¹ Ketike lo Pentakosta tibe, pakea mehen berurum-urum berede i tonsi dis. ² Nye, tibe-tibe terpenggeleh ari langit, ling unang tiupen kuyu olok , nye ling oya mengkipi seisi umah ton pakea tegah kunul. ³ Nye, teridah ken pakea ledah-ledah unang murip rara si bertebaren nye hinggap i etes pakea masing-masing. ⁴ Nye, pakea mehne i'kipi urum Roh Kudus nye mulei bercerak was berbage behese, unang si osahen Roh Kudus tuk pakea ucepen. ⁵ Pede lo oya, ara jema-jema Yahudi si taring i Yerusalem, jema-jema saleh ari tiep-tiep bengse i tuyuh langit. ⁶ Nye, ketike ling oya terpenge , sekumpulen jema delle geh berurum-urum nye bingung entap setiep jema tegah memenge pakea oya bercerak was behese pakea keniri. ⁷ Pakea takjub nye heran, nye bercerak, "Umekeh pakea mehne si tegah bercerak araleh jema-jema Galilea? ⁸ Nye, yakhi mungkin masing-masing kite memenge pakea urum behese ton kite i'lahiren? ⁹ Jema-jema Partia, nye media, nye Elam, nye penduduk Mesopotamia , Yudea, nye Kapadokia, Pontus , nye Asia, ¹⁰ Frigia, nye Pamfilia, Mesir, nye daerah-daerah Libia dekat Kirene, nye pendatang-pendatang ari Roma, baik jema-jema Yahudi merapeh pere proselit, ¹¹ jema-jema Kreta nye Arab. Kite memenge pakea bercerak urum behese kite tentang perbueten-perbueten kul Allah." ¹² Nye, pakea mehne takjub nye bingung nye bercerak sara urum si laen," Hana arti mehne ini?" ¹³ Tetape, jema laen mengkedik'en nye bercerak," Pakea i'mabuken oleh anggur ayu." ¹⁴ Namun, Petrus sesuk berurum kesebelas rasul, mengangkat ling'e nye bercerak ken pakea," Hai jema-jema Yahudi nye mehne si taring i Yerusalem, datenleh i'betihi olehmu nye perhatinenleh ucepenku. ¹⁵ Sebeb, jema-jema ini gere mabuk, unang si kam kire entap lo ayu jem ketulu. ¹⁶ tetapi inileh si i'ceraken melalui Nabi Yoel : ¹⁷ 'Nye, pede lo-lo terakhir male terjadi, Allah berfirmen : behwe Aku male mencurahen Roh-Ku ke etes mehne manusie. Nye, kekanakmu rerawan nye kekanakmu benen male bernubuet, nye kekanak mudemu male menegon penegonen , nye jema-jema tue i enteremu male memimpinen mimpi-mimpi. ¹⁸ Behken, ke etes hembe-hembe-Ku rerawan nye hembe-hembe-Ku benen pede lo-lo oya, Aku male mencurahen Roh-Ku , nye pakea male bernubuet. ¹⁹ Nye, Aku male memperengonen mukjizat-mukjizat i langit, i etes, nye tene-tene ejeib i bumi, i tuyuh, rayoh, nye rara, nye kabut esep. ²⁰ Malo male i'ubah munjadi kegelapen nye ulen munjadi rayoh, semelum lo Tuhen si kul nye mulie geh. ²¹ Nye male terjadi, setiep jema si menalu gelar Tuhen male i'selemeten." ²² "Hai jema israel, pegeleh perceraken ini. Isa, Jema Nazaret , sejema si i'nyatanen i entere kam oleh Allah urum hel-hel ejeib , mukjizat-mikjizat, nye tene-tene, si gek Allah turuhen i enteremu melalui We, unang si kam keniri betihi. ²³ Isa ini, si i'serahen menurut rencene si gek i'tentunen nye pengetahuen Allah semelum'e, kam unuh urum menyaliben-E melalui pumu jema-jema durhaka. ²⁴ Tetapi, Allah membangkiten-E, nye melepasen-E ari penderiteen maut entap gere mungkin bagi-E i'kuesei oleh kemateen. ²⁵ Sebeb , Daud penah bercerak tentang Isa, 'Aku menegon Tuhen dor ara i arap'ku , entap We berede i semelah kuenku sehingge aku gere male i'goyahen. ²⁶ Oleh sebeb oya, ateku bergembire, nye ledahku bersorak-sorak . Tubuhku juge male taring was pengherepen. ²⁷ entap Engko gere male menaringgen jiweku berede i dunie jema mate, ato mendatenen tubuh Jema Kudus-Mu menegon kebenasaen. ²⁸ Engko ngek menosahbetihen ken'ku dene kemuripen. Engko male membuh'ku kip sukecite urum salak-Mu.' ²⁹ Sudere-sudere, aku depet bercerak ken'mu urum yakin tentang Apak leluhur kite, Daud, behwe we ngek mate nye i'kubur, nye kuburen'e ilen ara berurum urum kite sawah lo ini. ³⁰ Ike, entap we araleh sejama nabi nye membetihi behwe Allah ngek berjanyi urum sumpah ken'e tuk mengkunulen sara ari keturunen Daud i etes takhta'e. ³¹ Entap oya, Daud si menengon hal ini semelum'e, we bercerak tentang kebangkiten Kristus behwe: 'We gere male i'taringen i dunie jema mate, nye tubuh-E gere menengon kebenasaen.' ³² Isa inileh si Allah bangkiten nye kami mehne araleh saksi tentang hal oya. ³³ Oleh entap oya, ngemari i'tingginen oleh pumu kuen Allah nye menerime janyi ari Apak tentang Roh Kudus, We ngek mencurahen , baik hana si kam engon merapeh penge. ³⁴ Sebeb, daud gere naik ku surge, tetape we keniri bercerak, "Tuhen bercerak ken Tuanku, 'Kunulleh i semelah kuen-Ku, ³⁵ sawah Aku membuh musuh-musuh-Mu munjadi tumpuen kiding-Mu" ³⁶ "Oleh entap oya, datenleh mehne umah Israel betih urum pasti behwe Allah ngek munjadinen-E Tuhen nye Kristus, inileh Isa si ngek kam salib'en." ³⁷ Ketike pakea memenge hal ini, tertusukleh ate pakea, lalu bercerak ken Petrus nye pere rasul laen'e, "Sudere-sudere, hana si turah kami lakunen ?" ³⁸ Lalu, Petrus bercerak ken pakea, "Bertobatleh nye baptisenleh dirimu masing-masing was gelar Kristus Isa tuk pengampunen dosa-dosamu, nye kam male menerime karunie Roh Kudus. ³⁹ Sebeb, janyi ini araleh tuk'mu, nye kekanakmu, nye tuk mehne jema si ilen gaip, sedelle si Tuhen Allah kite male menalu'e." ⁴⁰ Nye, urum delle percera'en laen, Petrus bersaksi urum suguh-suguh nye berseru ken pakea, cerak'e"Selemetenleh dirimu ari generasi si bengkok ini!' ⁴¹ Jema-jema si menerime percerak'en Petrus i'baptis nye pede lo oya jumlah pakea i'tamahen sekiter tulu ribu jiwe. (Persekutuen Jema-jema Perceye) ⁴² Pakea bertekun was pengejeren rasul-rasul nye was persekutuen, was memecahen roti, nye was berdoa. ⁴³ Nye, keterihen geh ke etes setiep jiwe, nye delle hel ejeib serte tene-tene si terjadi melalui pere rasul. ⁴⁴ Mehne si perceye berkamul berurum nye empu segele sesuatu'e berurum-urum . ⁴⁵ Lalu, pakea menjuel herte benda nye empu'e, kemudien membagi-baginen'e ken mehne jema, sesue kebutuhen'e masing-masing. ⁴⁶ Setiep lo, urum bersara ate pakea berkamul berurum i Bait Allah nye memecah-mecahen roti ari umah ke umah . Pakea menerime pan'en pakea urum gembire nye tulus ate , ⁴⁷ tegah memuji Allah, nye pakea i'denemi oleh delle jema. Nye, setiep lo Tuhen menamahen jumlah pakea, yaoya jema-jema si i'selemeten.