¹ Nye, Isa mayo mien ku sinagoge, nye i one ara sejema si pumu'e lumpuh semelah. ² Pakea mengamati Isa ken menengon hanakeh We male menjegeren jema oya pede lo Sabat sehingge pakea depet menuduh We. ³ Lalu, Isa bercerak ken jema si pumu'e lumpuh semelah oya, "Sesukleh i lah-lah." ⁴ Nye , Isa bercerak ken pakea, " Hanakeh nguk berbuet baik ato berbuet jehet pede lo Sabat? Menyelemeten nyawa ato menunuh?" Namun, pakea ongot. ⁵ Kemudien, Isa memandang sekeliling pakea urum bengis . We sedih atas kekerasan ate pakea. Lalu, Isa bercerak ken jema si pumu'e lumpuh semelah oya, "Uluren pumumu." Nye, jema oya menguluren pumu'e nye pumu'e munjadi jeger. ⁶ Entap oya, jema-jema Farisi beluh, nye mulei bersekongkol urum jema-jema Herodian si melewen-E tentang nyakhi menunuh-E. ⁷ Namun, Isa mengaipen diri urum murid-murid-E ku telege, nye sejumlah kul jema ari wileyeh Galilea menunung We, nye ari Yudea, ⁸ ari Yerusalem, Idumea, daerah seberang sunge Yordan, nye renye ari sekiter Tirus nye Sidon, delle jema tengah memenge mehne si Isa lakunen, engeh ken-E ⁹ Entap jema delle oya, Isa bercerak ken murid-murid-E kati menyiepen sebuah perahu bagi-E sehingge pakea gere mendesak We. ¹⁰ Entap Isa ngek menjegeren delle jema, nye mehne jema si empu penyakit dor berdesak-desak'en kati depet menjontok-E. ¹¹ Nye, ketike roh-roh najis menengon Isa, pakea sujud i hedepen-E nye serik,"Engko araleh Anak Allah!" ¹² Namun, Isa mengoa olok pakea tuk mengungkapen sahen We.(Isa Menetapen Roa Belas Murid-E)(Mat. 10:1-4; Luk. 6:12-16) ¹³ Lalu, Isa naik ku bukit nye mengundang jema-jema si We kehendaki tuk berurum-E, nye pakea peh engeh ken-E. ¹⁴ We menetapen roa belas jema sehingge pakea depet berurum urum-E nye We depet mengutus pakea tuk berceramah, ¹⁵ nye menosah kuese tuk mengusir jin-jin. ¹⁶ Isa menetapen keroa belas jema oya: Simon(si ken'e Isa menosah gelar Petrus), ¹⁷ Yakobus, anak Zebedeus , nye Yohanes, sudere Yakobus (si ken'e Isa menosah pakea gelar Boanerges, arti'e" Kekanak Guruh") ¹⁸ Andreas, Filipus, Bartolomeus , Matius, Tomas, Yakobus, anak Alfeus, Tadeus, Simon jema Zelot, ¹⁹ nye Yudas Iskariot , si menghianati We. ²⁰ Kemudien , Isa mayo ku sebuah ymah, nye kerumunen jema ngeh berkamul i one sehingge Isa nye murid-murid-E behken gere nguk man ruti. ²¹ Ketike keluerge-E memenge hel ini, pakea engeh tuk memah Isa entap pakea bercerak behwe We ngek gere waras mien. ²² Nye, Ahli-ahli Tauret si turun ari Yerusalem menceraken ,"We kerasuken Beelzebul!"nye"We mengusir jin urum kuese pemimpin jin." ²³ Lalu, Isa menalupakea engeh ken-E, nye bercerak urum memake perumpamaen ,"Nyakhi nguk Iblis mengusir Iblis? ²⁴ Ike sebuah kerejeen terpecah-pecah melewen diri'e keniri , kerejeen oya gere depet bertahan. ²⁵ Nye, ike sebuah umah terpecah-pecah melewen diri'e keniri umah oya gere male depet bertahan. ²⁶ Ike Iblis uwet melewen diri'e keniri nye terpecah-pecah , we gere depet bertahan , tetape berakhirleh riweyet'e. ²⁷ Gere ara sejema peh depet mayo ku umah jema si kuet nye merampok harta benda'e, kecuale terlebih pudahna we mengiket jema kuet oya, nye baruleh we depet merampok umah'e." ²⁸ "Aku mencerak'en si sebenar'e ken'mu, mehne dosa kekanak manusie depet i'ampuni nye segele caci si pakea ucapen. ²⁹ Nye tetape, sahen si mencaci Roh Kudus gere male penah i'ampuni , melainen bersalah entap dosa kekal." ³⁰ Sebeb, ahli-ahli Tauret oya bercerak,"We kerasuken roh najis." ³¹ Kemudien, amak nye sudere-sudere Isa engeh nye sesuk i deret umah. Pakea mengeni jema ken-E tuk menalu-E. ³² Kerumenen jema tengah kunul mengelilingi Isa nye pakea bercerak ken-E,"Engon, amak-Mu nye sudere -sudere-Mu ara i deret tengah menerah Engko." ³³ Nye, Isa menjeweb pakea nye bercerak, "Sahenkeh amak-Ku nye sudere-sudere-Ku?" ³⁴ Kemudien, We memandang jema-jema si kunul mengelilingi-E nye bercerak," Engonleh ini amak-Ku nye sudere-sudere-Ku! ³⁵ Sebeb, sahen peh si melakune kehendak Allah araleh sudere rerawan-Ku, nye sudere benen-Ku nye amak-Ku."