¹ Dari Paulus, rasul Yesus Kristus nang li milih oleh kehendak Allah sasuai ngan janji keidupan nang ada dalap Yesus Kristus. ² Ntuk Timotius, anak nang li ngasih. Anugrah, belas kasih, wan damai sejahtera dari Allah, Bapa, wan Yesus Kristus, Tuhan diri. ³ Aku senantiasa besyukur ka Allah, nang ku ngelayan ngan ati nurani nang bersih mage nang li muat leh ntua bare ku, wa'tu aku ngingan ka'u dalap doa-doa ku siak wan malam. ⁴ Wa'tu aku ngingat ae mata ka'u, aku mao nele ka'u supaya panuh sukacita ku. ⁵ Aku li ngingat ngan iman ka'u nang tulus, nang petama-tama idup dalap enek ka'u Lois, wan indo ka'u Eunike, wan aku yakin kini ntu idup dalap ka'u uga. ⁶ Ntuk alasan ntulah, aku ngingatkan ka'u supaya melulu ngobarkan karunia Allah nang ada ka diri ka'u ngelalui penumpangan langanku . ⁷ Sabab, Allah ngin mere ka diri roh nang muat diri gali, tapi roh nang kuat, kasih, wan penguasaan diri. ⁸ Jadi, usah malu basaksi tentang Tuhan diri ato tentang aku, tahanan Ia.. ⁹ Ia lah nang udah nyelamatkan diri wan manggel diri ngan panggelan kudus, ukat kaena apeh nang diri muat, tapi kaena tujuan wan anugrah Ia sorak nang udah Ia mere ka diri dalap Yesus Kristus sebelum dunia ada. ¹⁰ Kini ntu, hal ntu udah njadi nyata ngelalui atak'ya Juru Slamat diri Yesus Kristus nang udah ngapus kematian wan maba keidupan wan kekakalan ngelalui Injil. ¹¹ Oleh Injil ntulah, aku li nojok njadi pengkhotbah, rasul, wan guru. ¹² Ntulah sabab'ya, aku menderita mage ntu nyan. Tapi, aku ngin malu kaena aku nao ka sapeh aku pecaya wan aku yakin kalo Ia mampu njaga apeh nang udah Ia pecayakan ka aku sampe ari na atak. ¹³ Pigaklah pokok-pokok jaran sehat nang udah ka'u nangar dari ku dalap iman wan kasih nang ada dalap Yesus Kristus. ¹⁴ Ngan Roh Kudus nang udah li ncayakan ka ka'u. ¹⁵ Ka'u tau dari nang nyata kalo samua nang ada ka Asia ¹⁶ kira'ya Tuhan ngaruniakan belas kasih ka seisi rumah Onesiforus kaena ia selalu nyegarkan aku wan ngin malu kaena aku nang udah li njara. ¹⁷ Sebalek'ya, wa'tu sampe ka Roma, ia ngan semangat ngago aku wan batamu ngan aku. ¹⁸ Kira'ya Tuhan nuntun supaya ia namu belas kasih dari Tuhan ari na., mage mane ka'u sorak nao berapeh manyak pelayanan nang udah ia mere ka aku ka Efesus.