¹ Was nuku si aku tulis semelum'e. Teofilus , tentang mehne si Isa mulei lakunen nye ejeren , ² sawah pede lo ketike We i'engket, gemari We menosah perinteh, melalui Roh Kudus, ken rasul-rasul si ngek We pilih. ³ Ken pakea, We juge menuruhen diri-E keniri murip ngemari We menderite, urum delle bukti, tegah meneridahen diri ken pakea semokot opat puluh lo nye bercerak tentang Kerejeen Allah. ⁴ Sementere berurum-urum urum pakea, We memerintahen pakea kati gere menaringgen Yerusalem, tetapi menantinen janyi Apak, si cerak-E, "Kam memengge ari-Ku, ⁵ entap Yohanes membaptis urum aih, tetape kam male i'baptis urum Roh Kudus, gere mokot ari siloni."' ⁶ Entap oya, ketike pakea berkamul berurum, pakea bertanya ken-E,"Tuhen, hanakeh ini lo'e Engko memulihen kerejeen bagi Israel?" ⁷ We bercerak ken pakea,"Umekleh bagienmu tuk membetihi tentang lo nye mese si ngek i'tetapen oleh Apak was kuese-E. ⁸ Tetape, kam male menerime kuese ketike Roh Kudus ngek geh ken'mu nye kam male munjadi saksi-saksi-Ku i Yerusalem, i mehne Yudea nye Samaria, nye sawah ku bagien bumi paling ujung." ⁹ Nye , gemari We menceraken hal-hal ini, sementere pakea memandang, We terengket nye awan memah-E mosop ari panangen pakea. ¹⁰ Lalu, ketike pakea len menatap ku langit, sementere We beluh, enggonleh , ara roa jema rerawan berpakenen putih sesuk i samping pakea, ¹¹ nye bercerak, "Hai jema-jema Galilea hanati kam sesuk nye memanang ku langit? Isa ini, si ngek terengket ari entere kam ku surge male geh mien urum cere si dis unang kam enggon-E beluh ku surge." ¹² Gemari oya, pakea kembali ku Yerusalem ari bukit si isebut Zaitun, si berede i dekat Yerusalem, gaip'e seperjelenen Sabat. ¹³ Ketike pakea mayo, pakea naik ku ruang etes, ton pakea taring. Petrus nye Yohanes, nye Yakobus, nye Andreas, Filifus, nye Tomas, Bartolomeus, nye Matius, Yakobus anak Alfeus, Nye Simon jema Zelot , nye Yudas anak Yakobus. ¹⁴ Pakea mehne urum seate bertekun was doa berurum urum pere benen nye Maria, Amak Isa, nye sudere-sudere-E ¹⁵ Pede lo-lo oya, Petrus sesuk i entere sudere-sudere seimen(jema delle kire-kire seratus roa puluh jumlah'e), nye bercerak, ¹⁶ "Sudere-sudere, Kiteb Suci turah i'genapi, si ngek i'ceraken semelum'e oleh Roh Kudus melalui awah Daud tentang YUdas, si munjadi pemimpin bagi jema-jema si menangkap Isa. ¹⁷ Sebeb, we terhitung i entere kite nye memperoleh bagien was peleyenen ini. ¹⁸ Siloni, jema ini membeli sebidang tanoh urum upah ari kejeheten'e, nye ngemari ulu'e tauh lebih mulo, bagien lah beden'e pecah, nye mehne isi tuke'e terburai. ¹⁹ Nye, hal ini ngek i betihi oleh mehne jema si taring i Yerusalem sehingge tanoh oya was behese pakea i'sebut Hakal-Dama, arti'e 'Tanoh Rayoh'. ²⁰ Sebeb, ngek tertulis was kiteb Mazmur; 'Datenleh ton taring'e munjadi sengap , nye datenleh i one gere ara sejema peh si taring i was'e,' nye, 'Datenleh si laen'e meneten jebeten'e.' ²¹ Oleh entap oya sejema ari pakea si dor berurum urum kite semokot Tuhen Isa mayo nye kederet ari entere kite, ²² mulei ari baptisen Yohanes swah pede lo ketike We i'engket ari entere kite, salah sara ari pakea ini turah munjadi saksi tentang kebangkiten-E berurum kite." ²³ Lalu, pakea mengusulen roa jema, yaoya Yusuf si i'sebut Barsabas , si juge i'sebut Yustus, nye Matias. ²⁴ Kemudien, pakea berdoa,"Engko, Tuhen si menene ate mehne jema. Turuhenleh ken kami sahen i entere keroa jema ini si ngek Engko pilih, ²⁵ tuk menerime bagien peleyenen ini nye jebeten rasul, ari Yudas si ngek menyimpang tuk beluh ku ton'e keniri." ²⁶ Kemudien, pere rasul menekar undi i entere pakea nye undien tauh ken Matias sehingge we terhitung berurum urum kesebelas rasul.