¹ Di dokon si Agripa ma tu si Paulus: di lehen ma kasompatan diho na giot mambela diri.” Paulus mangalehen isyarat dohot tangan na, na mangalehen pambela an na songon on: ² “Olo raja Agripa, sonang do rohangku harana di nasadarion di patola do au mangalehen tanggung jawab di jolo munu tu sude tuduhan na di baen ni halak Yahudi tu au. ³ Tarlumobi mai di boto ho botul-botul adat istiadat dohot parsoalan ni halak Yahudi. Harani i ma hupangido tu ho anso di tangihon ko au dohot sobar. ⁴ Di boto halak Yahudi do sude pardalanan ni ngelungku muloi sian na menek harana sian parmuloan ni ngolungku di tonga-tonga ni bangsongku di Yerusalem. ⁵ Madung lolot do di tandai halak i au sagari rama halak i manyaksihon au, bahaso au madung mangolu songon sada halak Farisi songon mazhab na paling gogo di againan ta. ⁶ Jana sannari au angkon mangadopi pangadilan harani janji i ma nahuaropkon ni madung talu, na dilehen ni Allah tu nenek moyang leluhur. ⁷ Nadi painte sian dua bolas sakun ta, hape di arian dohot borngin halaki maribadah dohot tekun. Dohot harani pangaropan i ma, olo raja Agripa au di tudu angka orang Yahudi. ⁸ Aso di anggap ho nasobotul, bahaso Allah mambangkitkon halak na maninggal? ⁹ Songon dia musepe au sandiri jungada do manyangka, bahaso au angkon karas martindak mangalo goar ni Yesus sian Nazaret. ¹⁰ Hubaen muse do nasongoni di Yerusalem. Inda au sajo na pamasukkon halak na kudus bahat na pamasukkon tu bagasan kurungan, dinahujagit kuaso na sian kapala ni imam-imam, tai setuju muse do au. Molo di hukum mate. ¹¹ Di bagasan bagas paribadatan jot-jot do au mamparkanciti halak i na hupaksa do manyuadahon haporsayaan, harani goyak ni rohangku mangida halak i, huayak-ayak do halahi sampe tu kota-kota na asing. ¹² “Di bagasan na songoni, dinahulehen kuaso dohot tugas na sian kepala imam-imam di bagasan pardalanan tu Damsyik. ¹³ Ompotma, olo raja Agripa, di tonga ari hu ida ma cahayo na lobi torang sian cahaya mataniari na mijur sian langit namanguliangi au dohot dongan-dongan nasapardalanan dohot au ¹⁴ Madaba ma hami sude tu tanoi dung hu bege sada sora namandokon tu au di baagsan bahasa Ibrani: Saulus, saulus aso di aniaya ho au? Maol doho manyipak tu galah rangsang. ¹⁵ Dialusi ia ma: ise do ho Tuhan, di alusi Tuhan ma au ma Yesus nadi aniayamu i ¹⁶ Sannari ngotma jana jong-jong ma ho. Hu pahdahon ma diringku tu hamu giot manotopkon ho manjadi pelayan saksi taringot sasude namadung di idaho sian au dohot sude aha nagiot hupatidahon di ho naron. ¹⁷ Hu asingkon maho sian bangso on dohot sian bangso-bangso na lain. Hu utus maho tu halak i. ¹⁸ Giot mambuka mata ni halak i, anso marbalik halaki sian hagolapan tu natorang dohot kuaso nasian setan tu Allah, anso adong iman ni halahi tu au namangalehen pangampunan ni dosa dohot mandapot bagian sanga aha na di tontuhon baen di angka halak na di paiaskon. ¹⁹ Harani ima o raja Agripa tu pangaligian na sian surgo i inda jungada naso hu taati. ²⁰ Tai parjolo ma au mambaritahon tu angka halak Yahudi di Damsyik, di Yerusalem dohot di sude tano Yudea dohot tu bangso-bangso na asing, bahaso halak i angkon martobat dohot marbalik tu Allah dohot namangkarejohon na sarupo dohot na madung martobati. ²¹ Harani ima halak Yahudi manangkup au di Bait Allah, na giot mancubo mambunu au. ²² Tai harani partolongan Allah au mangolu sampe sadarion na pataridahon ha saksion tu angka halak namenek dohot angka halak nagodang, aha na hubaritahon i inda na asing taran so di dokon sian para nabi dohot nasian si Musa. ²³ Ima bahaso Mesias angkon di parkaneiti bahaso ia parjolo angkon bangkit sian antara ni halak na maninggal, bahaso ia nangkan mambaritahon na torang tu bangso on dohot tu bangso-bangso na asing.” ²⁴ Di dokon si Paulus ma sasudena angkon mampartanggung tanggung jawabkon parkarejoan na, di dokon si Festus dohot sora nagogo: “narintik ma ho, Paulus! Ilmu nabahati do mambaen ho rintik.” ²⁵ Di alusi si Paulus ma: “inda na rintik au, si Festus do na mulia! Hudokon do habonaran dohot pikiran na denggan ²⁶ Di boto raja do taringot tu parkaro on, harani ima anso barani au mandokon na torus torang tu sia. Porsaya do au harani naso adong sada pe sian sudenai naso dibegena harani parkaro ondo baen naso tarjadi di inganan ha terpencil. ²⁷ Porsaya do ho, raja Agripa tu nabi? Hu boto do, bahaso ho porsaya tu halak i.” ²⁸ Dialusi si Agripa ma: “hampir sajo di porsayahon tu giot manjadi halak kristen!” ²⁹ Di dokon si Paulus ma: ra do au mandoah tu Allah anso tibu sangape salolot lolotna inda hum ho sajo. Taidi sude halak na adong dison dohot namanangihon nahudokon jadi sarupo dohot au, kecuali belengga-belengga on.” ³⁰ Bangkitma dohot wali negeri dohot Bernike dohot sude halak na jagak narap dohot halaki. ³¹ Hape kaluarna halak i di dokon ma tusada halak na asing: “inda adong na dibaen ni halaki na saimbang songon hukum mate sangape hukum penjara.” ³² Di dokon si Agripa ma tu si Festus: “na sabotulna halak na madung bisa di bebaskon pala madung manaek banding tu Kaisar.”