¹ Suatu lo, Petrus nye Yohanes beluh ku Bait Allah pede lo jem doa, yaoya pede jem sesiwah . ² Lalu, sejema rawan si lumpuh sejak was kandungen ine'e i'gotong. Setiep lo pakea meletakken'e i pintu gerbang Bait Allah si bergelar Pintu Gerbang Indah tu meniro sedekah ari jema-jema si male mayo ku Bait Allah. ³ ketike we menegon Petrus nye Yohanes ku Bait Allah, we meniro sedekah. ⁴ Lalu, Petrus, berurum-urum Yohanes, menatap'e nye bercerak,"Engon kami." ⁵ Jema lumpuh oya mengarahen perhatien'e ken Petrus nye Yohanes, nye berherep menerime sesuatu ari pakea. ⁶ Nye tetape Petrus bercerak," AKu gere mempu perak ato emas, tetape si aku empu mele kuosahen ken'mu. Was gelar kristus jema Nazaret oya, wet nye remalanleh!" ⁷ Kemudien, Petrus menamat pumu kuen jema oya nye membantu'e sesuk. Seet oya peh, kiding nye pergelangen'e munjadi kuet. ⁸ Urum meluncet, we sesuk nye mulei remalan. Lalu, we mayo ku was Bait Allah berurum Petrus nye Yohanes, sambil remalan, nye luncet-luncet, nye memuji Allah. ⁹ Mehne jema menegon'e beremalan nye memuji Allah, ¹⁰ nye pakea menene behwe jema oyaleh si biese'e kunul i Gerbang Indah Bait Allah tuk memohon sedekah. Pakea i'kipi urum takjub nye kagum etes hel si ngek terjadi pede'e. ¹¹ Sementere jema oya beramat pede Petrus nye Yohanes, mehen jema sangka ken pakea i serambi Salomo, urum takjub. ¹² Lalu, ketike Petrus menegon'e , we bercerak ken jema delle oya,"hai jema-jema Israel, hanati kam heran male hal ini ato hanati kam mentap kami seolah-olah urum kuese ato kesalehen kami keniri, kami ngek membuh jema ini remalan? ¹³ Allah Abraham, nye Ishak, nye Yakub, Allah enek moyang kite ngek memulianen hamba-E, Isa, si kam serahen nye tulak i hedepen Pilatus ketike we ngek memutusen tuk membebasen-E. ¹⁴ Nye tetape, kam menulak Si Kudus nye Sunguh, nye kam meniro sejama penunuh i' bebasen bagimu, ¹⁵ nye kam menunuh Sang Penosah Murip, si ngek Allah bangkiten ari antere jema mate. Tentang ini, kami araleh saksi-saksi. ¹⁶ Nye berdasar imen was gelar-E, yaoya gelar Isa ngek mengueten rawan si kam egon nye tene ini. Nye, imen si gek melalui We ngek menosahen kesehaten si sempurne ken rarawan ini i hedepen kam mehne. ¹⁷ Siloni, Sudere-sudere'ku, aku betih behwe kam bertindak was kegerebetihen'mu unang si juge i'lakunen oleh pere pemimpin'mu. ¹⁸ Nye tetape, si allah sawahen semelum'e melalui awah mehne nabi behwe Kristus male menderite, gek We genapi. ¹⁹ Oleh entap oya, bertobatleh nye berbalikleh kati dosa-dosa'mu i'hapusen, ²⁰ sehingge lo kelegaen geh ari kehadiren Tuhen, nye kati We mengutus Kristus si ngek i'tetapenbagi'mu, yaoya Isa, ²¹ si turah surge terime sawah pede lo pemulihen segele sesuatu unang si ngek Allah cerak'en melalui pere nabi-E si kudus sejak zemen pudahna. ²² Musa bercerak, Tuhen Allahmu male membangkiten bagi kam sejema nabi unang aku ari entere sudere-sudere'mu keniri. Kam turah memege segele sesuatu si we cerak'en ken'mu. ²³ Nye male terjadi , setiep jiwe , si gere memenge nabi oya mele i'lenyapen ari entere bengse.' ²⁴ Nye, mehne nabi si penah bercerak, mulei ari Samuel nye pakea sesudah'e juge memberitanen lo-lo ini. ²⁵ Kam araleh keturunen ari pere nabi nye ari perjanyien si ngek Allah buh urum enek moyangmu, urum bercerak ken Abraham, 'Melalui benihmu, mehne keturuneni muka bumi male i'berkati.' ²⁶ Allah , setelah membangkiten hembe-E, mengirimen-E ken'mu lebih mule tuk memberkati'mu urum membuh setiep jema ari entere'mu berbalik ari kejeheten."