ti ngelakuke tidisuruh Allah nyakme nyadik laki-Ku, nyadik induk-Ku, ngau indai-Ku."