¹ Aku turah berbangga walopeh oya gere menguntungen. Aku male menerusen penenggonen-penenggonen nye penyataen-penyataen ari Tuhen. ² Aku membetihi sejema was Kristus, si opat belas tahun lalu ngek i'mah ke surge tingket tulu, entah i was tubuh'e, aku gere betih; ato i deret tubuh, aku juge gere betih, Allah si betih. ³ Nye, aku betih yakhe jema ini, entah i was ato i deret tubuh'e, aku gere betih , Tuhenleh si betih. ⁴ we i'engket ke Firdaus nye memenge cerak-cerak si gere terucepen, si gere nguk i'ceraken oleh manusie . ⁵ Tuk jema ini aku male berbangga, tetape tuk diriku keniri, aku gere male berbangga kecuale etes kelemahen-kelemahenku. ⁶ Tetape, ike aku male berbangga, aku gere male munjadi pekak entap aku male menceraken kesungguhen . Namun, aku menehen'e kati gere ara jema si memandangku lebih ari hana si pakea egon ato si pakea penge tentang aku. ⁷ Tuk menjege eger aku gere terlalu berbangga etes penyataen-pernyataen si luer biese oya, nye sebueh rui i'osahen was dengke'ku, yaoya utusen Iblis tuk menyusahen aku kati aku gere meng'etesen diri. ⁸ Mengenei hal ini, aku memohon ken Tuhen sedelle tulu kali eger hal oya menaringen aku. ⁹ Namun, We bercerak ken'ku, "Anugerah-Ku cukup bagimu entap kuese-Ku i'sempurne'en was kelemahen."Sebeb oya, aku lebih senang berbangga etes kelemahenku kati kuese Kristus sip i wasku. ¹⁰ Oyaleh sebe'e, aku merese senang was kelemahen, was sikse'en, was kesukaren, was penganiayaen, nye was kesuliten urum Kristus. Entap ketike aku lemah, meke aku kuet. ¹¹ Aku ngek munjadi pekak entap kam memaksaku tuk oya, pedehel aku seharus'e i'puji olehmu. Sebeb, aku gere kurang hana-hana i'bandingen pere rasul si luer biese oya, meskipeh aku gere ara hana-hana'e. ¹² Tene-tene si membuktinen sejema rasul ngek i'perenggonen i entere kam was segele ketabahen, was tene-tene, mukjizet-mukjizet, nye keejeiben-keejeiben. ¹³ Sebeb, was hel hanakeh kam i'renahen ari jemeet-jemeet laen, kecuale behwe aku gere munjadi beban bagimu? Meefenleh kegereadilenku ini! ¹⁴ siloni, aku siep mengehi kam tuk si ketulu kali'e nye aku gere male munjadi beban bagimu entap aku gere menerah hana si kam empu, melainen kam. Sebeb kekanak gere wajib mengkamulen harta tuk jema tue'e, tetape jema tue tuk kekanak'e. ¹⁵ Nye, aku male urum senang mengorbanen empu'ku nye diri'ku tuk kam. Ike aku lebih mengasihi kam, hanakeh kam male kurang mengasihi aku? ¹⁶ Namun, meskipeh aku ume beban bagimu, kam menceraken aku licik nye menjerat kam urum tipu muslihet. ¹⁷ Hanakeh aku meneten keuntungen arimu melalui jema-jema si ku'utus ken'mu? ¹⁸ Aku mendesak Titus tuk beluh nye mengutus sudere kami tuk beluh berurum'e. Hanakeh Titus meneten keutungen arimu? Hanakeh kami gere beremalan was roh si dis nye beremalan was tapak-tapak si dis? ¹⁹ Lalu, hanakeh kam ngek mokot memikiren behwe kami membela diri kami terhedep kam? Kami bercerak i hedepen Allah was Kristus, tetape hel-hel ini, hai si terkasih, araleh tuk membangun kam. ²⁰ Sebeb, aku terih, kalo-kalo ketike aku geh, aku male mendemui'mu gere unang si aku herepen, nye kam gere male mendemuiku unang si kam herepen. Enti-enti ara perselisihen , iri ate, amarah, kepentingen diri keniri , fitnah , desas-desus, kesomongen , nye kekacauen . ²¹ Aku khawatir ketike aku ngeh mien , Allahku male merenahen aku i arap'mu nye aku male berduke etes delle jema si pudahna ngek berdosa semelum'e nye tetap gere bertobat ari kenajisen, percabulen, nye hawa nafsu si ngek pakea buh.