¹ Unang hamu manguhumi ansa ulang di uhumi hamu. ² Harana uhum na di baen hamu manguhumi, hamu di uhum, dohot ukuran na di bahen hamu mangukur, ikkon di ukurhon tu hamu. ³ Asi bisa hamu mangaligin saotik ayu di bagasan ni mata Ni seudaromu, sadangkon ayu na godang di bagasan matamu inda di boto ho. ⁴ Songon dia ma hamu na giot mandokkon tu sudaro mui padiar ma au mambuat ayu na saotik i sian matamu, alai adong ayu na godang di matamu. ⁵ O halak na munafik, kaluarkon ma jolo ayu na Sian matamu, anso bisa mangaligi tangkas giot mangaluarkon. Ayu na selotik i sian mata ni sudaromu”. ⁶ Unang hamu mangalehen barang na badia tu anjing, dohot unag hamu manembakkon Mutiara munu tu babi, anso ulang di dege-dege ia dohot pat nia jana marbalik mangaribak hamu. ⁷ Pangido ma, jadi di lehen ma tu ho, jalaki ma; jadi ho mandapot tok toki ma; jana pintu angkon di bukaon di ho. ⁸ Arana satiop alak na mangido manarimo, dohot satiop Halak ma manjalaki mandapot, dohot satiop halak na manoktok tu sia pintu di bukahon. ⁹ Adong do di antara ni hamu na mangalehen batu tu daganakna, muda ia mangido roti. ¹⁰ Sanga mangalehe Ulok muda ia mangido ikan? ¹¹ Muda hamu halak na jahat, bisa mangalehen na denggan tu daganak na, apalagi Amang na di Surgo ia mangalehen na denggan tu halak na mangido tu Ia. ¹² sude na giot munu sanga aha giot ni roha munu baenon ni halak tu hamu ima isi ni hukum Taurat dohot buku ni nabi. ¹³ Sian pintu na sompit i ma hamu masuk, arana bolak do pintu tu habinasoan, bolak muse dalan na, bahatdo halak na masuk sian i. ¹⁴ Harana sompit do pintu tu hangoluan, jana sompit do dalan sian i saotik do halak na mangalewati i. ¹⁵ Marjago ma hamu tu nabi na ro tu hamu, manyamar songon biri-biri, sabotulna halahi sorigala na jahat. ¹⁶ Sian buah na do hamu bisa mangida, bisa do halak mamutik buah anggur sian duhut na pot-pot marduri, jana buah Ara sian duhut na marduri. ¹⁷ Jadi satiop ayu na denggan manghasilkon buah na denggan jana ayu naso denggan manghasilkon buah na so denggan. ¹⁸ Inda mungkin ayu na denggan manghasilkon buah na so denggan, songon i muse ma ayu na so denggan. inda mungkin manghasilkon buah na denggan. ¹⁹ Jadi satiop ayu na so manghasilkon buah na denggan, angkon di taba jana di masukkon tu bagasan ni api ²⁰ Jadi sian buah na do hamu mananda halahi. ²¹ Inda satiop halak na mamio: Tuhan -Tuhan bisa masuk tu harajaan ni debata, alai hum halak na mangkarejoon hagiot ni Amanta na di surgo do na bisa masuk tu harajaan ni Debata. ²² Di ari kiamat, bahat do halak na marsurak; “Tuhan Tuhan” inda he hami mambaen parnidaan dohot goarmu, mangayak setan dohot goarmu, mambahen hahomangan dohot goarmu muse? ²³ Disi ma Au martorus torang tu halahi mandokkon; “Au inda jungada mananda hamu” kehe ma hamu sian Au hamu na mambaen hajahatan. ²⁴ Satiop halak na mambege hatangkon jana mangkarejoon na, sarupo na ia songon halak na bisuk, na mambangun bagas na di ginjang ni batu. ²⁵ Turun ma udan jana ro ma banjir, ro ma angin maondong bagas i, alai bagas i inda marompak arana di bangun di ginjang ni batu. ²⁶ Alal satiop halak na mambege jana inda mangkarejohon na, sarupa ma i songon halak na oto na mambangun bagas na di ginjang ni pasir, ²⁷ turun ma udan, jadi ro ma banjir, roma angin manondong bagas i torus marompak. ²⁸ Dung salose Yesus mangecek, heran ma halahi na mambege pangajaran Nia i, ²⁹ Arana ia mangajar songon na markuaso. Inda songon si boto surat ni halahi.