¹ Dari Paulus, nang njadi rasul Yesus Kristus leh kehendak Allah, wan dari Timotius kamanyawa diri nang seiman. ² Ka orak-orak kudus wan kobo page seiman nang setia dalap Kristus ka Kolose. Anugrah bagi ka'u wan damai sejahtera dari Allah Bapa diri. ³ Wa'tu badoa ntuk ka'u, wa'kitu slalu ngucap syukur ka Allah, Bapa dari Tuhan diri Kristus Yesus, ⁴ kaena wa'kitu nangar tentang iman ka'u dalap Yesus Kristus wan kasih nang ada ka ka'u ntuk samua orak kudus. ⁵ Iman wan Kasih na muncul kaena pengharapan nang li nyedia bagi ka'u ka surga. ⁶ Injil ntu udah sampe ka ka'u bahakan ka saluruh dunia wan Injil ntu melulu ngasel buah wan bekembang, sama mage nang tajadi ka ntara ka'u, pas dari ari ka'u nagar'ya wan ngerati anugrah Allah dalap kebanaran. ⁷ Ka'u udah belajar hal ntu dari Epafras, page sepelayanan wakitu nang tekasih, nang udah njadi pelayan Kristus nang setia ntuk ka'u. ⁸ Ialah nang udah mere tau ka wakitu tentang kasih ka'u dalap Roh. ⁹ Kaena na, pas dari ari wakitu nangar'ya, wakitu ngin ngkala beranti bedoa ntuk ka'u wan minta biar Tuhan manuhi ka'u ngan pengetahuan akan kemaoan Ia dalap sagala hikmat wan pengertian rohani. ¹⁰ Ngan demikian, ka'u bisa idup ngan cara nang layak ka adap Tuhan, nyenangkan ia dalap sagala hal, ngaselkan buah dalap satiap pegawe nang baik, wan betumbuh dalap pengetahuan akan Allah. ¹¹ Samoga ka'u li nguatkan ngan sagala kekuatan sasuai ngan kemuliaan kuasa Ia supaya ka'u namu sagala ketekunan wan kesabarab ngan sukacita. ¹² Besyukurlah ka Bapa nang udah muat ka'u memenuhi syarat ntuk nerima bagian dari warisan orak-orak kudus dalap tarak. ¹³ Ia udah ngelapas diri dari kuasa nang patak wan mindahkan diri ka kerajaan Anak Ia nang tekasih. ¹⁴ Dalap Ia, diri dah ada penebusan, ya'na pengampunan atas dosa-dosa diri. ¹⁵ Ia adalah gambaran dari Allah nang ngin ketele, nang tungal dari samua ciptaan. ¹⁶ Sabab, leh Ia, sagala sesuatu nang ada ka surgaa wan ka bumi li nyipta, nang ketele wan nang ngin ketele, baik takhta, kekuasaan, pemerintah, maopun panguasa. Sagala sesuatu udah li nyipta ngelalui Ia wan ntuk Ia. ¹⁷ Ia udah ada sebelum sagala sesuatu, wan segala sesuatu li nopang besama-sama dalap Ia. ¹⁸ Ia adalah ulu dari tubuh, ya'na jemaat. Ia uga adalah nang awal, nang tungal dari ntara orak mati supaya Ia njadi nang utama dari sagala sesuatu. ¹⁹ Sabab, Allah bekenan supaya semua kepenuhan Ia diap dalap Ia. ²⁰ Ngelalui Ia, sagala sesuatu li ndamai ngan diri Ia, baik nang ada ka bumi maopun ka surga, ya'na pedamaian ngelalui darah ia nang tecurah ka atas kayu salib. ²¹ Ka'u ndulu terasing, musuhi Allah dalap pikiran ka'u, wan muat pebuatan-pebuatan nang ja'at, ²² kini ntu ka'u udah li ndamai ngan tubuh jasmani Kristus ngelalui kematian Ia ntuk mpesembahkan ka'u njadi pesembahan nang kudus, ngin cacat, wan ngin becela ka adapan Allah. ²³ Jadi, tetaplah ka'u diap dalap iman, kuat, wan teguh ngin li ngoyahkan dari pengarapan Injil nanng ka'u nangar, nang udah li mbritakan ka seluruh ciptaan ka koroh maramang, nang leh ia aku, Paulus njadi pembantu. ²⁴ Kini ntu, aku besukacita dalap penderitaanku ntuk ka'u kaena ka dalap dagingku aku ngelengkapi apeh nang kurang dalap penderitaan Kristus, demi tubuh Ia, ya'na jemaat. ²⁵ Aku njadi pembantu jemaat sesuai ngan tugas penatalayanan dari Allah nang li nyarah ka aku ntuk ka'u biar aku bisa mbritakan firman Allah ngan sepanuhya. ²⁶ Ntulah rahasia nang tesemunyi dari zaman ka zaman wan penerus ka penerus, tapi nang kini ntu udah li nyatakan ka orak-orak kudus Ia. ²⁷ Allah mao madah ka mpuya mbada kaya rahasia nang mulia ntu ka ntara bangsa-bangsa lain, kalo Kristus ada ka dalap ka'u, ya'na pengarapan dari kemuliaan. ²⁸ Wakitu mbritakan tentang ia ngan nagor wan ngajr setiap orak ngan sagala hikmat sehingga wakitu bisa maba setiap orak njadi dewasa dalap Kristus. ²⁹ Ntuk na'lah, aku uga besusah payah, bejuang sesuai ngan kuasa Ia nang begawe ngan kuat ka dalap aku.