Welum ulah Roh Allah ¹ ulah gene hio,wayah ina bakoi naan lagi penghukuman gi ulun sa naan tangar huang Yesus Kristus. ² Gene, hukum Roh pamelum ta huang Yesus Kristus haot memerdekakan kayo tekei hukum dosa nihi maut. ³ Gene,inon sa bakoi kiuh na gawi ulah Hukum Taurat gene na tampaleme ulah daging,haot na gawi Allah nihi cara mengutus Anak E kakareb mat jari sameh nihi murunsia sa badosa balalu bakaitan nihi dosa,aye nukum dosa tangar huang daging, ⁴ mat tuntutan Hukum Taurat na genapi huang takam sa bakoi welum umma daging,tapi umma Roh. ⁵ gene here sa welum umma daging,mamikir lei hal-hal sa basifat daging,tapi here sa welum umma Roh,mamikir hal-hal sa basifat Roh. ⁶ Gene pikiran sa naarahkan gi daging aye hio maut,tetapi pikiran sa na arahkan gi Roh aye hio welum nihi damai sejahtera. ⁷ gene pikiran sa na arahkan gi daging nawan Alla;gene aye bakoi nuu gi Hukum Allah,bahkan bakoi kiuh ngulah e. ⁸ Balalu,here sa welum huang daging bakoi kiuh nampasanang Allah. ⁹ Amun sameh hio,kayo bakoi welum huang daging,tapi huang Roh amun Roh Allah memang muneng tangar huang kayo.gene,amun erang kulun bakoi naan Roh Kristus,aye bakoi lei ampun E. ¹⁰ Tapi,amun Kristus naan tangar huang kayo,biar lei tenga nu matei gene dosa,tapi roh welum ulah sa wuah. ¹¹ Tapi,amun Roh Aye sa nam buan Yesus tekei matei muneng tangar huang kayo,Aye sa nambuan Yesus Kristus tekei matei lei sagar ngami welum gi tenganu sa fana nangkah Roh E sa muneng ta huang kayo. ¹² Jari,pulaksanai-pulaksanai ku,takam aye hio ulun-ulun sa bauntung,tapi bakoi gi daging,mat welum umma daging, ¹³ gene,amun kayo welum umma daging,kayo sagar matei,tapi amun ulah Roh kayo nampatei gawian-gawian tenganu,kayo sagar welum. ¹⁴ Gene,kaluhan ulun sa napimpin ulah Roh Allah aye hio anak-anak Allah. ¹⁵ Gene,kayo bakoi narime roh perbudakan lagi sa ngulah kanakut,tapi kayo haot narime Roh sa haot ngenat kayo jari anak-anak Allah,sa nangkah Roh hio takam kamiak,"Abba,Bapa!" ¹⁶ Roh hio kakareb bersaksi hayak roh takam bahwa takam aye hio anak-anak Allah, ¹⁷ Balalu amun takam aye hio anak,takam lei aye hio pewaris,pewaris Allah,nihi sasameh pewaris nihi Kristus;amun takam wawitu umma rara hayak Aye,takam lei sagar na muliakan hayak nihi Aye. "anak-anak Allah sagar narime Kemuliaan ¹⁸ Gene,kuki nangguh bahwa karara-karara tangar saat wayah iti bakoi kiuh na banding nihi kemuliaan sa sagar na nyatakan gi takam. ¹⁹ gene,kaluhan ciptaan ngandrei-ngandrei tuu nihi kasongo tuu waktu anak-anak Allah na santarang. ²⁰ Gene,kaluhan ciptaan haot na tundukan gi ka sia-sia an,bakoi manurut aheng e kakareb,tapi manurut aheng Aye sa haot menaklukan e,entu dasar ka harapan, ²¹ Mat kaluhan ciptaan hio kakareb lei sagar na merdekakan tekei perbudakan kebinasaan nadap kemerdekaan anak-anak Allah sa penu kemuliaan. ²² gene hio takam karasa bahwa kaluhan cipitaan sasameh kamiak nihi rara mahanang nganak hampe andrau iti. ²³ Balalu bakoi ekat hio,tapi takam kakareb lei sa narime wua panga tueh Roh lei kamiak huamg tenga takam kakareb,nelang ngandrei na enat sebagai anak,aye hio panewuhan tenga takam. ²⁴ Gene,takam na salamatkan ta huang kaharapan.Tapi,kaharapan sa ta inni bakoi lagi kaharapan,gene hie lah sa baharap ta entu isa hal sa haot na inni e? ²⁵ Tapi,amun takam ngaharap kan isa hal sa bakoi takam kakinni e,takam ngandrei e nihi wawitu. ²⁶ Kala hio lei,Roh ngawat takam huang kamalemean takam;gene takam bakoi karasa kalawe sa harus e takam berdoa,tapi Roh kakareb sa ba syafaat gi takam nihi erangan-erangan sa bakoi na antuh ulah wusi paner. ²⁷ Balalu,Aye sa nyalidik atei karasa inon aheng Roh hio,gene Aye basyafaat gi ulun-ulun kudus susuk nihi aheng Allah. ²⁸ Balalu,takam karasa bahwa kaluhan hal bagawi sasameh gi kamaehan ulun-ulun sa kaahi Allah,aye hio here sa na herau sameh nihi rencana Allah. ²⁹ Gene,here sa haot na kataru E nekei asal,haot lei na tentukan e tekei asal mat gi jari sameh nihi gambar Anak E,mat aye jari sa panga tueh tekei antara ajoh pulaksanai. ³⁰ here sa haot na tentukan E tekei asal,na terau E lei;balalu here sa na terau E lei,hio lei sa na sa muah E;palus here sa na samuah E;hio lei sa na muliakan E. "kaahi Allah huang Kristus Yesus ³¹ Jari,inon sa sagar naantuh takam gene kaluhan iti? amun Allah tangar pihak takam,hie lah sa nawan takam? ³² Aye sa bakoi nyayang Anak E kakareb,tapi nyarah E gi takam kaluhan,kalawe tau aye sasameh nihi Aye bakoi mengaruniakan kaluhan hal gi takam? ³³ Hie lah sa sagar nawa ulun-ulun pidian Allah? Allah sagar nyamuah here. ³⁴ Hie lah sa sagar ngami hukuman? Yesus Kristus sa haot matei,bahkan sa haot na tambuan tekei matei,maharung tangar tuhi kawan Allah mat bersyafaat gi takam. ³⁵ Hie lah sa sagar nampisah takam tekei kaahi Kristus? inonkah penindasan,atawa ka hadin an,atawa penganiyayaan,ataw kaluan,atawa mapoloi,atawa bahaya,atawa pedang? ³⁶ sameh naan tatulis,"Demi Kayo,kami huang bahaya maut sepanjang waktu;kami naanggap sameh domba-domba sa sagar na samalis."Mazmur 44:22 ³⁷ Tapi,huang kaluhan iti,takam labih tekei here sa manang ulah Aye sa kaahi gi takam. ³⁸ Gene,kuki na yakin kan bahwa bakoi matei maupun welum,bakoi lei malaikat-malaikat atau lei pemerintah-pemerintah,bakoi lei hal-hal wayah iti ataupun hal-hal sagar hawi,kekuasaan, ³⁹ bakoi lei sa naan ta entu ataupun sa ta leba,atau leiisa ciptaan lain e,kiuh nampisah takam tekei kaahi Allah,sa naan huang Yesus Kristus,Tuhan takam.