¹ Saudara-saudaro Umat ni Allah sudena hupararatkon tu dunia tabe mon au, Yakobus hatoban ni Allah dohot hatoban ni Jesus Kristus. ² Saudaro-saudaro anggo dirasio homu mocom-mocom ni cobaan, giotna angkon merasa maruntung ma homu. ³ Harana diboto homu, anggo totop do ho porcaya tu Tuhan, hatiha mangarasoi cobaan , akibatna ima; homu manjadi tabah. ⁴ ago ma anso tabah roha munu tirus kombang, sampe homu botul-botul singkop dohot na si marhahurangan dibagasan porkaro. ⁵ Anggo adong diantara homu na hurang malo dipangido ia ma tu Allah, nagkan di lehen ni Allah mai hamaloan tusia. Harani tu satiop halak, Allah mangalehen do toruk ni roha dohot parasaan na maribo ni roha. ⁶ Tai anggo halak na mangido “angkon porcaya, inda tola ia mandua roha harana halak na mandua roha ima songon ombak na di laut nadi ombus ni angin tu jae tu julu. ⁷ halak na songoni, naso totop do pikiranna. Inda bisa ia mambaen keputusan sangan na aha mon sude nadi baen nia. ⁸ Harani i, ulang pola haropkon bagi aha na mon Tuhan. ⁹ Halak kristen na markancit angkon marjop ni roha anggo Allah Paincatna. ¹⁰ Dohot halak Kristen na kayo angkon marjop nir roha juo anggo Allah parondo na harana halak na kayo .nangkan mago ma i songon bungan duhut. ¹¹ Di hatiha mata niari bincar, dohot milas namanyongit, nangkan manjadi malos ma duhuti toeus gugur bunga nai dohot magomusema hajegeson na, songoni muse dohot halak na kayo, naangkan hancur do ia dompak mandalankon usaho na. ¹² Marjop ni roha ma halak na tabah dompak ia mangalami cobaan. Harana molo dung marhasil ia martahan ibagasan cobaan i. Nangkan ditarimo ia ma upania, ima hangoluan nadung di janjihon ni Allah tu sude halak namanghaholongi ia. ¹³ Anggo adong halak na targoda tu cobaan nasongoni, ulang maia mandokon: “Godaan i na ro mon Tuhan. Harana Allah inda targoda tu na jahat, dohot ind amanggoda sanga na ise pe. ¹⁴ Tai halak na targoda anggo ia ditarik dohot digoda ima hagiot sandiri na jat. ¹⁵ Satorusna, anggo hagiot ni na jahat i di oloi, nangkan roma dosa. ¹⁶ Ulang ma homu tartipu, saudaro saudarongku na huhaholongi! ¹⁷ Sude silehen-lehen na denggan dohot hadiahna singkop rona mon surgo surgo, Nadipaijur naso maruba, inda juo namambaen na golap. ¹⁸ Dohot hagiotna sandiri ia manjadihon hita dakdanakna. Mangalalui sabda na botul. Ia mambaen anso hita mandapot inganan na denggan mon sude mahluk ciptaan Nia. ¹⁹ Parate-atehon ma on denggan-denggan, saudaro-saudaro nahuhaholongi! Setiap halak angkon cepat mambege tai lambat tu na giot mangecet dohot lambat na giot mangamuk. ²⁰ Halak na mangamuk indakan dapot mambaen na denggan, namanghasonangkon roha roha ni Allah. ²¹ Harani i, ambungkon ma sude habiasaon na kotor dohot na jat. Jolo homu ma dohot rondo ni roha hata nadung di tanom di Allah tubagasan rohamu. Harana adong do gogo ni hata i baen paluahon homu. ²² Harani i, Ambungkon ma sude Giotna karejohon homu ma aha nadung di dok ni Allah, ulang hum na manangi sajo, aso ulang dipaoto-oto homu dirimu sandiri. ²³ Halak na mambege hata ni Tuhan, tai inda mangkarejohon na ima songon halak namangaligi muko na sabotlna di jolo ni kaco. ²⁴ Anggo di paratehon dohot denggan, ia pe nangkan kehe langsung mangalupahon songon dia rupa Nia. ²⁵ Uhum ni Allah singkop dohot adong do na gogona nagiot paluahon halak.dohot halak namanyalidiki dohot mamparate-atehon na denggan-denggan. Torus mankarejohon uhum-uhumi, dohot ulang hum na mambege sajo. Lalu mangalupahon na. Halahi nangkan di borkati Allah dibagasan sude purkaro na di baen nia. ²⁶ Anggo adong sada halak na marasa dirinia marugamo, tai inda jago ia dila nia, berarti di paoto-oto ia ibania sandiri. Ibadatna inda adong gunana. ²⁷ Hapatuhon namarugamo na ias dohot totop, manurut pangaligion ni Allah Amanta ima: manolong dakdanak yatim piatu dohot jando-jando namarkancit, dohot manjago ibana sandiri anso ulang di segohon dunia on.