¹ ''Sebeb, Kerejeen Surge araleh unang pemilik empus si soboh-soboh seger beluh tuk mumerahi pebuet-pebuet bagi empus anggure. ² Ketike we enggek sepakat dengan para pebuet oya ken sedinar serlo, we munggeni pakea ku empus anggure. ³ Dan, kire-kire pede jem ketulu we beluh dan munenggen si laen'e tengah sesuk menganggur i ton umum. ⁴ Lalu, we bercerak ku pakea, 'Kam, beluhleh enye ku empus anggur nye hana si pantas akan aku osahen ku kam.' Dan, pakea peh beluh. ⁵ Segermi, sekiter jem keonem nye jem kesiwah we beluh nye melakuken hal si dis. ⁶ Dan, kire-kire pede jem kesebelas, we beluh nye mendemune si laen tengah sesuk nye we bercerak ku pakea,' Hanati kam sesuk i hin mengangggur sepanyang lo?' ⁷ Pakea bercerak kepede'e, 'Kati gere ilen ara si memeperkerjanen kami, 'Siempu empus oya bercerak ku pakea, 'Kamu, beluhleh enye ku empus anggurku.' ⁸ Ketike lo engge mulei kelam, siempu empus oya bercerak kepede mandore, 'Taluleh para pebuet nye bayaren ku pakea upahe, imulei dengan si terahir sawah si pertama.' ⁹ Ketike pakea si ipekerjanen pede jem kesebeles, enggeh, masing-masing jema menerime 1 dinar ¹⁰ Ketike pakea si ipekerjanen partama kali, enggeh, pakea mengire dan menerime lebih delle. Namun, pakea masing-masing juga munerime 1 dinar. ¹¹ Ketike menerime'e, pakea memprotes kepede siempu empus. ¹² Pakea bercerak, 'Jema-jema si mayo terakhir henye bebuet semokot 1 jem, dan engko membuh pakea dis unang kami, si engge menanggung beban nye porak lo serlon.' ¹³ Akan tetapi, siempu empus oya menjeweb nye bercerak kepede sara ari pakea, 'Saudere, aku gere bersalah ken ko. Umekeh kam engge sepakat urum aku ken sara dinar? ¹⁴ Angkaleh milikmu nye beluhleh, tetapi aku menet munosah kepede jema si terakhir ini, dis unang kepedemu. ¹⁵ Hanakeh gere ibenaren tuk melakuken hana peh si ku inginen terhedep milikmu keniri? Ato, hanakeh matamu degil karene aku baik?' ¹⁶ Jadi, si terakhir akan mujadi si pertama, nye si pertama akan munjadi si terakhir.'' ¹⁷ Ketike Isa akan beluh ku Yerusalem, We munemah due belas murid-murid-E secara terpisah. Was perjelenen, We bercerak kepede pakea, ¹⁸ "Enggonleh, kite tengah menuju Yerusalem nye Anak Manusie akan iserahen kepede imem-imen kepala nye ahli-ahli Taurat. Pakea akan menghukum-E dengan kematien. ¹⁹ Lalu, pakea akan menyerahen We kepede bangsa-bangsa laen ken mengejek, mencambuki, nye menyaliben-E . Dan, pede lo ketulu We akan ibangkiten.'' ²⁰ Kemudien, ine ari anak-anak Zebedeus murum anak-anak'e enggeh kepede Isa nye bersujud ken muniro sesuatu kepede Isa. ²¹ Nye, Isa bercerak kepede'e, ''Hana si kam iginen?'' Ine oya menjeweb, ''Perintahenleh kati keroa anakku engguk kunul was Kerejeen-mu, sara i semelah kuen-Mu nye sara i semelah kiri-Mu.'' ²² Akan tetapi, Isa menjeweb , ''Kam gere mengerti hana si kam tiro. Hanakeh kam sangup minum ari cawan si turah Kuminum?'' Pakea bercerak kepede Isa, ''A, kami sangup.'' ²³ Isa bercerak kepede pakea, ''Kam memang akan minum ari cawan-Ku, tetapi ken kunul kuen-Ku ato kiri-Ku, umekleh hak-Ku munosahe, melainen bagi pakea si engge ipersiepen oleh Ama-Ku.'' ²⁴ Ketike sepuluh murid si laen mumengge'e, pakea bengis kepede keroa sudere oya. ²⁵ Namun, Isa menalu pakea dan bercerak, ''Kam bettih behwe para penguasa bangsa-bangsa laen memerintahen atas pakea, nye jema-jema kul pakea menjelenen wewenang atas pakea. ²⁶ Seharuse gere demikien i antara kam, tetapi ha si menet munjadi kul i antara kam, we turah munjadi peleyenmu' ²⁷ Dan, ha seje si menet munjadi si pertama i antara kam, we turah munjadi hembem, ²⁸ dis unang Anak Manusie si enggeh umek ken ileyeni, tetapi ken meleyeni nye munosah nyawa-E sebagai tebusen bagi delle jema.'' ²⁹ Nye, ketike pakea munaringen Yerikho, kerumunen kul jema menunugi-E. ³⁰ Nye, roa jema bota si tengah kunul itepi denne, ketike mumengge behwe Isa lewat, pakea berseru, ''Tuhen, Anak Daud, kasihani peh kami!'' ³¹ Jema delle menegur pakea kati pakea sip. Akan tetapi, pakea semakin kuet bertauk, ''Tuhen, Anak Daud, kasihanileh kami!'' ³² Lalu, Isa teduh nye munalu pakea. We bercerak, ''Hana si kam menet Aku lakunen ken kam?'' ³³ Pakea bercerak kepede-E, ''Tuhen kami menet mata kami i ukenen.'' ³⁴ Isa tergerak oleh belas kasihen kepede pakea, nye menjamah mata pakea, nye saat oya juge pakea menerime penengonen'e kembali, nye menunung Isa.