¹ Nye, mehne jema oya sesuk nye memah Yesus ku hedepen Pilatus. ² Nye, pakea mulei menuduh Yesus nye bercerak,"Kami mendepeti Jema ini menyesaten bengse kami nye membengisi kami tuk member pajak ken Kaisar, nye menceraken behwe We araleh Kristus sejema Reje." ³ Pilatus berunger ken Yesus," Hanakeh Engko Reje jema Yahudi?" Yesus menjeweb ,"Oya si kam ceraken." ⁴ Nye, Pilatus bercerak ken imem-imem kepala nye jema delle," Aku gere mendemunen kesalahen pede Jema ini." ⁵ Nye tetape, pakea menuntut nye bertauk ulum keras, "We menghasut jema-jema urum ejeren-E i mehne wileyeh Yudea mulei ari Galilea sawah ihin!" ⁶ Tengah Pilatus memengge hel oya, we berunger hanakeh Yesus jema Galilea. ⁷ Nye, ngemari we betih behwe Yesus beresel ari wileyeh kekueseen Herodes , Pilatus peh mengirim Yesus ken Herodes si seet oya dan ara i Kota Yerusalem. ⁸ Tengah Herodes menenggon Yesus, we behegie beh . We ngek mokot male demu urum-E entap we ngek memengge delle hel tentang Yesus sebeb we berherep nguk menenggon sara mukjizat si ibuh oleh Yesus. ⁹ Nye, Herodes membuh delle pertanyaen ken Yesus, tetape Yesus gere menosah jeweben han peh kene. ¹⁰ Imem-imem kepala nye ahli-ahli Taurat si sesuk i one menuduh Yesus urum sangat sengit. ¹¹ Behken , Herodes nye pere tentarae peh merenahen nye mencat Yesus. Ngemari oya, pakea memakenen jubah si jeroh nye mengirim-E mien ken Pilatus . ¹² Pudahna, Pilatus nye Herodes araleh musuhen, tetape pede lo oya pakea sehebet. ¹³ Nye, Pilatus mengamulen imem-imem kepala, pere pemimpin Yahudi, nye jema delle, ¹⁴ nye bercerak ken pakea," Kam memah Jema ini kenku sebage sejema si menyesaten jema delle. Nye tetape, tengah aku mengadili-E i hedepenmu, aku gere mendemunen kesalahen unang si kam tuduhen ken-E. ¹⁵ Herodes peh gere mendemunen kesalahen-E sehingge we mengirim Jema ini mien ku kite. Engonleh , we gere membuh kesalahen si layak mendepet hukumen mate. ¹⁶ Entap oya, ngemari aku menghejer-E , aku male melepasen-E." ¹⁷ [Pede setiep lo reye Paskah, Pilatus turah membebasen sejema tehenen tuk jema delle.] ¹⁸ Nye tetape, jema delle oya bertauk berurum-urum," Singkirenleh Jema ini! Bebasenleh Barabas tuk kami!" ¹⁹ [Barabas araleh sejema si ipenjere entap ara was pemberontaken i kota nye peh membuh menunuhen.] ²⁰ Entap Pilatus male membebasen Yesus, nye seger mi we bercerak ken jema delle. ²¹ Nye tetape, pakea dor bertauk,"Saliben We! Saliben We!" ²² Tuk ketulu kalie Pilatus berunger ken pakea," Hanati ? Kejeheten hana si ngek ibuh Jema ini? We gere bersalah . Aku gere mendemunen kesalahen hana peh pede-E si layak mendepet hukumen mate. Entao oya, aku male menghajar-E nye membebasen-E." ²³ Namun, pakea dor bersikeras nye menuntut urum ling keras kati Yesus isaliben. Nye, ling pakea peh menang. ²⁴ Akhire, Pilatus memutusen tuk mengkipi tuntuten pakea. ²⁵ We membebasen jema si itiro jema delle, si ipenjere entap membuh pemberontaken nye penunuhen. Nye tetape, menyerahen Yesus ken keinginen pakea. ²⁶ Tengah pere tentara memah Yesus beluh , pakea peh menehen sesejema, yaoya Simon ari kirene si ben engeh ari desa . Pere tentara meletaken salib Yesus i pundake nye mengkenie memah salib oya ari uduk Yesus. ²⁷ Delle jema si menunung Yesus, nye i antara pakea ara benen-benen si perak nye menengoni We. ²⁸ Nye Tetapi, Yesus menenggon ken pakea nye bercerak ,"Hei putri-putri Yerusalem, enti kam peraki Aku. Perakileh dirimu keniri nye kekanakmu. ²⁹ Nye tibe loe tengah jema-jema male bercerak,'Berbehegieleh benen-benen si mandul, nye si rahime gere penah melahiren anak, nye si payudarae gere penah menyusui.' ³⁰ Pede seet oya pakea male bercerak ken gunung-gunung,'Runtuhleh ku atas kami!' nye ken bur-bur ,'Timbunleh kami!' ³¹ Sebeb , ikebile pakea membuh hel-hel ini dang pohon len murip , hana si male terjadi tengah pohon oya kering?" ³² Ara peh roa jema penjehet si imah tuk ihukum mate berurum-urum Yesus. ³³ Tengah pakea sawah i ton si bergelar "Tengkorak,"pere tentara menyaliben Yesus berurum keroa penjehet oya, sejama i semelah kuen-E nye sejema mien i semelah kiri-E . ³⁴ Nye Yesus bercerak,"Ya Apak, ampunileh pakea, entap pakea gere betih hana si pakea buh." nye pere tentara menekar koin tuk membagi-bagi pakenen-E i antara pakea. ³⁵ Jema delle si sesuk i one menenggon mehne'e, tetapi pere pemimpin Yahudi mecat Yesus dang kedik mecat. Pakea bercerak,"We menyelemeten jema laen, jadi datenleh We menyelemeten diri-E keniri ike We araleh Kristus , si Ipilih oleh Allah!" ³⁶ Pere tentara peh mencat We, nye pakea engeh nye menawaren anggur masam ken-E, ³⁷ nye bercerak ," Ike Engko Reje jema Yahudi , selemetenleh diri-Mu keniri!" ³⁸ Nye, ara sara tulisen i atas-E: "INILEH REJE JEMA YAHUDI." ³⁹ Ara sara ari penjehet si tergantung i one mengina Yesus, cerake, "Umekkeh Engko Kristus? Selemetenleh diri-Mu nye kami!" ⁴⁰ Nye tetapi, penjehet si laene membengisi we nye bercerak,"Gerekeh kam terih ken Allah entap kam peh menerime hukumen si dis? ⁴¹ Kite memang ngek seturahe menerime setimpal urum hana si ngek kite buh, tetapi Jema ini gere membuh keselehen hana peh." ⁴² Nye, we bercerak ken Yesus," Ya Yesus, ingetleh aku tengah Engko mayo ku was kerejeen-Mu." ⁴³ Nye Yesus bercerak kene ," Aku menceraken si sesunguhe kenmu, lo ini peh kam male berurum Aku i was Firdaus." ⁴⁴ Lo iya sekire pukul 12 poraklo, kegelapen menutupi mehne daerah oya sawah pukul 3 iyo ⁴⁵ entap matalo munjadi gelap nye tire was Bait Allah remak munjadi 2 bagien. ⁴⁶ Nye Yesus bertauk urum ling keras," Ya Apak, ku was pumu-Mu Kuserahen nyewe-Ku." Ngekmari menceraken oya, Yesus mengembusen kesah-E si terakhir. ⁴⁷ Tengah kepala pasukan menenggon hana si terjadi, we memulienen Allah nye bercerak ,"Sunguh, Jema ini gere bersalah !" ⁴⁸ Tengah jema delle si engeh berurum-urum tuk menenggon peristiwe oya menyaksien hana si terjadi, pakea ulak nye memepoki dada pakae. ⁴⁹ Mehne si menene Yesus nye sesideh benen si ngek menunungi-E ari Galilea sesuk gaip-gaip nye menyaksien hel-hel ini. ⁵⁰ Ara sejema rerawan bergelar Yusuf , anggota Dewan Penasehat, sejema si baik nye benar. ⁵¹ ( We keniri gere menyetujui keputusen nye tindaken pakea) . Yusuf beresel ari kota Arimatea, sebueh kota jema Yahudi. We peh sejema si menantin-nantinen Kerejeen Allah. ⁵² We beluh ken Pilatus nye meniro meyet Yesus . ⁵³ Nye, we peh menurunen meyet Yesus ari kayu salib nye membungkuse urum upuh linen. Ngemari oya, we membaringen-E was sara kubur si ipahat pede bikit atu. I One , gilen penah ara sejema peh si ibaringen. ⁵⁴ Lo oya araleh Lo Persiepen, nye lo Sabat male imulei. ⁵⁵ Benen-benen si enggeh berurum Yesus ari Galilea menunung Yusuf. Pakea menenggon kubur oya nye unanghi meyet Yesus ibaringen i wase. ⁵⁶ Ngemari oya, pakea ulak nye mempersiepen rempah-rempah nye minyak tuk mengolesi meyet Yesus. Pede lo Sabat pakea beristirehet sesue urum hukum Taurat Musa.