Umat pidian Allah ¹ Kuki mawara sa wuah huang Kristus,kuki bakoi namposo,nihi lengan atei kuki umma bersaksi hayak nihi Roh Kudus, ² bahwa duka cita kuki hante tuu nihi batang balajur mahanang ta huang atei kuki. ³ Gene,kuki ba aheng mat tenga kuki terkutuk,tapisah tekei Kristus mat gi pulaksanai-pulaksanai kuki,utus sa bangsa kuki secara jasmani ⁴ aye hio ulun-ulun Israel;sa ampun hak mat na enat jari anak-anak Allah,narime kemuliaan,perjanjian-perjanjian,narime panga mian Hukum Taurat,ibadah nihi janji-janji. ⁵ here lah katurunan ammah-ammah leluhur,balalu tekei antara here lah Kristus na lahir manurut daging,Aye sa aye hio Tuhan entu isa kaluhan nihi sa na puji kalalah e.Amin! ⁶ Tapi,Firman Allah bakoi gagal.Gene,bakoi kaluhan ulun sa baasal Israel aye hio ulun Israel, ⁷ balalu bakoi kaluhan katurunan Abraham aye hio anak-anak e,tapi "sa na antuh katurunan nu aye hio sa baasal tekei Ishak." ⁸ Hal iti baarti bahwa bakoi anak-anak secara daging sa ta reken jari anak-anak Allah,tapi anak-anak perjanjian bo sa ta reken jari keturunan. ⁹ Gene,iti lah eau wusi janji hio."ta waktu iti lah kuki sagar hawi,balalu Sara sagar naan erang kukun anak laki." ¹⁰ Bakoi ekat iti bo,tapi katika Ribka lei sawuntung anak-anak tekei erang kulun,aye hio Ishak,nenek moyang takam. ¹¹ Gene,sa mete anak-anak hio na lahir nihi mete ngulah inon lei sa maeh atawa sa jahat,mat aheng Allah hal pidian E na teguh kan bakoi gene gawian tapi gene Aye sa nerau, ¹² na eau lah gi Ribka,"anak sa panga tueh sagar jari walah andi e." ¹³ Gene naan tatulis," Kuki sayang Yakub,tapi marikang Esau." ¹⁴ Jari,inon sa kakan na eau takam?inonkah Allah bakoi adil?sa hindra-hindra bakoi! ¹⁵ Gene Aye ngeau gi Musa,"Kuki kaahi gi hie Kuki kakan kaahi,balalu kuki bermurah atei gi hie Kuki bamurah atei." ¹⁶ Jari,hal hio bakoi bagantung gi aheng atawa gawian mehet murunsia,tapi gi Allah sa nutui kemurahan E. ¹⁷ Gene,Kitab suci ngeau gi Firaun:"gene pakai alasan iti lah Kuki ngenat kayo mat Kuki nutui kuasa Kuki ta huang kayo,balalu mat ngaran Kuki na wara gi kaluhan bumi." ¹⁸ Jari,Allah ba kaahi gi hie bo sa na aheng E,balalu nampa mape atei hie bo sa na aheng E. ¹⁹ Jari,kayo sagar ngeau gi kuki: "wuah inon Aye magun nampahala?gene hie kah sa kiuh manantang aheng E? ²⁰ sa waleng e,hie kah kayo,ui murunsia,hampe kayo nawan nihi Allah?sagar kah isa lei sa na ulah ngeau nihi sa na ulah,"wuah inon kayo ngulah kuki sameh iti?" ²¹ inon kah tukang tembikar bakoi ba hak entu tane liat; mat ngulah tekei gumpalan tane sa sameh isa bejana sa na pakai mat gi hal sa mulia,balalu bejana lain sa na pakai mat gi hal sa hina? ²² Kalawe mun Allah,biar pun ngaheng mat nutui muruka E nihi nyantarang kuasa E,haot nanggung kasabaran sa hante nadap bejana-bejana kamurukaan E sa haot na persiap lei mat gi kebinasaan? ²³ Aye ngulah mat nyantarang katatau kemuliaan E entu bejana-bejana ka ahi E,sa haot na persiapkan E mat gi kemuliaan, ²⁴ aye hio takam,sa na terau E,bakoi ekat tekei helang ulun Yahudi,tapi lei tekei helang bangsa-bangsa lain. ²⁵ sameh lei sa na Firman kan E huang kitab Hosea:"here sa bakoi umat Kuki,sagar na antuh Kuki umat Kuki.balalu sa bakoi na kaahi Kuki,sagar naantuh Kuki `sa na kaahi`."Hosea 2 : 23 ²⁶ Balalu,"tangar uneng Allah ngeau ta wayah sadi: `kayo bakoi umat Kuki,`ta uneng hio here sagar na naantuh`anak-anak Allah sa welum."Hosea 1 : 10 ²⁷ Balalu Yesaya manangisi Israel:"biar pun jumlah anak Israel sameh pasir ta laut,tapi ekat sisa -sisa here bo sa sagar na selamatkan, ²⁸ Gene Tuhan sagar ngagawi Firman E ta entu bumi,sempurna nihi palus."Yesaya 10 : 22-23 ²⁹ sameh nihi sa na nabuatkan ulah Yesaya: "amun Tuhan semesta alam bakoi nanan nihi takam katurunan,takam haot jari sameh nihi Sodom balalu sameh Gomora."Yesaya 1 : 9 ³⁰ Jari,inon sa sagar na eau takam? aye hio bangsa-bangsa bakoi Yahudi sa bakoi umma sa wuah,haot kahaba sa wuah,aye hio sa wuah baasal tekei iman; ³¹ Tapi,bangsa Israel sa bausaha nuu sa wuah Hukum Taurat justru bakoi hampe gi hukum hio? ³² Wuah inon? gene here bakoi nutah nihi iman,tapi nihi gawian.here ta santuk ta watu santukan. ³³ sameh naantatulis:"inni bo,Kuki ngandak ta Sion isa watu santukan nihi isa watu karang,nihi hie bo sa harap gi Aye bakoi naan sagar na tampa manga."Yesaya 8 : 14;28 : 16