¹ Dohot selamat hami madung lalu di pantai, baru ma hami mamboto, bahaso daratan i ima pulau Malta. ² Panduduk ni puloi ramah do tu hami. Halahi pangarahon api godang dungi mangajak hanai sude tusi, harana madung mulai udau dungi udarai ngali. ³ Dompak si Paulus paluhut ranting-ranting dungi dibaen ia tu ginjang niapi, kaluar nia sada ulok beludak harani milas na api i, lalu mandoit tangan nia. ⁴ Diligi halai madung ganteng uloki, ditangan ni si Paulus, halahi mandok nasada tu masada: “Halukon madung pasti sada halak panibunu, harana bope madung ia malua sian laut, inda dipadiar Dewi keadilan ia mangolu.” ⁵ Paulus mangalibaskon uloki tu bagasan api, ia inda jabat hancitau. ⁶ Di ambang halai ma bahaso ia nangkan bongkak sangape mate santongkin i juo madung lolot dipainte-inte, halai tapi inda adong diligi halai natarjadi disia, dungi halai marpandapot bahaso ia ima sada dewa. ⁷ Inda sadia duo siasi inganan i adong tano milik ni Gubernur puloi. Gubernur i margoar Publius Ia manyambut dohot mamamu hami dohot ramah, ma salolot tolu ari. ⁸ Dompak i ayah Publius dompak gulung marnyae, marum dohot di sentri. Paulus masuk tu kamar nia; ia mandoa dohot manumpangkon tangan di ginjang nia dungi pamalumna. ⁹ Dung namasai, ro muse ma angka halak namarnyae sian pulau naasing halahi pe dipamalum juo do. ¹⁰ Di hormati halahi do hami, dompak hami bertolak, halai pasiapkon mahami porluhon. ¹¹ Tolu bulan dungi hami marangkat manaek sada kapal sian Aleksandria ma sa lolot musim dingin marlabuh di pulai i. Kapal i mamake lambang dioskuri. ¹² Hami singgah di sirakusa dungi tinggal disi tolu ari lolotna. ¹³ Sian i hami manyusur pantai, dungi lalu ma tu Regium. Sadari dungi mangombus ma angin selatan, dungi diari paduahon sampe ma hami di Putioli. ¹⁴ Disi hami marsuo dohot angka anggota jema’at, dungi harani undangan ni halai, hami tinggal pitu ari nai Rap dohot halahi dungi hami marangkat tu Roma. ¹⁵ Angka saudara nadiadupe madung mamboto hal ihwal nami halahi ro marsuo dohot hami sampe tu forum Apius dohot Tres Taberne. Dompak Paulus mangaligi halai, ia mandok syukur tu Allah dungi marmatogu ma rohania. ¹⁶ Dung lalu hami tu Roma, Paulus tola ma ia tinggal di bagas sandiri rap dohot prajurit namangawal ia. ¹⁷ Tolu ari dungi Paulus mamio angka halak Yahudi na terkemuka anso halai markumpul, Paulus mandok: “Saudaro-saudaro, padiar pe inda mambaen hasaloan au maradopkon bangsata sanga maradopkon adat istiadat ni nenek moyang ta, hape ditangkup do au di Yerusalem dungi diserahkon tu angka halak Rom. ¹⁸ Dung di pareso au, halai marmaksud palua au, harana inda dohot sada pe hasalaanku masetimpal dohot hukuman mate. ¹⁹ Tapi angka halak Yahudi mangalona, harani i tarpaksa maou naik banding tu Kaisar, tai inda dohot maksud mangaduhon bangsongku. ²⁰ Ima harana au mangido, anso au mangaligi homu dohot markobar dohot hamu, justru harani ima harapan ni Israel, au diikat dohot belenggu ou. ²¹ Tai halai mandok tusia: “Hami inda manarimo surat-surat sian Yudea taringot tu ho, inda sada halak pe sian saudaro-saudaro naro mandokon sanga aha najahat taringot tu ho. ²² Tai hami giot mambege sian ho songon dia pikiranmu harana taringot marbab on hami boto, bahaso didiape ia mandapot paraloau. ²³ Dungi halahi manontuhon sada ari disi Paulus. Di ari naditontu honi ro mahalahi bahat tu inganan tumpengan nia. Ia mamoringkon dohot mangalehen hasaksian tu halahi satontang kerajaan Allah; dungi mardasarkon hukum Musa dohot buku ni angka Nabi. Ia marusaho mayakinkon halahi taringot tu Yesus. Hal i marlangsung sian manyogot lalu tu potang. ²⁴ Adong na bisa diyakinkon harani pandohan nia. Adong natotop inda porcaya. ²⁵ Dungi bubarma partormuani dohot inda adong pardoman diantara ni halahi. Tai Paulus laing mandok hatu nasodeon: “Topet do Firman nadi pa sampe ni Roh Kudus tu nenek moyangta dohot parantaraan nabi Yesaya. ²⁶ Kehe ma ho tu bangso ou, dungi dokma: Hamu nangkan mambege dohot mambege, hape inda mangarti, hamu nangkan mangaligi dungi mangaligi. Hape inda mananggap. ²⁷ Harana roha ni halahi madung mangapal dungi suping ni halahi borat mambege, dungi matana madung melekat tartutup; anso ulang halahi mangaligi dohot matana dohot mambege dohot sapingna dungi mangarti dohot rohana. Dungi marbalik, au noma pamalumkon halahi. ²⁸ Harani i hamu angkon mamboto, bahaso keselamatan nasian Allah ou disampehon tu bangso-bangso na asing dungi halahi nangkan mambegesa. ²⁹ Dung didok si Paulus songoni, kehe nia angka halak Yahudi i dohot parbedaan paham nabahat diantara ni halaki. ³⁰ Paulus tinggal dua taon penuh dibagas nadi sewana sandiri: ia manjalo sude halak naro tusia. ³¹ Torus torang dohot inda adong halanganna sanga ahape ia mambaritahon harajaan ni Allah dohot mangajar taringot tu Tuhan Yesus Kristus.