¹ ''Anang me ati kau nyadi susah; pecayakme ngau Allah, pecayak me ugak ngau-Ku. ² Dirumah Apai-Ku bisik mayuh tik tauk alai bedugau; asa ndai piyak, Aku tentu udah madah ke nyak ngau ikau karna Aku angkat ngau nyedia ke tik alai kau bedugau. ³ Dan, asa Aku angkat nyedia ke tik alai kau bedugau, Aku pasti datai agik maik ikau ngau-Ku ngulihke dini Aku dugau, ikau pun diyak ugak. ⁴ Dan, ikau ketauk jalai ngusung Aku.'' ⁵ Lalu, Tomas bejakuk ngau-Nya, ''Tuhan, kami ndai ketauk kini Ikau angkat, kati baka kami ketauk ke jalai nyak?'' ⁶ Yesus bejakuk ngaunya, ''Akumeh jalai, ngau pengamat e, dan kehidupan. Ndai bisik surang pun tik datai ngusung Apai, asa ndai ngelalu Aku, ⁷ Asa ikau udah ngelala Aku, ikau ugak udah ngelala Apai-Ku; duduk ri ntuk, ikau udah ngelala Apai ngau udah medak Iya." ⁸ Filipus bejakuk ngau-Nya, "Tuhan, tunjukke meh Apai nyak ngau kami, ngau nyak udah cukup bagi kami." ⁹ Yesus nyaut iya, "Filipus, udah sekian lamak Aku besama-sama ikau, dan ikau mpai ngelala Aku? Barang sapa udah medak Aku, Iya udah medak Apai, kati baka ikau tauk bejakuk, 'Tunjukke meh Apai nyak ngau kami?' ¹⁰ Namakah ikau ndai pecayak bahwa Aku dialam Apai dan Apai dialam Aku? Jakuk-jakuk tik udah ku padah ngau ikau, Aku ndai madah ke nyak ari dirik-Ku kedirik, tapi Apai tik dugau alam Aku meh tik nganuk ke pekerjaan-Nya. ¹¹ Pecayak meh ngau-Ku, bahwa Aku dialam Apai dan Apai dialam Aku; atau sendai e, pecayak meh karna pekerjaan-pekerjaan nyak kedirik. ¹² Engau pengamat e, Aku madah ngau ikau, setiap urang tik pecayak ngau-Ku, kerja tik Aku anuk ke, iya ugak nganuk ke nyak; dan kerja tik lebih besai ari pada semua tuk karna Aku angkat ngusung Apai. ¹³ Nama pun tik ikau pintak alam nama-Ku, nyak Aku anuk ke ngulih ke Apai dmuliakeh alam nama Anak. ¹⁴ Asa ikau minta nama pun alam nama-Ku, Aku pasti nganuk ke. ¹⁵ "Asa ikau mengasihi Aku, ikau akan nurut semua perintah-Ku, ¹⁶ Aku kak mintak ngau Apai, dan Iya akan merik ngau ikau Penolong tik lain, ngulih ke Iya besama ikau selamanya, ¹⁷ nyak meh Roh Kebenaran, tik ndai tauk diterimak dunia, karna dunia ndai medak atau ngelala Iya karna Iya dugau besama ikau dan akan bisik dialam ikau. ¹⁸ Aku ndai akan nudi ke ikau baka yatim piatu; Aku akan datai ngau ikau. ¹⁹ Ndai lamak agik, dunia ndai akan medak Aku agik, tapi ikau akan medak Aku; karna Aku idup, ikau pun akan idup. ²⁰ Dapik ari nyak, ikau akan ketauk bahwa Aku dialam Apai-Ku, ngau ikau dialam Aku dan Aku dialam ikau. ²¹ Sapa pun tik megai perintah-Ku ngau nganuk ke nya, iya mengasihi Aku; ngau urang tik mengasihi Aku akan dikasihi ulih Apai-Ku, ngau Aku akan mengasihi iya ngau akan menyatake dirik-Ku ngaunya." ²² Yudas, tik bukai Iskariot, bejakuk ngau-Nya, ''Tuhan, kati baka ikau menyatake dirik-Kau ngau kami dan bukai ngau dunia?'' ²³ Yesus nyaut dan bejakuk ngaunya, "Asa seurang mengasihi Aku, iya akan nurut firman-Ku; dan Apai-Ku akan mengasihi iya, dan kami akan dati ngau nya dan bedugau besama ngau iya. ²⁴ Amat piyak, urng tik ndai mengasihi Aku, ndai nuruti firman-Ku. Dan, firman tik ikau dinga nyak bukai ari-Ku, melainke ari Apai tik ngutus Aku. ²⁵ Semua hal tuk udah Aku padah ke ngau ikau selamak Aku agik besama ikau. ²⁶ Amat piyak, Penolong nyak, yak meh Roh Kudus, tik akan Apai utus alam nama-Ku, Iya akan ngajar ke segala sesuatu ngau ikau, dan akan ngingatke kau ngau semua tik udah Ku padah ke ngau ikau. ²⁷ Damai sejahtera Kududi ke besama ikau; damai sejahtera-Ku Kuberik kengau ikau, bukai baka tik dunia berikke tik aku berik ke ngau ikau. Anang ngayu ke ati kau gelisah ataupun gentar. ²⁸ Ikau udah ninga bahwa Aku, 'Aku akan angkat, dan Aku akan datai agik ngau ikau.' Asa ikau mengasihi Aku, ikau akan besukacita karna Aku angkat ngusung Apai, sebab Apai lebih besai ari pada Aku. ²⁹ Aku udah madah ikau ntuk sempai hal tuk tejadi ngulih ke dapik hal tuk tejadi, ikau akan pecayak. ³⁰ Aku ndai akan bejakuk lebih mayuh agik ngau ikau karna penguasa dunia tuk agik datai, Iya ndai bekuasa sikit pun atau-Ku. ³¹ Amat piyak ngulih ke dunia ketauk bahwa Aku mengasihi Apai, Aku nganuk ke tepat baka tik Apai perintah ke ngau-Ku. Ambau me buh kitai angkat retuk.''