¹ Ini araleh ketulu kali'e aku mengunjungimu. Turah ara keterangen ari roa ato tulu saksi, nye suatu perkere i'cerak'en sah. ² Semelum'e, aku ngek memperingaten pakea si berdosa nye mehen si laen'e. Siloni, walopeh aku gere berurum kam, aku memperingaten pakea unang si aku lakunen was kunjungenku si keroa, yaoya ike aku geh mien, aku gere male menyayangen pakea, ³ entap kam menuntut bukti tentang Kristus, si bercerak i wasku nye si gere lemah terhedep kam, melainen berkuese i was'mu ⁴ Sesungguh'e, Kristus i'salib was kelemahen, tetape We murip oleh kuese Allah. Sebeb, kami peh lemah i was We, tetape kami male murip berurum-urum urum We entap kuese Allah terhedep kam. ⁵ Ujileh dirimu keniri tuk meneggon, hanakeh kam tetap i was imen'mu. Perikseleh dirimu keniri! Ato, hanakeh kam gere menene dirimu keniri behwe Kristus Isa ara i was'mu, kecuale ike kam gagal i was ujien. ⁶ Aku berherep kam male membetih behwe kami umekleh jema si gere tehen uji. ⁷ NAmun, kami berdoa ken Allah kati kam gere melakunen kesalahen, umek kati kami tereggon tehen uji, tetape kati kam melakunen hana si benar, meskipeh keteridahen'e kami ngek gagal ujien. ⁸ Kami gere depet melakunen hal-hal si bertentangen urum kebenaren, melainen renye bage kebenaren. ⁹ Kami senang ketike kami lemah nye kam kuet. Doa kami araleh kati kam munjadi sempurne. ¹⁰ Oyaleh sebeb'e, aku menulis hal-hal ini ketike aku gaib ari'mu kati ketike aku geh, aku gere perlu menggunanen urum olok, kuese si Tuhen osahen ken'ku tuk meng'uweten'mu nye umek tuk meruntuhen'mu. ¹¹ Akhir'e, Sudere-sudere, bersukecite. Beruseheleh munjadi sempurne, hiburleh sara urum si laen, seate, sepikiren, nye murip was dame. Nye, Allah sumber kasih nye dame sejahtera male menyertai kam. ¹² Osahenleh salam sara urum si laen urum cemohen kudus. ¹³ Mehne jema-jema kudus mengirimen selem tuk'mu. (13-14)Anugerah Tuhen Isa Kristus , nye kasih Allah nye persekutuen ari Roh Kudus menyertai kam mehne.