Awat bo pulaksanai nu mat jari magin gagah huang Iman ¹ Jari,takam sa gagah harus nanggung kamalemean ulun sa bakoi gagah,nihi bakoi nampasanang tenga kakareb. ² aheng lei tiap ulun nekei helang takam nampa sanang sasameh e demi kemaehan e,mat pakai nambuan rohani e. ³ Gene,Kristus bakoi nampasanang tenga E kakareb,tapi sameh naan tatulis,"wusi paner hinaan here,sa menghina Nu,haot nukun Kuki," ⁴ Gene,inon bo sa natulis sadi haot natulis lei pakai ngajar takam mat nangkah ketekunan nihi penghiburan sa na amin Kitab Suci,takam kiuh naan kaharab lei. ⁵ Mudahan Allah,asal kasabaran nihi penghiburan ngami anugrah mat kiuh welum huang kesetiaan isa nihi sa lain sesuai nihi Yesus Kristus, ⁶ hampe nihi isa atei palus isa lengan kayo memuliakan Allah Bapa Tuhan takam Yesus Kristus. ⁷ Gene hio,tarime bo isa nihi sa lain,sameh nihi Kristus lei narime takam demi kemuliaan Allah. ⁸ Kuki mawara gi kayo aye hio Kristus haot jari walah gi ulun-ulun sa basunat demi ka wuahan Allah,aye hio pakai meneguhkan janji sa naami gi itak uyut takam, ⁹ Balalu gi bangsa-bangsa bakoi Yahudi mat here memuliakan Allah entu belas kaahi E.Sameh naan tatulis,"Gene hio,kuki sagar nyanawat Nu tangar helang bangsa-bangsa bakoi Yahudi; balalu kuki sagar menyanyikan Mazmur gi aran Nu,"Mazmur 18 : 50 ¹⁰ Balalu lagi eau e,"ba kasanang lah ui bangsa-bangsa,hayak nihi umat Allah!" Ulangan 32 : 43 ¹¹ Balalu lagi,"Twat lah Tuhan ui kaluhan Bangsa! ealah bo kaluhan umat nyanawat Tuhan." Mazmur 117 : 1 ¹² Balalu,Yesaya ngeau lagi," sagar hawi tekei keturunan Isai,balalu Aye sagar buan pakai memerintah bangsa-bangsa,balalu tangar huang Aye,bangsa-bangsa sagar baharap."Yesaya 11 : 10 ¹³ Kira e Allah asal kaharap nampenu nu nihi kaluhan kasanang balalu damai sejahtera huang Iman nu hampe kayo sagar balabihan ta huang kaharapan ulah kuasa Roh Kudus."Pelayanan Paulus gi ulun-ulun bakoi Yahudi ¹⁴ Pulaksanai-pulaksanai ku,kuki kakareb na yakin lei gene kayo,aye hio kayo penu nihi kakaeh,balabih nihi kaluhan pangataru,balalu sanggup manesehati isa nihi sa lain, ¹⁵ Tapi,kuki haot manulis nihi ehei tuu gi kayo mengenai papire hal mat nampa kingat nu waleng, gene Anugrah sa haot na ami Allah gi kuki, ¹⁶ kuki jari pelayan Yesus Kristus gi bangsa-bangsa bakoi Yahudi jari Imam mat gi Injil Allah,hampe bangsa-bangsa bakoi Yahudi kiuh jari persembahan sa berkenan,sa na kuduskan ulah Roh Kudus. ¹⁷ Hio lah ngulah e,huang Yesus Kristus,kuki kiuh ba bangga mengenai hal sa na ulah demi Allah. ¹⁸ Gene,kuki bakoi sagar ehei bapander gene sesuatu sa lain,kecuali sa haot na ulah Kristus nangkah kuki,mat ngulah bangsa-bangsa Yahudi nuu nihi pander palus ulah gawi, ¹⁹ nangkah kuasa tanda-tanda ajaib nihi mujizat-mujizat,nangkah kuasa Roh hampe tekei kota Yerusalem nihi sa kaliling e hampe gi Ilirikum, kuki haot nampe sa penu e injil Kristus. ²⁰ Kalahio lah kuki batekad ma mangabar Injil ta uneng Kristus mete na kataru mat kuki ada nambuan ta entu dasar sa haot na andak ulun lain. ²¹ sameh naan tatulis," here sa mete piji narime kabar tentang Aye sagar ngini,balalu here sa bakoi piji karengei sagar paham." Yesaya 52 : 15 Rencana Paulus hawi gi kota Roma ²² iti lah gene e kuki gaha ta halang mat ganta kayo. ²³ Tapi wayah ina,gene bakoi naan lagi uneng ta daerah iti,balalu gene kuki haot bataun-taun lawah e kakan ganta kayo, ²⁴ Balalu katika kuki tulak gi Spanyol,kuki baharap kiuh tunduk palus panalu nihi kayo mat kayo kiuh ngawat kuki gi aro,udi ta labih dahulu kuki basanang atei nihi kayo tawelek. ²⁵ Tapi wayah iti,kuki tulak gi kota Yerusalem mat melayani ulun-ulun Kudus, ²⁶ Gene Makedonia nihi Akhaya nihi sanang atei ngami sumbangan gi ulun susah ta helang ulun-lun Kudus ta Yerusalem. ²⁷ here sanang tuu ngagawi e,gene hio memang kewajiban here.Gene amun bangsa-bangsa bakoi Yahudi haot narime bagiang huang hal-hal rohani ampun ulun Yahudi,maka here lei harus melayani ulun Yahudi huang keperluan jasmani here. ²⁸ Gene hio,katika kuki haot nyanyari tugas iti balalu mamateraikan hasil iti gi here,kuki sagar tulak gi Spanyol nangkah kota nu. ²⁹ Kuki karasa bahwa katika kuki ganta kayo,kuki sagar hawi huang kapenuan berkat Kristus. ³⁰ Wayah iti,kuki lako nihi kayo,pulaksanai-pulaksanai,demi Tuhan takam Yesus Kristus balalu demi kasih Roh,mat bergumul sasameh nihi kuki huang doa gi Allah mat gi kuki, ³¹ Mat kuki na sanapas tekei ulun-ulun sa bakoi taat tangar Yudea,balalu mat pelayanan kuki demi Yerusalem berkenan gi ulun-ulun Kudus. ³² Balalu,mat ulah ka aheng Allah kuki kiuh hawi gi kayo nihi kasanang,nihi kiuh kesegaran ta penah kayo. ³³ Kira e damai sejahtra Allah ngahayak kaon kaluhan. Amin.