¹ Saudaro-saudarongku! Songon halak na porcaya tu Tuhan Yesus Kristus, Tuhanta na marhamuliaon, ulang ma homu mambedahon sada halak mon rupo. ² Arana anggo adong sada halak na kayo na mamake tintin sere dohot baju na jeges na ro tu parsuoanmu, dungi ro muse ma sada halak na malarat na mamake baju na jat, ³ Jadi homu lobi pantun do tu na mamake baju na jeges i di dongkon homu ma tu sia;, “pajuguk homu ma amang tu karosi na jeges on.” tai anggo tu halak na malarat i di dokon homu;”jongjong ma disi” sanga :”juguk ma homu di pantar i''. ⁴ Arana adibaen homu songoni, himu mambaen parbedaan di tonga-tonga munu dohot mangukur halak sian pikiran na jat. ⁵ Ingot ma, saudaro-saudaro na huhaholongi! Halak na malarat di dunia on, dipili Allah do manjadi halak na kayo di bagasan iman. Halhi angkon manjadi anggota ni umat Allah songon na di janjihon Tuhan Allah tu halak namanghaholongi ia. ⁶ Tai homu mur manghino halak na malarat, padohal halak na kayo do mandege homu dohot manyarat homu pangadilan! ⁷ Hahahi do na manghino goar na tarhormat na ni jagit homu sian Allah. ⁸ Homu do namambaen na botul, anggo dilaksanahon homu uhum harajaan na adong di bagasan Alkitab on, “haholongi ma donganmu songon ho manghaholongi pamatangmu sandiri.” ⁹ Tai anggo homumambeda-bedaon halak sian rupo, homu mambaendosa, jana uhum ni Allah mandok bahaso homu na malanggar uhum. ¹⁰ Halak na malanggar sada sian uhum-uhum Allah, jadi malanggar sasudena. ¹¹ Arana na mandokon; 'ulang ho mangalangkup,” i muse do na mandokon, “ulang mambunu.” jana, anggo inda homu mangalangkup, tai mambunu, jadi homu pe halak na mangalanggar uhum muse do. ¹² Manghobari ma dohot maroarange songon halak nagiot diadili uhum ni Allah na mambebaskon halak. ¹³ Aarana Allah indakan patuduhon ibo ni RohaNa tu halak naso mananda holong ni roha. Tai ibo ni roha hum gogo do sian uhuman! ¹⁴ Saudaro-saudaro! Aha ma gunana halak mandokon,”Au halak no porcaya,” anggo ia inda patuduhonna dohot parbuatan? Dapot do iman songoni paluahon ia? ¹⁵ Umapammana sada halak saudaro sanga saudari mamorluhon baju sanga inda cukup panganon nia sasadari. ¹⁶ Ahama gunana homu mandokon tu sia:”selamat, mamake baju na milas dohot salamat mangankon!” - Anggo inda di lehen homu tu sia aha na diporluhon nia anso mangolu? ¹⁷ Songoni ma muse dohot iman, anggo inda di baen dohot parbuatan, jadi iaman i inda adong be gunana. ¹⁸ Mungkin adong do na mandokon, “Adong halak na mangunsande tu imanna dohot adong muse namangunsande tu parbuatanna.” au giot mangalusi,” patudu ma tu au songon dia halan nadung mariman naso adong pambahenan jana au pe giot patuduhon dohot pambaenan bahaso au mariman.” ¹⁹ Homu porcaya bahaso Allah holan sada, idokan? Kan tondi-tondi na tangkang pe porcaya jana halahi pe gumotar mabiar! ²⁰ Na oto ma homu! Porlu do dibuktion tu homu bahaso inda adong gunana mariman inda adong pambahenan? ²¹ Ligi ma si Abraham ompungta, ditarimo Allah do ia arani parbuatanna, ima dompak ia manghaulkon si Ishak, anakna tu Allah di ginjang ni mesbah. ²² Di son tangkas do bahaso iman angkon dipatuduhon dohot pambahenan anso botul-botul singkop. ²³ On sasuai do dohot ayat ni Alkitab on,”Abraham porcaya tu Allah, jana harani iman nia do Allah manarimona songon halak na mambaen hagiot ni Allah.” ima anso didokon si Abraham “dongan solkot ni Allah”. ²⁴ Torang doma sannari, bahaso halak denggan di tarimo Allah arana aha pambahenan ni halahi, jana inda arani imanna sajo. ²⁵ Ligi muse ma si Rahab, adaboru panggampangi. Denggan do di tarimo Allah ia arani parbuatanna, ima dompak ia manarimo pangintip bangso Israel di bagas Nia dohot manolong halahi manghalojongkon dirina sian dalan na lain. ²⁶ Nah, songon pamatang naso martondi ima pamatang na mate, songoni muse ma iman naso adong parbuatan ima iman na mate.