Salam nihi pesen tekei Paulus ¹ Kuki manyarah lei gi kayo Febe,pulaksanai takam sa aye pelayan jemaat ta Kengkrea. ² Tarime bo aye ta huang Tuhan sa sameh ulun-ulun Kudus,balalu awat bo aye huang kaluhan hal sa na perlukan e tekei kayo gene aye kakareb haot ngami bantuan gi ajoh ulun nihi lei gi kuki. ³ Tahampe bo tabe kuki gi Priskila nihi Akwila,hengau-hengau isa pelayanan kuki huang Kristus Yesus, ⁴ sa haot nyandra welum e gi here mat gi welum ku.entu here,bakoi ekat kuki bo sa ngantuh syukur tapi lei kaluhan Jemaat sa bakoi Yahudi. ⁵ Ta hampe lei tabe kuki gi Jemaat tangar lewu here.Ta hampe lei tabe Epenetus sa na kaahi kuki,aye hio ulun sa ka isa ta Asia sa narime Kristus. ⁶ Tabe gi Maria sa haot bagawi bahimat mat gi kayo. ⁷ Tabe gi Andronikus nihi Yunias,pulaksanai-pulaksanai si bangsa ku hindra gus sasameh tahanan sa sameh kanapatuh tangar helang here Rasul,sa sameh lei sa haot naan tangar huang Kristus sa mete kuki. ⁸ Tabe gi Ampliatus,sa naka ahi kuki ta huang Tuhan. ⁹ Tabe gi Urbanus,hengau sepelayanan takam ta huang Kristus,nihi gi Stakhis sa na kaahi ku. ¹⁰ Tabe gi Apeles,sa tabukti haot tahan uji huang Kristus.Tahampe lei tabe kuki gi here anggota keluarga Aristobulus. ¹¹ Ta hampe lei tabe kuki gi here Herodion,pulaksanai isa bangsa ku.Tabe gi here anggota keluarga Narkisus,sa naan huang Tuhan. ¹² Ta hampe lei tabe kuki gi Trifena nihi trifosa,sa uyuh tuu ta huang Tuhan.Balalu gi here Persis sa na kaahi ku,sa haot lei bagawi bahimat ta huang Tuhan. ¹³ Tabe lei gi Rufus,ulun pidian ta huang Tuhan,balalu lei gi ine e sa jari ine lei gi kuki. ¹⁴ Tabe lei gi Asinkritus,Flegon,Hermes,Patrobas,Hermas nihi pulaksanai-pulaksanai sa hayak nihi here. ¹⁵ Tabe gi Filologus nihi Yulia,Nereus nihi pulaksanai e,nihi gi Olimpas,nihi kaluhan ulun Kudus sa hayak nihi here. ¹⁶ Ami bo tabe isa nihi sa lain nihi siuk Kudus.kaluhan Jemaat Kristus nampe lei tabe here gi kaon. ¹⁷ Wayah iti kuki nyuun kayo,pulaksanai-pulaksanai,awasi bo here sa ngulah perpecahan nihi peyantawanagan,nihi sa batentangan nihi ajaran sa haot na tarime kayo; balawit bo tekei here. ¹⁸ Gene,ulun-ulun sameh hio bakoi melayani Tuhan takam Yesus Kristus,tapi melayani kaaheng here kakareb;balalu nihi paner sa halus namput wusi paner nyanawat,here manipu atei ulun-ulun sa bakoi curiga. ¹⁹ Gene,ketaatannnu haot na karasa kaluhan ulun,gene hio kuki sanang gene kayo.Tapi,kuki kakan mat kayo bijaksana nadap inon sa maeh nihi barasih tekei hal sa jahat. ²⁰ Allah asal damai sejahtera sagar hinang namparamuk iblis ta kapit pee nu."Anugrah Yesus,Tuhan takam,nampahayak kayo. ²¹ Timotius,hengau kuki,isa pelayanan nihi kuki,nampe tabe gi kayo,nihi lei tekei Lukius,Yason,nihi Sosipater,pulaksanai-pulaksanai isa bangsa ku. ²² Kuki Tertius,sa manulis surat iti,nampe lei tabe kuki gi kayo huang Tuhan. ²³ Gayus,sa ngami tumpangan gi kuki nihi gi kaluhan Jemaat,nampe lei tabe gi kayo.Erastus,bendahara kota,nihi Kwartus pulaksanai takam,nampe tabe lei gi kayo. ²⁴ (Anugrah Yesus Kristus,Tuhan takam,nampayahak kaon kaluhan!Amin.) ²⁵ Gi Aye sa sanggup meneguhkan kayo sesuai Injil sa na tunda kuki nihi pawaraan ku hal Yesus Kristus,balalu sa sesuai nihi penyingkapan rahasia sa haot na siok lei sa lawah ba abat-abat, ²⁶ Tapi sa wayah ina haot na santarang nangkah Kitab-kitab here Nabi,sesuai nihi huyuan Allah sa kekal sa haot nawara lei gi kaluhan Bangsa mat memimpin nadap ketaatan Iman, ²⁷ Gi isa-isa e Allah sa penu hikmat nangkah Kristus Yesus; kemuliaan hampe sa lawah-lawah e ! Amin.[[ ayt.co/Rom]]