¹ Nye, Isa mulei mengejer mien tepi telege. Berkamul'leh mengerumuni Isa jema delle si jumlah'e kul sehingge We naik ku was sebuah perahu nye kunul i atas telege. Sementara, jema delle oya berede i darat i tepi telege. ² Nye We mengejer pakea tentang delle hel urum perumpamaen-perumpamaen. Was pengejeren-E, We bercerak ken pakea, ³ "Pengeleh! Ara sejema penabur si beluh tuk menabur . ⁴ Nye terjadileh, tengah we sedang menabur, sesideh benih tauh i tepi denne, nye manuk-manuk engeh, lalu meman'e ⁵ Sebagen tauh i atas atu si gere delle tanoh'e. Benih oya segere tumbuh urum tir entap tanoh'e gere was. ⁶ Ketike matalo semakin porak, tanaman oya hangus nye entap gere empu uyet, tanaman oya munjadi kering. ⁷ Sebagen tauh i lah-lah kerpe rui. Lalu, kerpe rui bertumbuh nye menjepit tanaman oya sawah mate, nye tanaman oya gere menosahen uwah. ⁸ Namun, sebagen tauh i tanoh si baik nye menghasilen uwah, bertumbuh , nye bertamah kuls, nye menghasilen tulu kali lipet, onom kali lipet, nye seratuh kali lipet." ⁹ Kemudien, isa bercerak," Sahen si empu kemiring tuk memenge, datenleh we memenge!" ¹⁰ Pede lo Isa keniri, jema i sekeliling-E, berurum urum keroa belas rasul , menugeren ken-E tentang perumpamaen-perumpamaen oya. ¹¹ Lalu, We menjeweb pakea,"Rehesie Kerejeen Allah ngek i'osahen ken'mu , tetape ken jema-jema laen, setiep hel i'sawahen was perumpemeen-perumpemeen, ¹² kati ' Meskipeh depet menengon, pakea menengon nye gere membetihi; nye meskipeh depet memenge , pakea memenge nye gere memahami. kati pakea enti bertobat nye i'ampuni."' ¹³ Kemudien Isa bercerak ken pakea,'Gerekeh kam mengerti perumpamaen ini? Nyakhi kam depet mengerti mehne perumpamaen oya? ¹⁴ Penabur oya menaburen firmen. ¹⁵ Pakea oya araleh jema-jema si tauh i tepi denne, ton firmen oya i'taburen. Seet pakea memenge urum segere Iblis engeh nye merebut firmen si i'taburen ken pakea. ¹⁶ Unangoya peh, pakea si i'tabur i tanoh ber'atu araleh jema-jema si memengen firmen nye segere menerime'e urum sukecite. ¹⁷ Nye tetape, pakea gere ber'uyet i was diri'e keniri nye renye bertahan sementara. Kemudien , ketike engeh kesuliten ato penganiayaen entap firmen oya, pakea segere tertauh . ¹⁸ Nye, lain'e araleh si tertauh i lah-lah kerpe rui. Pakea araleh jema-jema si memenge firmen, ¹⁹ tetape kekhawatiren male dunie, nye hawa nafsu male kebaya'en , nye kemeraen-kemeraen hel-hel laen mayo i entere firmen oya nye menjepit'e sehingge we gere menghasilen uwah. ²⁰ Namun, pakea si i' tabur i tanoh si si baik araleh pakea si memenge firmen, menerime'e, nye menghasilen uwah, tulu puluh kali lipet , onom puluh kali lipet, nye seratus kali lipet ." ²¹ Lalu, isa bercerak ken pakea," Umekkeh pelite gere i'mah tuk i'letak'en i tuyuh sebuah gantang ton nome? Umekeh pelite oya seturah'e i'buh i atas kiding pelite? ²² Sebeb, gere ara si termenep si gere i'ungkapen . Demikien peh, gere ara rehesie hana peh entap hel oya male i'nyatanen. ²³ Ike ara jema si empu kemiring tuk memenge, datenleh we memenge!" ²⁴ Lalu, Isa bercerak ken pakea, "Perhatenleh hana si kam penge. Ukuren si kam pake male i'ukuren ken'mu, nye dang ara mien si male i'tamahen ken'mu ²⁵ Entap sahen si empu, we male i'osah mien, tetape sahen si gere empu , hana peh si ara pede'e male i'eten ari'e ." ²⁶ Kemudien, Isa bercerak , "Kerejeen Allah araleh unang sejema si menabur inih i tanoh. ²⁷ Penabur oya nome nye umet porak lo nye kelam, nye inih oya mengedereten tunes nye bertumuh. Penabur oya gere betih nyakhi terjadi'e ²⁸ Tanoh oya menghasilen uwah urum keniri'e. Mule-mule tunes, kemudien bulir'e, lalu anak-anak gandum i was bulir oya. ²⁹ Ketike anak-anak gandum oya tasak, jema oya segere menyabit'e entap musim panen ngek tibe" . ³⁰ Kemudien , Isa bercerak ,"Urum hanakeh kite depet membandingen kerejeen Allah? Ato, urum perumpamaen hanakeh kite depet membandingen'e? ³¹ kerejeen Allah oya unang anak sesawi si itabur i tanoh, walopeh anak oya araleh anak si paling ucak i entere mehne anak i bumi, ³² Tetepe ketike i'tabur , anak oya male tumuh nye munjadi lebih kul aripede mehne tanaman bur, nye mengkedereten cabang-cabang kul sehingge manuk-manuk i udere depet membuh sarang i tuyuh naungen'e." ³³ Urum memake delle perumpamaen unang oya, Isa memberitanen firmen ken pakea, sesue urum si depet pakea penge. ³⁴ We gere penah bercerak ken pakea tanpa suatu perumpamaen , tetape We jelasen mehne'e urum keniri ken murid-murid'E. ³⁵ Nye, pede lo oya, ketike ngek sore Isa bercerak ken murid-murid-E," Kinileh kite beluh ku seberang telege." ³⁶ Ngemari menaringen jema delle oya , pakea memah Isa berurum pakea mayo ku perahu ton Isa berede. Nye, perahu-perahu lain'e berurum-urum'E. ³⁷ Lalu , Terjadileh kuyu bade si dahsyat nye ombak kul menghempasen perahu sehingge perahu peh akhir'e kip urum waih. ³⁸ Namun, Isa ara i buritan kapal, nome i atas bantal. Nye , pakea meng'uweten-E nye bercerak ken-E ,"Guru, hanakeh Engko gere peduli ike kite benasa?" ³⁹ Kemudien , Isa uwet nye membengis kuyu , lalu bercerak ken laut,"Ongot ! Tenangleh!" Nye , kuyu oya teduh nye munjadi tenang. ⁴⁰ Kemudien, We bercerak ken pakea ,"Hanati kam keterihen ? Hanakeh kam dang gilen empu imen?" ⁴¹ Pakea munjadi terih nye bercerak sara urum si laen,"Sahenkeh We ini? Behken kuyu balap nye laut behken teet ken-E!"