¹ Dung lopus ari sabat, audos torang ni ari minggu kehe ma si Maria Magdalena dohot si Maria na asing mangaligi kuburan i. ² Jadi roma lalo na gogo, dungi mijur ma sada suru-suruan ni Tuhan sian banua ginjang, manggulang batu lalu juguk di ginjang batu i. ³ Tompana songon hilap, dohot pakeana bontar songon hapas. ⁴ Arani i panjago-panjago humitir arani biarna langan songon bangke. ⁵ Harana di dokon suru-suruani ma tu dadaboru dada borui “ulang ma hamu mabiar harana hubotodo hamu manjalahi Yesus nadi parsilangkoni. ⁶ Ia inda dison, madung ngot ia, songon madung di dokon ia, ketamaligi inganan parpayahan nia i. ⁷ Dungi torus ma kehe dohot mandokon tu murid-murid nia, harana ia madung madung ngot sian antara ni halak na mate. Ia parjolo tu Galilea, disadun hamu nangkan mangaligi ia, sabotulna au madung mandokon tu ho. ⁸ Halahi torus kehe sian kubur i, dohot mabiar dohot marjobniroha; nagodang marlojong maripas-ipas baen mandokon na tu murid-murid ni Yesus. ⁹ Jadi ompat ma Yesus marsuo dohot halahi lalu mandokon: “Horas ma di hamu” dipadonok halahima ia lalu mangkaol pat nia, dohot marsomba. ¹⁰ Dungi di dokon Yesus ma tu halaki, ulang mabiar, kehena lalu dokon ma tu saudaro-saudarongku anso kehe halahi tu Galilea dohot disima halahi nangkan mangaligi au. ¹¹ Dompak halahi di tongan dalan roma piga-piga halak sian panjago i tu Kota dohot mambaritaon sude natarjadi i tu imam-imam kepala. ¹² Dung sidung marpobat dohot angka malim, halaki mambuat haputusan lalu mangalehen bahat hepeng tu sardadu-sardadu i. ¹³ Dungi didok ia ma, hamu angkon mandokon harana murid-murid nia ro borngin-borngin lalu manangkona dompak hamu modom. ¹⁴ Jadi muda tarbege hal ou tu wali negeri hamima nangkan mandokon tusia, lalu hamu inda mandapot hamaolon ahape, ¹⁵ Halaki manarimo hepeng dohot songon nadiposankon tu halaki, anso barita ou tarbonggal tu halak Yahudi sampe sanari. ¹⁶ Lalu kehe ma nasobolas murid i barangkat tu Galilea, tu dolok madung dipaboa ni Yesus tu halahi, ¹⁷ Dompak di ligi halaki ia manyomba na harana piga-piga halak na ganggu dope rohana ¹⁸ Dipadonok Yesus ma tu halaki dungi didokon ia ma: madung di lehen tuan sude kuaso nadi surgo dohot nadi tanoon. ¹⁹ Harani i kehema, jadi honma sude bangso muridKu, dungi di Baptis ma halahi di bagasan goan ni ama, goar ni anak dohot goar ni tondi porbadia. ²⁰ Dungi ajari hamu ma halaki mangkarejohon sanga aha na dung huparentaon Tuhanmu. Dungi botoon munuma, au ma tontang rap dohot hamu lopus tu ari parpudi.