¹ Dari Paulus, nang njadi rasul ukat kaena kaleno tau lewat kaleno, melainkan lewat Kristus Yesus wan Allah Bapa nang mbangkitkan Ia dari ntara orak mati. ² ugak, dari samua sabanyadi seiman nang basama-sama ngan aku, ntuk jemaat-jemaat ka Galatia. ³ Anugrah wan damai sejahtera bagi kau dari Allah Bapa diri wan Tuhan Yesus Kristus, ⁴ nang udah merekan diri-Ya bagi dosa-dosa diri ntuk nyelamatkan diri dari zaman nang jaek ntu suai ngan mao ya Allah wan Bapa diri. ⁵ Bagi Ialah kemuliaan ntuk salama-lamaya. Amin. ⁶ Aku heran, ngapeh capan ya kau napukkan Ia na, nang nyaru kau lewat anugrah Kristus, wan babalek ka injil nang lain. ⁷ Padahal, angin ada injil nang lain, Tapi, ada berapeh orak nang udah ngacau kau wan nak mutarbalek injil Kristus. ⁸ Bahkan, lau orak kitu tau seorak malekat dari surga mberitakan ka kau injil nang batantangan ngan apeh nang udah orak kitu mberitakan ka kau, tekutuklah! ⁹ bage nanh udah orak kitu madah sabalom ya wan ntu aku madah agik, lau ada orak nang mberitakan ka kau injil nang batantangan ngan apeh nang udah kau tarima, biarlah ia tekutuk. ¹⁰ Apehkah ntu aku gik ngago pesetujuan Allah? Ato, apehkah aku masih ncoba nyanang kaleno? sakira ya aku masih nyoba nyanagkan kaleno, aku ukatlah hamba Kristus. ¹¹ Sabanyadi-sabanyadi, aku mao kau nao kalo Injil nang udah kumberitakan ukatlah Injil pegawe kaleno. ¹² Aku angin narima ya dari kaleno, tau aku balajar ya dari kaleno, tapi aku narimaya lewat penyata dari kristus Yesus. ¹³ Sabab, kau udah nangar tantang cara idupku nang lama dari agama Yahudi, aku nganiaya jemaat Allah ngan kajam wan barusaha ntuk ngancurkan ya. ¹⁴ Aku mao maju dalap hal agama Yahudi, jauh labih maju li'banding ngan orak-orak sebaya li ntara bangsaku. aku mao rajit dalap njaga adat istiadat ntua bare. ¹⁵ Tapi, pas Allah nang udah misahkan aku sajak dalap parut indo ku wan udah nyaruku lewat anugerah-Ya, bakanan ¹⁶ madahkan Anak-Ya dalap aku biar aku bisa mberitakan Ia ka ntara orak-orak Yahudi, aku angin capan minta nasihat ka seorak pun. ¹⁷ Aku ugak angin nak ampus ka kota Yerusalem ntuk batamu ngan mpuya nang udah njadi rasol sabalom aku, melainkan aku capan ampus ka wilayah Arab wan atak agik ka kota Damaskus. ¹⁸ Satalah tiga taut, aku ampun ka kota Yerusalem ntuk bakanal ngan Kefas wan diap basama ya salama lima balas ari. ¹⁹ Tapi, aku angin nele seko pun dari rasol-rasol lain, cuali Yakobus, sabanyadi Tuhan. ²⁰ Aku meyakin kan kau ka dapan Allah kalo apeh nang aku nulis ka kau ntu ukat dusta. ²¹ Udah na, aku ampus ka wilayah Siria wan Kilikia. ²² Aku gik angin kanal secara pribadi oleh jemaat-jemaat dalap Kristus nang ada ka wilayah Yudea. ²³ Mpuya udah sering nangar, "Ia, nang ndulu nganiaya diri, ntu mberita iman nang ndulu ia parnah nyoba ngancurkan ya." ²⁴ Mpuya muliakan Allah kaena aku.