¹ Dompak i tarbege ma barita ni Yesus ² tusi Herodes raja di kutai lalu ia mandokon tu pengawas-pengawas nia; onma si Yohanes Pembaptis mandung mulak mangolu sian na mate, na markarejo do kuaso-kuaso nasongoni bagasan ia. ³ Harana madung disuru si Herodes manangkup si Yohanes, mangarantena dohot mangkurung na harani si Herodias, dadaboru Filipus sudaronia. ⁴ Harana si Yohanes jungada manggorana ning ia ma, inda tola buatton mu si Herodias. ⁵ Herodes giot mambunu si Yohanes tai mabiar do si Herodes, baen bahat halak mambota si Yohanes songon nabi. ⁶ Dompak marulang tahun si Herodes, mana si ma anak dadaboru nisi Herodias di tonga-tonga ni halak naroi, job sajo ma roha nisi Herodes mangaligi na manari i. ⁷ Marjanji ma si Herodes tu dadaboru i sanga aha dipangido ia, dilehen ma tusia ⁸ Dung di paingot inang nia dadaboru i, mandok: lehen ma di au tuson ulu nisi Yohanes pembaptis di ginjang ni talam. ⁹ Dungi marsak ma rohani saja i, harani sumpania dohot harani tamu-tamu nia diparentahon ia muse anso dilehen sa. ¹⁰ Dungi disuruhon ia mamonggol ulu ni si Yohanes di hurungan ¹¹ Ulu nisi Yohanes i pe di oban halaki di sada talam, lalu di lehen di dadaboru i dungi dilehen dadaboru ima tu inang nia. ¹² Dungi ro ma murid-murid nisi Yohanes pembaptis mambuat bangkena, dohot manguburkonna. Dungi kehena halaki mambari tahonna tu Yesus. ¹³ Dung dibege Yesus barita i kehe ma ia sian i mangasingkon diri tu parau tu inganan na lungun harana halak na bahat mambege dohot mangihutkon ia bahat do mambuat dalan darat sian kota-kota ni halaki. ¹⁴ Hatiha Yesus mandarat ia mangaligi halak na lobi bahat dungi margorakma roha nia, jadi iboma roha nia tu halahi dohot di pamalum ia ma halak na marnyae. ¹⁵ Giot borngin ma ari murid-murid nia ro tu sia lalu mandok: inganan ou lungun, ari madung giot borngin, suru ma halak nabahati kehe anso halaki bisa manabusi panganon tu huta i. ¹⁶ Dungi Yesus mandok tu halaki, inda porlu halaki kehe, hamu ingkon mangalehen halaki mangan. ¹⁷ Dialusi halahima na adong di hami dison, humin lima roti dohot dua ihan. ¹⁸ Yesus mandok: “oban ma tu au”, ¹⁹ Dungi di suru ia halak na bahat i juguk di duhut duhut i, dung di buat ia lima roti dohot dua ihan na dua i, Yesus mangaligi tu langit, lalu mandok tarimokasi, lalu mambagi roti i dohot mangalehen na tu murid-murid nia mambagi-bagina tu halak na bahat. ²⁰ Dungi halaki sude mangan sampe butong. Dung i di kumpulkon halahi ma golap-golap ni roti na, lobi dua bolas bakul ²¹ Nadohot mangan hira-hira lima ribu halak ima halak lahi, inda masuk dadaboru dohot dakdanak. ²² Dungi diparentaon Yesus ma murid-murid nia i manaek tu parau, anso parjolo tu si borang, santongkin i ia manyuru halak na bahat mulak. ²³ Dung di suru ia halak nabahat i mulak, Yesus manaek tu ginjang dolok baen martangiang sasada ia, dung borngin ari i, sasada ia do disi. ²⁴ Parau ni murid-murid nia madung dao piga-piga mil sian pantai, di ombang-ambingkon ombak harani angin sakal. ²⁵ Hira-hira jam tolu borngin roma Yesus mardalan diginjang aek. ²⁶ Dompak murid-murid nia mangaligi ia mardalan di ginjang aek, tarsongot halaki lalu marsurak: “indu hantu”, lalu marsurak-surak harani biarna. ²⁷ Dungi torus Yesus mandok tu halahi tenangma, au doon, ulang mabiar. ²⁸ Halu Petrus marsurak dohot mangalusi ia, Tuhan anggo ho doi, suruma au rotu ho mardalan di ginjang aek. ²⁹ Didok Yesus: romaho! Lalu Petrus turun sian parau i lalu mardalan di ginjang aek mandapotkon Yesus. ³⁰ Harana dompak dirasoia pangombus ni angin mabiarma ia, mulai bonom lalu marsurak ma ia, Tuhan tolong au! ³¹ Jadi torus ma Yesus mangalehen tangan nia, dungi ditiop ia dohot mandokon: “nahurang porsaya doho, biasi ganggu rohamu. ³² Jana manaek mahalaki tu parau i, angin pe sona. ³³ Jana sude halak na adong di parau i, manyomba ia, didokon ia ma: sabotulna ho anak Allah. ³⁴ Dung lalu disi borang halaki, mandarat di Genezaret ³⁵ Dompak Yesus ditanda halak nadisi, halaki paboaon tu sude luat, dungi sude halak na marnyae di oban tu sia. ³⁶ Halahi mangido anso dipatola manjama jubah nia. Dohot sude halak na manjama juba nia jodi malam ma nyae nia.