¹ Ketike pake engge dekat dengan Yerusalem nye engge tibe i Betfage, i bur Zaitun, Isa mengutus roa jema murid-E; ² Cerak-E kepede pakea, ''Beluhleh ku desa si ara i arapmu, nye kam akan langsung mendepeten seuki keledai si terikot nye seuki anak keledai berurum'e. Luahen iketen pakea dan maileh keroae kepede-Ku. ³ Ike ara jema si menungeren sesuatu kepedemu, kam turah bercerak, Tuhen memerlunen'e, ' dan We akan segere mengirimie ⁴ Hal ini terjadi kati tergenapileh hana si iceraen oleh nabi: ⁵ ''Ceraen kepede putri Sion, 'Enggonleh, Rejemu enggeh kepedemu, rendah hati, nye menunggang seuki keledai, dengan seuki keledai mude, anak ari keledai beban. ⁷ Pakea memah keledai beserta anak keledai oya , nye meletaen jubah-jubah pakea i atas keledai-keledai oya, nye Isa kunul i atase. ⁸ Sebagien kul ari jema oya membentagen jubah-jubah pakea i denne, nye si laen'e mengerat ranting-ranting batang, lalu menyebaren'e i denne. ⁹ Delle jema malan i arap-E nye pakea si menunugi-E berseru, ''Hosana bagi Anak Daud! 'Iberkatileh We si enggeh was gelar Tuhen.' Hosana i ton si teratas!'' ¹⁰ Ketike Isa memayoi Yerusalem, mehne kota igemparen. Pakea berunger, ''Sahenkeh We ini?'' ¹¹ Nye, jema delle oya menjeweb, ''We araleh Nabi Isa, ari Nazaret i Galilea.'' ¹² Lalu, Isa mayo ku Bait Allah nye mengusir jema-jema si tengah berjuelbeli i Bait Allah, lalu menjungkirbalien meja penukeren sen nye bangku-bangku pakea si menjuel manuk-manuk merpati. ¹³ We bercerak kepede pakea, ''Telah bertulis, 'Umah-Ku akan isebut umah doa,' tetapi kam munjadien'e sebagai sarang para penusuh.'' ¹⁴ Nye, jema si bota serta lumpuh enggeh kepede-E i bait Allah, lalu We menjegeren pakea. ¹⁵ Namun, ketike paraa imen kepala dan ahli-ahli Taurat menenggon mukjizat-mukjizat si gek ilakuken Isa nye menenggon kekenak si berseru was Bait Allah, ''Hosana bagi Anak Daud,'' pakea munjadi bengis. ¹⁶ Lalu, pakea berungger kepede Isa,''Hanakeh Engko memengge si iceraen kekanak ini?" Nye, Isamenjeweb pakea,''A. Gilen penahkeh kam membaca,'Ari awah bayi-bayi nye kekenak si munyusu, Engko gek menyiapen pujien ken diri-Mu keniri. ¹⁷ Kemudien, Isa menaringgen pakea nye kederet ari kota oya ku Betania nye berkelam i hu. ¹⁸ Siloni, pede soboh lo, ketike Isa ulak ku kota, We munjadi lape. ¹⁹ Nye, ketike menenggon batang ara i tepi denne, We menggehi'e nye gere mendepeti hana-hana, kecuale ulung-ulung seje. Nye, We bercerak kepede batang oya,''Gere akan penah ara uwahmien ari pedemu sawah semokot-mokot'e!'' Saat oya peh, batang ara oya ijadien kering. ²⁰ ketike murid-murid menengon hal ini, para murid terheran-heran nye berunger,''Laguhi batang ara oya kering seketike oya juge?'' ²¹ Nye, Isa menjeweb pakea,''Sesungguhe aku bercerak kepedemu, ike kam mempu imen nye gere bimbang, kam ume henye akan melakuen hana si ilakunen batang ara ini, behken ike kam bercerak kepede bur ini,'Terangkatleh nye tertekarleh ku was laut.'hal ini akan terjadi. ²² Nye, segele sesuatu si kam tiro was doa, perceyeleh, kam akan menerime'e.'' ²³ Ketike Isa memayoi Bait Allah, para imem kepela nye para tue-tue bangsa Yahudi enggeh kepede-E sementara We tengah mengejer dan bercerak,''Dengan kuasa hanakeh Engko melakunen hal-hal ini? Nye, sahenkeh sih menosah-Mu kuasa ini?'' ²⁴ Isa menjeweb pakea, ''Aku peh akan menungeren sara hal kepedemu, si ike kam guk menjeweb'e, Aku peh akan menungerenmu dengan kuasa hana Aku melakunen mehne hal ini. ²⁵ Ari hikeh baptisen Yohanes? Ari Surge ato ari manusie?'' Nye, pakea mulei menceraene i antara pakea keniri, cerae, ''Ike kite bercera, 'Ari Surge,'We akan bercerak, 'Ike lagunoya, hanati kam gere perceye kepede Yohanes?' ²⁶ Akan tetap, ike kite menjeweb, 'Berasal ari manusie.' Kite terih kepede jema delle karene pakea mehne menganggap behwe Yohanes araleh nabi.'' ²⁷ Maka pakea menjeweb Isa,''Kami gere betih.'' Nye , Isa bercerak ,''Ike lagunoya, Aku peh gere akan menungerenmu dengan kuasa hanakeh Aku melakunen hal-hal ini.'' "Namun, hana pendepetmu? Ara jema si empu roa anak rerawan, nye we enggeh kepede si pertama nye bercerak,' Anakku, beluh nye bebuetleh silo ini i empus anggur.' ²⁹ Nye, we menjeweb, 'A, Ama,'tetapi gemari oya we gere beluh. ³⁰ Kemudien ama oya beluh kepede si keroa nye menceraen hal si dis. Anak oya menjeweb, 'Gere mera,' tetapi we menyesal nye beluh. ³¹ Sahenkeh ari keroa anak oya si mematuhi ama'e?" Pakea bercera, "Si terakhir." Isa bercerak kepede pakea.''Sesungguhe aku menungeren kepedemu behwe para mengkamul pajak nye pelacur-pelacur akan mayo ku was Kerejeen Allah mendahului kam. ³² Sebeb, Yohanes enggeh kepedemu was denne kebenaran nye kam gere mempercayaie, tetapi, para pengkamul pajak nye pelacur-pelacur mempercayaie. Nye, kam, ketike menenggon hal ini bahken gere menyesal sesudahe sehingge kam depet mempercayaie.'' ³³ "Pengeleh perumpamaen si laen. Ara siempu empus si menanami sebuah empus anggur, nye memasang peger i sekelilinge, nye menguruk ton pemerasen anggur, nye mensesuen menara. Kemudien, we menyewanen empus anggur'e kepede pepien petani, nye we berangkat ku luar negeri. ³⁴ Ketike musim uwah hampir tibe, we mengutus hamba-hamba'e kepede petani-petani oya tuk menerime uwah'e. ³⁵ Nye, para petani menegkam para peleyen oya nye memepok si sejema, nye menunuh si sara, nye si laen'e itaguri atu. ³⁶ Seger mien, siempu empus oya mengeni hamba-hamba'e si laen, si lebih delle aripede sebelum'e. Nye, para petani oya melakunenhal si dis terhedep pakea. ³⁷ Akhire, siempu empus oya mengutus anake kepede pakea cerae, 'Pakea akan menghormati anakku.' ³⁸ Akan tetapi, ketike para petani oya menenggon anake, pakea bercera i antara pakea keniri, 'We araleh ahli waris, mari kite unuh we nye merampas warisene.' Lalu, pakea menengkam anak siempu empus oya, menagurene ku deret empus anggur, nye menunuhe. ⁴⁰ Karene oya, ketike siempu empus anggur oya enggeh, hana si akan we lakunen kepede petani-petani oya?'' ⁴¹ Pakea bercerak kepede-E, ''We akan membinasaen jema-jema jahat oya dengan sangat jahat, nye akan menyewanen empus anggure kepede petani-petani si laen, si akan menyerahen kepede'e uwah-uwah pede musim'e.'' ⁴² Isa bercerak kepede pakea,''Hanakeh kam gere penah membaca was Kiteb Suci: 'Atu si itulak oleh tukang-tukang bangunen telah munjadi atu penjuru. Hal ini terjadi ari pihak Tuhen, nye hal ini ajaib i mata kite'? ⁴³ Karene oya, Aku bercerak kepedemu, Kerejeen Allah akan ieten arimu nye akan iosahen kepede jema-jema si menghasilen uwah arie. ⁴⁴ Nye, sahen si tauh ku atas atu akan ipecahen berkeping-keping; nye sahen peh si itinihi atu ini akan remuk.'' ⁴⁵ Ketike imem-imen kepala nye jema-jema Farisi memengge perumpamaen-perumpamaen-E, pakea mengerti behwe Isa tengah bercerak tentang pakea. ⁴⁶ Akan tetapi, ketike pakea berusaha tuk menengkam Isa, pakea terih kepede jema delle karene jema delle oya menganggap behwe Isa araleh nabi.