1 Ngemari kami berpisah ari pakea nye ngek bertolak, kami langsung berlayar ku Kos, nye lo berikute Ku Rodos, nye ari one ku Patara , 2 nye ngemari kami mendemunen kapal si menyeberang ku Fenisia, kami naik kapal oya nye berlayar. 3 Tengah kami ngek mulei menenggon Siprus , kami melewatie i semelah kiri kami nye tetap berlayar ku Siria, nye turun i Tirus entap kapal malle menurunen muatane. 4 Ngemari berdemu urum pere murid, kami taring i one semokot pitu lo. Nye, melalui Roh, pakea dor menasehaten Paulus kati gere naik ku Yerusalem. 5 Nye lo kami i one ngek meh, kami berangkat nye melanjuten perjelenen kami. Pakea mehne, urum inen nye anak'e , menangon kami sawah ku luar kota. Nye , ngemari berlutut i pante nye berdoa, 6 kami pamit sara urum si laen, Nye, kami naik ku kapal nye pakea ulak mien ku umah. 7 Ngemari kami mengakhiri perjelenen ari Tirus, kami sawah i Ptolemais, nye kami menyapa sudere-sudere seimen, nye taring berurum pakea semokot sare lo. 8 Pede lo berikute, kami berangkat nye beluh ku Kaisarea, nye mayo ku umah Penginjil Filipus, si araleh sara ari pitu jema oya, nye taring berurume. 9 We empu opat anak perawan si bernubuat. 10 Sementara kami taring i one semokot sesideh lo, sejema nabi bergelar Agabus turun ari Yudea. 11 Nye, ngemari mengehi kami, we meneten iket pingang Paulus nye mengiket pumu nye kidinge keniri, nye bercerak,"Inileh si Roh Kudus ceraken, 'Urum cere ini jema-jema Yahudi i Yerusalem male mengiket jema si empu iket pingang ini nye menyerahene ku pumu bengse-bengse laen." 12 Tengah kami memengge hel oya, kami nye jema-jema si taring i one memohon Paulus kati gere naik ku Yerusalem. 13 Nye, Paulus menjeweb ," Hana si kam buh, p'erak nye menghancuren ateku? Sebeb, aku siep , umek renye tuk i'iket, tetape peh tuk mate i Yerusalem demi gelar Tuhen Yesus." 14 Nye, entap Paulus gere nguk i'yakinen , kami sip nye bercerak, "Datenleh kehendak Tuhen si terjadi." 15 Ngemari lo-lo oya, kami bersiep-siep nye berangkat ku Yerusalem. 16 Sesideh murid ari Kaisarea peh beluh berurum urum kami, nye memah kami ku umah Manason, jema Siprus, sejema murid sejak mokot, si urume kami taring. 17 Ngemari kami sawah i Yerusalem , sudere-sudere seimen menyambut kami urum kenak ate. 18 Nye, pede lo berikute, Paulus beluh berurum kami mendemui Yakobus, nye mehne penatue engeh. 19 Ngemari menyawahen selem ken pakea, Paulus mulei menceriten sara per sara hel si ngek Allah buh i entere bengse-bengse laen melalui peleyenen'e. 20 Nye, tengah pakea memenggen'e , pakea memuji Allah. Nye, pakea bercerak ken Paulus," Enggonleh , Sudere, sideh ribu jema i antara jema-jema Yahudi i one si munjadi perceye nye pakea mehne giat male Hukum Tauret, 21 nye pakea ngek i'ungeren tentang engko, yaoya behwe engko mengejer mehne jema Yahudi i antara bengse-bengse laen tuk menyimpang ari hukum Musa, dang menungeren pakea tuk gere menyunet kekanak pakea ato beremalan menurut edet istiedet kite. 22 Nye, hana si turah kite buh? Pakea pasti male memengge behwe engko ngek engeh. 23 Oleh entap oya, buhleh hana si kami ceraken ini kenmu. Ara opat jema ari kami si ara i tuyuh nazar, 24 Mah pakea nye sucenen dirimu berurum urum pakea, nye berleh biaya-biaya pakea sehingge pakea depet mencukur ulu pakea. Urum demikien, mehne jema male membetihi behwe cerak kosong hel-hel si ngek i'ungeren ken pakea tentang engko, tetape behwe engko keniri peh murip menurut Hukum Tauret. 25 Namun, tentang bengse-bengse laen si munjadi perceye, kami ngek menulis suret nye memutusen behwe pakea turah menghindar ari , 'dengke si ngek ipersemahen ken berhala-berhala, nye ari rayoh , nye ari hana si ngek i'cekek, nye ari dosa-dosa seksual.' " (Paulus Itangkap) 26 Nye, Paulus memah jema-jema oya, nye lo berikute, ngemari we ngek menyucinen diri'e berurum urum oakea, we mayo ku was Bait Allah nye menunggeren mese penyucien male berakhir tengah kurben persemahen i'osahen ken masing-masing pakea. 27 tengah hampir kip pitu lo, jema-jema Yahudi ari Asia, ngemari menenggon Paulus i was Bait Allah, menghasut jema delle nye menangkap Paulus, 28 nye bertauk," He jema-jema Israel, tolong ! Jema inileh si mengejeren setiep jema i kihi-kihi melewen bengse kite, nye Hukum Taurat , nye ton ini. Nye, lebih mien, we behken memah jema-jema Yunani ku was Bait Allah nye menajisen ton suci ini!" 29 Sebeb, semelume pakea ngek menenggon Trofimus, jema Efesus, berurum urume i was kota nye pakea mengire Paulus ngek memahe mayo ku was BAit Allah. 30 Nye, mehne kota munjadi gempar nye jema-jema engeh berkerumun.Pakea menangkap Paulus nye menyerete ku deret ari Abit Allah, nye pintu-pintu Bait Allah peh itutup. 31 Sementara pakea berusehe tuk menunuhe, sawahleh laporan ken kepala pasuken Roma behwe mehne Yerusalem tengah was kekacoen. 32 Seet oya peh, we memah pere prajurit nye pere perwire , nye sangka turun ken pakea. Nye , tengah jema delle oya menenggon kepala pasukan nye pere prajurit, pakea setop memepoi Paulus. 33 Ngemari oya, kepala pasukan mendekati Paulus nye menangkape, nye memerintahen kati Paulus i'iket urum roa rante. Nye, we mulei berunger sahen Paulus nye hana si ngek ibuhe. 34 Nye tetape, sebagen ari jema delle oya menauki sesuatu nye sebagen si laene. Nye, tengah we gere depet membetihi urum pasti entap kerusuhen oya, we memerintahen kati PAulus imah ku markas. 35 Tengah we sawah i tangga, Paulus turah i'gotong oleh pere prajurit entap kebengisen kerumunen jema, 36 sebeb, jema delle oya dor menunungi pakea , nye bertauk," Beluhen we!" 37 Sementara Paulus male imah mayo ku markas, Paulus bercerak ken kepala pasukan," Gukkeh aku menceraken sesuatu kenmu?" Nye, kepala pasukan oya menjeweb , "Kam betih behese Yunani? 38 Ike unangoya kam umeh jema Mesir si pepien lo lalu si menimbulen pemberontaken nye memimpin opat ribu jema penunuh ku pedeng gurun?" 39 Namun, Paulus bercerak , "Aku araleh jema Yahudi ari Tarsus, Kilikia, sejema warga ari kota si penting. Aku mohon, izinen aku bercerak ken jema-jema oya." 40 Nye, tengah kepala pasukan menosah izin, Paulus sesuk i tangga nye menosahen isyarat ken jema-jema urum pumu'e. Nye, tengah suasana ngek munjadi tenang, we bercerak ken pakea was behese Ibrani urum bercerak.