¹ Jadi, entap Isa telah menderite secara jasmani, hendakleh kam mempersenjatai dirimu urum pikiren si dis, sebeb jema si telah mengalami penderiteen jesmani, telah setop berbuet dosa ² sehingge was menjeleni sise murip i dunie ini, we gere naeh menunung keinginen manusie, melainen kehendak Allah. ³ Sebeb cukupleh waktu pede masa lalumu tuk melakunen kebieseen jema-jema si gere menene Allah; murip was hawa nafsu, kemabuk'en, pesta pora, minum-minum, nye penyembahen berhala si engkip kekejien. ⁴ Siloni, pakea senget heran ketike mendepeti behwe kam gere naeh nunung was kebejatan liar si pakea lakunen. Oleh entap oya, pakea memfitnah kam. ⁵ Akan tetape, pakea akan menosah pertanggungjeweben ken We si akan menghakimi jema si murip nye si mate. ⁶ Tuk alasan inileh, Injil i'beritanen ken jema-jema si siloni ngek mate sehingge mekipeh pakea ngek i'hakimi i was dunie ini sesue urum standar manusie, tetape pakea murip secara roh menurut ukuren Allah. ⁷ Akhir ari segele sesuatu ngek dekat. Entap oya, wespedeleh nye berjege-jegeleh kati depet berdosa. ⁸ I atas mehne'e oya, terusleh saling mengasihi urum sunguh-sunguh sebeb kasih menutupi delle beh dosa. ⁹ Tunjuk'enleh keramahen sara urum laen'e tanpa mengeluh. ¹⁰ Entap setiep jema telah menerime karunia, pergunenleh oya tuk meleyeni sara urum laen'e sebage peleyen si baik atas berbage karunie ari Allah: ¹¹ sahen si bercerak, baik'e we bercerak sebage jema si menyampainen firman Allah; nye sahen si meleyeni, baik'e we meleyeni urum kekueten si Allah osahen sehingge was segele hal, Allah i'mulianen melalui Isa. Bagi We'leh kemuliaen nye kuese sawah semokot-mokot'e. Amin. ¹² Sudere-sudere si kukasihi, entileh gintes urum rara pencubeen si enggeh tuk menguji kam, seolah-olah sesuatu si aneh terjadi atas kam. ¹³ Namun, bersukacite'leh entap kam nunung neten bagien was penderiteen Isa sehingge kam juge depet bersukacite nye bergembire pede seet kemulie'en-E i'nyatanen. ¹⁴ Berbahagieleh ike kam i'hina entap gelar Isa, sebeb Roh kemulieen nye Roh Allah sip i was kam. ¹⁵ Akan tetape, enti ara i antara kam si menderite sebage penunuh, penusuh, pelaku kejeheten, ato sebage jema si denem mencampuri urusen jema laen. ¹⁶ Akan tetape, sahen peh si menderite sebage jema kristen , entileh we kemel, sebalik'e hendakleh we memuji Allah entap menanggung sebuten oya. ¹⁷ Ngek seet'e penghakimen i'mulai ari keluerge Allah. Nye, ike penghakimen Allah i'mulai ari kite, nyakhikeh nasib jema-jema si gere teet ken Injil Allah? ¹⁸ Ike jema saleh peh sulit tuk i'selamaten. nyakhe urum jema jehet nye jema berdosa? ¹⁹ Entap oya, datenleh pakea si menderite entap kehendak Allah, memperceyenen jiwe'e ken Sang Pencipta si setie, sambil terus melakunen hana si baik.