(Paulus Berlayar ke Kota Roma) ¹ Ngemari i'putusenen behwe kami berlayar ke Italia, pakea menyerahen Paulus nye pepien tahana laen ken sejama perwira pasuen Agustan , si bergelar Yulius. ² Kami naik ke sebuah kapal ari Adramitium si male segere berlayar ke berbage pelabuhen i sepanjang pante Asia. Kami berlayar i'pongi oleh Aristarkhus, jema Makedonia ari Tesalonika. ³ Pede lo berikut'e kami tibe i Sidon. Yulius memperlakunen Paulus urum kip perhatian nye mengizinen Paulus mendemui pong-ponge tuk mengurus keperluen Paulus. ⁴ Ari one, kami berangkat nye berlayar mengelilingi Siprus entap kuyu engeh berlewen arah. ⁵ Ngemari kami ngek berlayar melewati pante i sepanjang pante Kilikia nye Pamfilia, kami tibe i Mira i Likia. ⁶ I one, perwira oya mendemu kapal ari Aleksandria si dang berlayar ke Italia, nye we meminahen kami ke kapal oya. ⁷ Kami berlayar urum lambat semokot pepien lo, nye urum susah payah kami tibe i Knidus. Entap kuyu gere memungkinen kami tuk beluh lebih gaib, kami berlayar mengelilingi pante Kreta ke arah tanjung Salmone. ⁸ Kami berlayar melewati tanjung oya urum susah payah nye sawah i ton bergelar Pelabuhen Indah, si ara i dekat kota Lasea. ⁹ Entap kami menyadari ngek kemoropen delle lo, nye saat siloni, perjelenen laut oya berbaheye entap mese puese jema Yahudi ngek lewat, Paulus menasehati pakea, ¹⁰ nye bercerak ken pakea,"Sudere-sudere, aku menengon behwe pelayaren ini male i'sertai urum kerusaken nye kerugien kul, umek hanya isi nye kapal'e, tetape nyewe kite peh". ¹¹ Namun, perwira oya lebih perceye ken nakhoda nye empu kapal aripede perceraen Paulus. ¹² Entap gere baik taring i pelabuhen oya semokot musim sejuk, sebagen kul jema setuju tuk beluh berlayar ari one nye ike-ike pakea depet mencape Feniks, sebuah pelabuhen i Kreta, si menghedep ke arah barat daya nye barat laut, nye taring i one semokot musim sejuk. Kuyu si Kuet peh Menerpa Kapal Paulus 3Ketike kuyu sepoi-sepoi ber'iup ari selatan, pakea berpikir behwe pakea ngek mencape tujuen pakea. Entap oya, pakea menarik jangkar nye berlayar i sepanjang pante Kreta. ¹⁴ Nye tetape, gere mokot kemudien, kuyu unang topan, si i'sebut Euroklidon, ber'iup ari pulo oya. ¹⁵ ketike kapal kami i'terpa oleh kuyu oya nye gere sanggup mien menghadapi haluen'e, kami menyerah nye mendatenen kapal kami terombang-ambing. ¹⁶ Sementere kami bergerak mengelilingi pulo ucak si bergelar Kauda, urum susah payah kami berhasil mengendalenen sekoci kapal kami. ¹⁷ Ngemari awak kapal mengerek sekoci ke atas kapal, pakea memake tali-tali penolong tuk memperkuet kapal oya. Entap pakea terih terdampar i Sirtis, pakea menurunen alat-alat kapal sehingge mendaten kapal pakea bergoyang-goyang . ¹⁸ Pede lo berikut'e, entap kami i'goyang-goyangen urum kuyu bade si hebat beh, jema-jema mulei menekar isi kapal. ¹⁹ Nye, pede lo si ketulu, pakea menekar alat-alat kapal urum pumu pakea keniri. ²⁰ Entap matalo nye bintang-bintang gere muncul semokot pepien lo nye bade si gere ucak menerjang kami, lenyapleh mehne harapen kami tuk i'selemeten. ²¹ Entap delle jema ngek beluh sekien mokot tanpa pane'en, Paulus sesuk i lah-lah pakea nye bercerak , "Sudere-sudere, seturahe kam menuruti nasehatku nye gere berlayar ari Kreta sehingge mengalami kerusaken nye kerugien unang ini. ²² Nye siloni, aku mendorong kam tuk tetap tabah entap i antara mu gere ara si male kemosopen nyewe'e, kecuale kemosopen kapal. ²³ Sebeb, hakne kelam, ara malekat Allah , si empu aku nye si aku semah, sesuk i hedepenku, ²⁴ dang bercerak ,'Enti terih, Paulus. Kam dor sesuk i hedepen Kaisar. Nye, engon, Allah ngek bermurah ate ken'mu nye mehne jema si berlayar berurum'mu.' ²⁵ Entap oya, Sudere-sudere, tabahen atemu entap aku perceye i was Allah behwe mehne male terjadi unang si ngek i'ungeren ken'ku. ²⁶ Namun, kite turah terdampar i sebuah pulo." ²⁷ Nye tetape, pede kelam ke'opat belas, nye kami len tergoyang-goyang i sepanjang Laut Adria, kire-kire lah kelam, pere awak kapal mengire behwe pakea dang mendekati daratan. ²⁸ Pakea menguluren atu duga nye mendemun behwe kewasen aihe roa puluh depa. Ketike, pakea maju tik mien , Pakea kembali menekaren atu duga nye membetihu kewasen aihe lime belas depa. ²⁹ Entap kami terih male kandas i atu karang, pakea menurunen opat jangkar ari buritan nye berdoa kati lo tir poraklo. 0Nye tetape, sementara pepien awak kapal berusehe tuk mensangkaen diri ari kapal nye ngek menurunen sekoci ke laut urum berpura-pura menurunen jangkarr-jangkar ari haluan, ³¹ Paul bercerak ken perwira oya nye pere prajurit'e , "Ike jema-jema oya gere taring i was kapal, kam gere depet i'selemeten." ³² Ngemari oya, pere prajurit mengkerat tali sekoci nye mendatene manut. ³³ Ketike fajar hampir tibe, Paulus meniro pakea mehne tuk meneten pepien pan'en, urum bercerak ,"Lo ini araleh lo keopat belas kam dor ara i was ketegangen nye menahan lape entap gere man hana peh . ³⁴ Entap oya, aku meniromu tuk meneten pepien pan'en demi keselemetenmu. Sebeb, gere ara sehelei uku peh si male mosop ari antara kam." ³⁵ Ngemari menceraken hel oya, Paulus meneten ruti nye mencerak syukur ken Allah i hedepen pakea mehne, memecah-mecahen ruti oya, nye mulei man. ³⁶ Nye, pakea mehne i'teguhen ate'e nye pakea peh man. ³⁷ Jumlah kami mehne si ara i was kapal 276 jema. ³⁸ Ngemari man sawah korong, pakea meringene kapal urum menekar gandum ke laut. Kapal Hancur nye Mehne Penumpang Selemet. ³⁹ Ketike lo mulei poraklo, pakea gere membetihi ara'e daratan, tetape pakea memperhaten sebuah teluk si berpante, to pakea memutusen tuk melabuhen kapal i one ike memungkinen. ⁴⁰ Nye , ngemari menekaren jangkar-jangkar, pakea menaringene i was laut, nye i lo si dis , melepasen tali-tali kemudi nye menaiken layar i bagen arap kapal kati kuyu memah pakea sawah ke pante. ⁴¹ Nye tetape, kapal menabrak karang i ton berdemue roa laut sehingge kapal kandas. Haluan kapal tersangkut nye gere nguk bergerak, nye buritan kapal hancur entap hantamen gelombang. ⁴² Pere prajurit empu rencene tuk menunuh para tahanen kati gere ara sejema peh si berenang nye mensangkaen diri. ⁴³ Namun perwira oya, berherep depet menyelemeten Paulus , mencegah rencene pakea. We mengkeni kati jema-jema si nguk berenang tuk meluncet lebih mule ari kapal nye menuju ke daratan . ⁴⁴ Nye, sisa'e ara si atas papan, ara peh si memake benda-benda laen'e ari kapal. Urum demikien, mehne jema sawah ke daratan urum selemet.