¹ Ingotma, ulang ho mambaen kawajiban agamamu di jolonihalak anso di ligi halak i, harana pala songoni, hamu inda mandapot upah nasian Bapa na di surgo. ² Jadi molo ho mangalehen si dokah, ulangma ho mancanangkon nasongoni, songon nadibaen halak na munafik di bagas-bagas ibadat dohot di lorong-lorong, anso di puji halak i ia. Hudokon ma tuho: nasabotulna halak i madung mandapot upah na. ³ Tai molo ho mangalehen si dokah ulangma diboto tangan kirima aha namadung dilehen tangan kananmu. ⁴ Giotna si dokahmui dilehen dohot naso diboto, jana Bapamu ma namangaligi naso mamboto nagiot mambalosna tuho. ⁵ Pala giot mandoah homu, ulangma mandoah songon halak na munafik, halak i giot mangucapkon doah na dohot sip so di bagasan bagas-bagas paribatan dohot di pambelok-belokan dalan raya anso di ligi halak i ia. Hudokon matuho, sesungguhnya halak i madung mandapot upahna. ⁶ Tai molo ho mandoah, masukma ho tu bilikma, tutup ma pintumu lalu, mandoah tu Bapamu na adong di inganan naso tarida. Anso Bapamu namangaligi naso tarida giot mambalosna tuho. ⁷ Songoni muse di bagasan doahmu ulang maho martele-tele songon hasomalon ni halak songon naso mamboto Allah. Di ambang halak i bahaso harani bahatna hata-hata doah na giot di kabulkon. ⁸ Jadi ulang mahamu songon halak i, harana di boto Bapamu sanga aha na binoto munu songon halak i, taranso di pangido hamu tu sia. ⁹ Mandoahma hamu songonon: Bapa nami nadi surgo Di kuduskon ma goar Mu, ¹⁰ roma harajaan-Mu, songon hagiot-Mu di bumi dohot di surgo ¹¹ Lehenma di hami sadarion panganon nami nasacukupna ¹² Dohot ampuni mahami songon kasalahan nami, songoni muse mangampuni halak namarsala tu hami: ¹³ dohot ulang ma oban hami tu bagasan pencobaan, tai paluama hami sian najahat. (harana ho do nam puna kerajaan dohot kuaso dohot kamuliaan sampe salolot-lolot na. Amin) ¹⁴ Harana molo ho mangampuni kasalaan ni halak, Bapamu nadi surgo giot mangampuni ho muse. ¹⁵ Tai molo ho inda mangampuni halak, Bapamu muse inda mangampuni kasalahanmu,” ¹⁶ Molo ho puaso, ulangma maram bohimu songon halak namunafik. Marabado bohi nihalak i, anso di ligi halak do bahaso halaki napuaso. Hudokon ma tu ho nasabotulna halak i madung dapot upahdo. ¹⁷ Tai molo ho puaso, minyak i ma ulamu dohot basuma bohimu, ¹⁸ Anso ulang diligi halak bahaso ho napuaso, hum nasian. Bapamu do nadi inganan nasodida. Bapamudo namangaligi naso tarida nagiot mambalosna tu ho. ¹⁹ Ulangma ho paluhutkon harto di bumi; di bumi ngengat, dohot karat namanyegahonna dohot panangko mangarompak dohot manangkona. ²⁰ Tai paluhutma diho harto na di surgo; di surgo ngengat dohot karat inda manyegahon dohot panangko inda mangarompak songoni panangkona. ²¹ Harana di diado hartomu adong, disi juo do rohamu adong. ²² Mata ima pelita tubuh, molo matamu jeges, molo matamu jahat, gelap ma sude pamatangmu ²³ Jadi molo torang na adong diho golap, songoni gelapna hagolapan ni. ²⁴ Inda adong sada halak pe na bisa mengabdi tu dua tuan. Harana molo madung songoni ia margoyak niroha nasada dohot maribo niroha tu na asing, sanga pe ia angkon satia tuna sada dohot naso pajegeskon. Ho indo bisa mangabdi tu Allah dohot tu Mamon. ²⁵ Harani i hudokon ma tu hamu: ulangma mabiar taringot di ngolumu, aha nagiot panganon mu sangape inumon ma, dohot ulang mabiar muse di pamatang mu sanga aha nagiot pakeon mu inda he ngoluan na lobi porlu pado panganon dohot pamatangi na lobi porlu sian pakean? ²⁶ Ligima amporik nabahat na di langit, naso manyabar dohot naso manyabi inda paluhutkon bokal di bagasan lumbang, tai di lehendo mangan nasian Bapamu na di surgo, inda he ho dao mangalobi i amporik nabahat i? ²⁷ Ise do di antara munu harani habiaran na bisa manambah sehasta sajo di bagasan hangoluanna? ²⁸ Aso do mabiar tu parabiton? Parroahon ma bunga bakung nadi ladang, mangolu do tai inda karejo dohot inda memintal ²⁹ Hudokon tuho: salomo sude di bagasan keme gahan na pe inda marpakean sajegesna salah sada sian bunga i. ³⁰ Jadi pala songoni Allah mandan doni duhut di ladang; di sadarion adong dohot aneogot di ambungkon tu bagasan ni api, indahe ia giot mangalobi muse mandan dani homu hei halak na hurang porsaya? ³¹ Harani ima ulang hamu mabiar dokonma: Aha do nagiot panganon nami? Aha do nagiot pakeon nami? ³² Sudenai di jalaki bangso-bangso naso manandai Allah. Tai diboto Bapamu nadi surgo do, bahaso porludo diho i sudena. ³³ Jalak ima parjolo harajaon ni Allah dohot habonaran na, jadi sudenai hutambahon diho. ³⁴ Harani ima ulang mabiar hamu baen tu ineogot, harana ineogot adong do hasusaan niba, hasusaan sadarion cukup di sadarion.”