¹ "Sudere-sudere nye Apak-apak, pengen pembelaanku siloni kenmu." ² Nye, tengah pakea memenggen behwe Paulus menalu pakea was behese Ibrani, pakea semakin sip, nye Paulus bercerak, ³ Aku araleh jema Yahudi, lahir i Tarsus, Kilikia, tetape ikulen i kota ini, i'didik i tuyuh Gamaliel urum ketat sesue hukum enek moyang kite, nye munjadi giat bagi Allah, dis unang kam mehne pede lo ini. ⁴ Aku menyikse Dene ini sawah pede kematen , mengiket nye memayonen pakea, baik rerawan merapeh benen ku was penjere, ⁵ unang si peh Imem Kul nye mehne majelis penatue depet bersaksi kenku . Ari pake aku menerime suret-suret tuk sudere-sudere i Damsyik nye beluh tuk mengiket pakea si ara i one ku Yerusalem sebage tahanen si male i hukum. ⁶ Nye, terjadileh , sementara aku dang was perjelenen nye hampir sawah i Damsyik, kire-kire pede peraklo tibe-tibe ceheye terang ari langit bersinar mengelilingiku. ⁷ Aku tersungkur ku tanoh nye memengge ling bercerak kenku,'Saulus, Saulus, hanati kam menyikse Aku?' ⁸ Nye, aku menjeweb,'Sahenkeh Engko , Tuhen?' Nye, we bercerak kenku, 'Akuleh Yesus ari Nazaret , si dang kam sikse.' ⁹ Jema-jem si berurumku menenggon ceheye oya, tetape gere mengerti ling Jema si dan bercerak kenku. ¹⁰ Nye, aku bercerak,'Hana si turah aku buh, Tuhen?' Nye, Tuhen menjeweb aku, 'Sesuk nye beluhleh ku Damsyik, nye i one , kam male iungeren mehne si ngek itetapen tuk kam buh.' ¹¹ Nye , tengah aku gere depet menenggon entap kemulieen ceheye oya , aku ituntun oleh jema-jema si berurumku nye mayo ku Damsyik." ¹² Nye, ara jema bergelar Ananias , jema saleh menurut Hukum Taurat, nye itene baik oleh mehne jema Yahudi si taring i one, ¹³ engeh kenku, nye ngemari sesuk i sampingku, we bercerak,'Sudere Saulus, enggonleh !' Nye, seet oya peh, aku depet menenggon mien nye menenggon we. ¹⁵ entap kam male munjadi saksi bagi-E bagi mahne jema tentang hana si ngek kam engon nye pengen. ¹⁶ Nye, siloni, hanati kam menunda-nunda ? Uwetleh nye osahleh dirimu ibaptis , nye bersihen dosa-dosamu sambil menalu gelar-E." ¹⁷ "Tengah aku engeh mien ku Yerusalem nye dang berdoa i Bait Allah, aku ikuesei Roh, ¹⁸ nye aku menenggon We bercerak kenku ,'Bergegasleh nye tir kederet ari Yerusalem entap pakea gere male menerime kesaksien tentang Aku.' ¹⁹ Nye , aku bercerak, 'Tuhen , pakea keniri betih behwe aku memenjerenen nye mengiket pakea si perceye ken-Mu ari sara sinagoge ku si laene. ²⁰ Nye, tengah rayoh saksi-Mu , Stefanus, iayaken , aku keniri dang sesuk i one , menyetujui, nye menjege pakenen-pakenen jema-jema si menunuhe.' ²¹ Ngemari oya, Yesus bercerak kenku,'Beluhleh! Sebeb, aku male mengutus kam gaib ken bengse-bengse laen."' ²² Jema delle oya memenggenen Paulus sawah pede percerakene ini . Ngemari oya , pakea mehne mengangkat ling pakea nye bercerak, "Beluhen jema unang oya ari bumi entap we gere pantas tuk murip!" ²³ Nye, sementara pakea dor bertauk , nye menekaren jubah pakea, nye menghamburen auu ku udere, ²⁴ kepala pasukan memerintahen kati Paulus imah ku markas, nye menceraken behwe Paulus turah iperikse urum cambuken sehingge we depet mendemunen elesen hanati pakea bertauk melewen we unang oya. ²⁵ Namun, tengah pekea ngek merentangene urum tali-tali kulit, Paulus bercerak ken perwire si sesuk i dekate ," Hanakeh sah bagi kam tuk mencambuk sejema si araleh sejema werge negere Romma nye gere ara iadili?" ²⁶ Tengah perwire oya memenggene, we beluh ken kepala pasukan nye menunggeren , cerake," Hana si male kam buh? Sebeb, jema ini araleh sejema werge negere Roma." ²⁷ Nye, kepala pasukan oya enggeh nye bercerak ken Paulus," Ceraken kenku, hanakeh kam sejema werge negere Roma?" Nye, Paulus vercerak,"A." ²⁸ Kepala pasukan oya menjeweb," Aku mendepeten kewergenegereen ini urum sen si delle. "Nye, Paulus bercerak," Namun, aku munjadi werge negere oleh kelahiren." ²⁹ Nye , jema-jema si male memerikse Paulus tir menarigene nye kepala pasukan munjadi terih tengah we betih behwe Paulus araleh sejema werge negere Roma nye behwe we ngek mengikete. ³⁰ Nye tetape, pede lo berikute, entap kepala pasukan mera membetihi elesen sebenare hanati Paulus ituduh oleh jema-jema Yahudi oya, we melepasen Paulus nye memerintahen imem-imem kepala nye mehne Sanhedrin tuk berkamul, nye we memah Paulus turun nye menghedepene ku lah-lah pakea.