¹ Nye oya, pere rasul nye sudere-sudere seimen si ara i Yudea memenge behwe jema-jema umek Yahudi peh ngek menerime firmen Allah. ² Entap oya, ketike Petrus naik ke Yerusalem, jema-jema si bersunet berselisih pendepet urum we, ³ urum bercerak,"Kam beluh ken jema-jema gere bersunet nye man berurum pakea." ⁴ Nye tetape, Petrus mule menjelasene secere urut ken pakea, cerak'e, ⁵ Aku dang berdoa i kota Yope, nye was keedeen gere sadar, aku menengon sebuah penengonen, unang sara upuh kolak turun, si idenang urum keopat sudute ari langit, nye benda oya mendekat kenku. ⁶ Ngemari aku menatap'e aku memperhatenen nye menengon benatang-benatang berkiding opat i bumi, benatang-benatang juah, benatang-benatang si gere empu kiding, nye manuk-manuk i udara. ⁷ Aku peh memenge ara ling bercerak ken'ku, 'Uwet, Petrus, sembelih nye panleh!' ⁸ Namun aku bercerak,'Gere Tuhen. Sebeb, gere ara si haram ato sinajis penah mayo ku was awah'ku. ' ⁹ Nye tetape, ling oya menjeweb tuk keroa kali'e ari langit,'Hana si ngek Allah tahiren , enti segerpeh kam sebut haram!' ¹⁰ Hel ini terjadi tulu kali, nye mehne'e oya i'tarik mien ke langit. ¹¹ Engonleh, saat oya peh, ara tulu jema si iutus ken'ku engeh ke umah ton aku berede, ari Kaisarea. ¹² Kemudien, Roh bercerak ken'ku tuk beluh berurum pakea urum gere ragu-ragu. Keonom sudere seimen ini peh beluh berurum'ku nye kami mayo ke umah jema oya. ¹³ Lalu, we menyawahen ken kami nyakhi we ngek menengon malekat sesuk i umah'e nye bercerak,'Kenileh jema ke Yope nye tiroleh Simon si i'sebut Petrus engeh kihin, ¹⁴ nye we male menceraken pesan ken'mu si oleh pesan oya kam male iselemeten, kam nye mehne jema si taring i umahmu. ' ¹⁵ Nye aku mulei bercerak-cerak, Roh Kudus turn ke atas pakea, dis unang si pede awale terjadi atas kite. ¹⁶ Nye, aku teringet pede perceraken Tuhen, ketike We bercerak ,'Yohanes membaptis urum aih, tetape kam male i'baptis urum Roh Kudus.' ¹⁷ Jadi, ike Allah menosah karunie si dis ken pakea unang si We osahen peh ken kite ngemari perceye i was Tuhen Isa Kristus, sahenkeh aku sehingge aku depet menghalangi Allah?" ¹⁸ Ketike pakea memenge hel-hel oya, pakea munjadi tenang nye memuji Allah urum bercerak,"Kalo unangoya, Allah peh ngek mengaruniaen ken jema-jema umek Yahudi pertobaten si menuju ken murip." ¹⁹ Kemudien, jema-jema si tercere-bere entap penganiayaen si terjadi terhedep Stefanus, menyebar sawah ke Fenisia, Siprus, nye Antiokhia, urum gere menosahen firmen Tuhen ken sahen peh kecuale ken jema-jema Yahudi. ²⁰ Namun, ara pepien jema ari pakea , yaoya jema-jema Siprus nye Kirene, si engeh ke Antiokhia nye peh bercerak ken jema-jema Helenis, dang menungeren tentang Tuhen Isa. ²¹ Pumu Tuhen menyertai pakea, sejumlah delle jema si munjadi perceye berbalik ken Tuhen. ²² Berite tentang pakea sawah ke kemiring jemaat i Yerusalem, nye pakea mengutus Barnabas ke Antiokhia. ²³ Ketike Barnabas tibe nye menegon kasih karunie Allah, we bersukacita nye menasehati pakea mehne tuk tetap setie ken Tuhen urum ate si teguh. ²⁴ Entap Barnabas araleh jema si baik, kip urum Roh Kudus nye imen, segaib kul jema i'mah ken Tuhen. ²⁵ Kemudien, Barnabas beluh ke Tarsus tuk menerah Saulus. ²⁶ Nye, ngemari we mendemunene, we memah'e ke Antiokhia . Semokot setahun, pakea merdemu urum jemaat nye mengejer delle jema . Nye, i Antiokhia, murid-murid tuk pertama kali'e i'sebut "jema Kristus." ²⁷ Pede lo-lo oya, pepien nabi turun ari Yerusalem engeh ke Antiokhia. ²⁸ Nye sejema ari pakea bergelar Agabus, sesuk nye meramal urum pertolongen Roh behwe male terjadi kelape'en si hebat i mehne dunie. Nye, kelape'en oya terjadi i mese pemerintehen Klaudius . ²⁹ maka, para murit ,emutusen ken mengirimen sumbangen, sesue urum kemampuen pakea masing masing, kepada saudere saudere si taring i Yudea. ³⁰ ye, si pakea bueten, mengirimen sumbangan oya urum para panatua melalui kumu Bernabes ye Sauulus.